#زوجي_الكبير
#الحلقة_52
#دارين
شفت وكان الحمام .. بهتت لل طالع منه و اطب عيني في عينه تجمدت مكاني و سؤال واحد في بالي "هذا شن ايدير هنا ؟؟ "
بلعت ريقي " كيف قدر ايخش " و التفتت نبي نطلع من جناح النوم امتاعهم بسرعة .. وصلت للباب و فجآة يد سحبتني بقوة
ارتديت لوراء و معاش حسيت إلا برأسي خبط في حاجة بقوة : آه .. وحطيت يدي علي راسي .. فتحت اعيوني و طول رديت غمضتهن
ياربي ما نخبط إلا في .. صدره و ما انوقف إلا قدامه و ب هالقرب : افتحي اعيونك !
رعشت وانا نسمع في صوته الهامس و أنفاسه اللي علي وجهي من فوق و جبهتي .. دق قلبي بقوة "دارين يا بنت الناس فكري و اعقلي .. ياربي شن اندير "
و فجآة بدون سابق إنذار طب اسمه بين اعيوني " هادي "
معاش لقيت روحي إلا فاتحه اعيوني و امبعده مسافة عنه و فاكه يدي : لوسمحت خلي بينا مسافة ما ايصيرش هكي
بانت الصدمة علي وجه عزام
بلعت ريقي و حكيت بقوة مش عارفة من وين جتني : و بعدين نعم شن تبي ؟؟ عزام بهدؤ :نبي نحكي امعاك
انا كشرت : مافيش شي بينا عشان نحكو فيه
كنت نحكي و انا مصدومة من روحي .. انا مانبيش نحكي امعاه هكي مانبيش انوجعه و هو في أصعب أوقاته و ظروفه .. بس كنت نتصرف لا اراديا
مش عارفة ليش في هداك الوقت حسيت روحي انخون في هادي .. رغم أن مافيش بيني وبينه شي
بس حسيتها خاينه له .. او خيانة لقلبي اللي ممكن
حبه و انجذب له .. تناقض فضيع عايشته انا
عزام بتعصيب و هو يمسك في يدي من جديد : لا في ولازم تسمعيني ا
قاطعته و بعدت يده ابقوة : وانا قلت مافيش شي نحكو فيه و بعد عني و الحركة اللي صارت يا ويلك لو تكررت يا عزام
و فجآة نلتفتوا علي صوت صراخ جاي من دار هبة
بهتت في عزام اللي مشي يجري .. لحقته بسرعة
خشينا و نلقى هبة امقعمزة في السرير
و عرقانه و تتنفس بقوة
قرب عزام منها قعمز جنبها و مسك ايديها بين ايديه : هبة
التفتت عليه هبة و هي مازلت تتنفس بقوة :
عزام و وين بابا .. نبي بابا
عزام بلع ريقة و اعيونه انحمرن : هبة .. و مسكها بقوة : هبة انتي إيمانك بربي قوي و عارفة أن الموت نهايتنا صح و
و ايقاطعه اصراخ هبة بصوت عالي وهي اتفك في روحها منه و اتبعد و اتصبي : ليش تحكي هكي انا سألتك وين بابا نبي بابا ؟؟؟ صبي عزام و هو ايشد علي يده و غمض اعيونه بقوة و رد فتحهن .. شفت بوضوح ادموعه اللي ايحاول يمسك فيهن و صوته الهادي اللي نطق : باتي مات باتنا مات يا هبة .. عدي خذاه الموت .. باتي الله يرحمه يا هبة
تجمدت هبة في مكانها و زادت سرعة تنفسها و بهمس : ك كذاب
قرب عزام منها
و ادفه هبه و تهلبه تجري شوري ناحية الباب
عقدت حواجبي مش فاهمه شن بدير و من الارتباك تجمدت مكاني و صلت لعندي دفتني لين حسيت بساس ورائي و اللي خبطت فيه بقوة و كملت هبة جري
حطيت يدي علي كتفي : آه
بهت عزام فيا و لاحقها يجري .. تحركت وراه بعد خديت نفس طويل و زفرته و انا انحس بوجع مش طبيعي في كتفي .. و صلت نص الدروج علي كلام هبة
هبة بتعصيب : يا ماما عزام يكذب عليا ايقولي بابا مات ليش ايفاول عليه هكي
قربت مرآة عمي منها و حضنتها :هبة .. و قعدت تبكي
هبة بعدت : يا ماما ليش تبكي .. ليش الناس هذوم كلهم عندنا
و اتقرب رحاب منها و تمسكها : خلاص يا هبة خلاص اصحي لروحك قاعدين انقولولك بابا مات افهمي مات خلاص معاش بيرد .. و تشهق رحاب بقوة و تبكي
بهتت هبة ب عيونها في رابحه اللي تبكي و حاضنها عزام اللي اعيونه حمر
و اطيح هبة علي ركبها فجآة .. و أيقرب عزام بسرعة هو و رابحه منها و رحاب و مرآة عمي
عزام بخوف : هبة
