Huwag mong isiping ang nais ko lamang ang iyong pag-oo
Pinangos ko na, nginudngod
ang kasakiman ng tao
Huwag mong isiping ang gusto ko lamang ang init ng yakap at tamis ng halik
Itinakwil na ang pribadong pag-aari
Iwinaksi ang bulaklak ng panaginip
Huwag mong isiping ang hangad ko lamang ang iyong malambo't at mapanggayumang katawan
Mapanganib ngayong magbunyag
sa singit ng doble-karang himala
Huwag mong isiping ang nais ko lamang ang iyong malambing na bulong at nakalalangong ngiti
Singaw ba, kabag o utot ng budhi
itong kaluluwang ginahasa't nilupig
Huwag mong isiping ang hangad ko lamang ang iyong himas at hipo
Nais nilang kapunin ako
di na ako magkukulong sa Platonikong ulbo
Huwag mong isiping ang gusto ko lamang ang iyong mabangong dibdib at hita
sa bawat hindot ng tadhanang pinataw
kahit bugaw ay magbabalikwas
Oo, isipin mo kahit ayaw mo
Isipin mong nais ko
hangad ko
gusto ko
ang lahat na iyong ipinagkait
Ay, anong pait!
Nakapangingiwi
Oo, iwaksi
itakwil
habang ang matalas mong ngipi'y nakabaon
sa aking leeg.
ВИ ЧИТАЄТЕ
All That I've Have Written
ПоезіяMysterious winds at the inhabited, a curious dreams undiscovered Welcome to my world! It's my collection of English/Tagalog arcane poems, proses, notes, and letters that I've written. Ink lies the deepest and silent wonder of the soul. Paper is the...
