သူမှလွဲ၍" Except Him " (BL-OC) Completed

Ep.42

ခလေးမွေးလာသည့်အခါ ခလေးသည် တစ်ယောက်တည်းမဟုတ်ဘဲ ယောကျာ်းလေးတစ်ယောက်နှင့် မိန်းခလေးတစ်ယောက် မွေးဖွားခဲ့သည်။ခလေးနှစ်ယောက်လုံးသည် အမြွှာဖြစ်သော်ငြား မွေးကတည်းက ဆံပင်အရောင်လည်း မတူကြသလို ရုပ်ရည်လည်း မတူကြပေ။

သူ(မ)နှင့်အတူ သက်ဆုံးတိုင် ပေါင်းဖက်ဖြစ်ကြမည်ဟု စိတ်ကူးယဉ်ခဲ့သော်လည်း ခလေးတွေ ၆လသားအရွယ်ရောက်သည်နှင့် ကွာရှင်းခဲ့ကြသည်။
ကွာရှင်းခဲ့ကြသည်မှာလည်း သူ(မ)ကို မချစ်တော့တာမဟုတ်ဘဲ မပျော်မရွင်ဖြစ်နေသည့် သူ(မ)ကြောင့် လက်လွှတ်လိုက်ခြင်းဖြစ်သည်။
ကိုယ့်အနား မနေချင်သူကို ဆွဲထားရသည်မှာ အရမ်းပင်ပန်းနာကျင်ရသည်လေ။ညညတွေမှာ သူ(မ)သည် ရည်စားဟောင်း၏ ဓာတ်ပုံကိုကြည့်ကာ ကြိတ်ငိုနေတတ်သည်။ထို့အပြင် အဓိက အရေးကြီးဆုံးအချက်မှာ သူ(မ)သည် သူ့ကြောင့် မပျော်မရွှင်ဖြစ်နေသည်။ထိုအချင်းအရာက သူ့ကို ပို၍ နာကျင်စေသည်။ထို့ကြောင့် ဆွဲမထားချင်တော့။

သူ(မ)က မာန အရမ်းကြီးသည်။ကွာရှင်းကြသည့်အခါ သူမအတွက် ငွေအချို့နှင့် အမွေအချို့ လွှဲပေးခဲ့သော်လည်း သူ(မ)က လက်မခံခဲ့ပေ။

ခလေးနှစ်ယောက်လုံးကို သူနှင့်အတူ ခေါ်သွားမည်ဟု ပြင်ဆင်ထားခဲ့သော်ငြား သူ(မ)က သားယောကျာ်းလေးကို ခေါ်ထားလိုက်သည်ကြောင့် သူသည် သူ(မ)နှင့်တူသည့် သမီးမိန်းခလေးကိုသာ ခေါ်လာခဲ့ရသည်။

အမေရိကကို ပြန်သည့်နေ့မှာတောင် သူ(မ)နှင့် သူ(မ)ငယ်ချစ်ဟောင်းက သူ့ကို အိမ်အရှေ့ထိ လိုက်ပို့ပေးခဲ့သေးသည်။ထို့ကြောင့် သူ(မ)ချစ်ရသူနှင့် သူ(မ)က ပျော်ပျော်ရွှင်ရွှင် ရှိနေခဲ့လိမ့်မည်ဟု တွေးထင်ခဲ့သည်။ထိုသို့ ထင်ခဲ့သောကြောင့် သူ(မ)တို့ သားအမိနှစ်ယောက်အကြောင်းကို ဆက်ပြီး မစုံစမ်းတော့ပေ။မေ့နိုင်ရန် အလို့ငှါပေါ့။

သို့သော် နှလုံးရောဂါကြောင့် ခွဲစိတ်ကုသမှုလုပ်ရမည်ဟု သိလိုက်ရသည့်အခါ ခွဲစိတ်မှုမလုပ်ခင် သားငယ်ကို တွေ့ချင်လာသည်။ခွဲစိတ်နေတုန်းမှာ မှားယွင်းမှုတစ်ခုခု မဖြစ်နိုင်ဘူးဟု မည်သူမျှ အာမ မခံနိုင်ဘူး မဟုတ်ပါလား။ထို့ကြောင့် သူ(မ)တို့သားအမိနှစ်ယောက်အကြောင်းကို စုံစမ်းခဲ့သည်။