#زُوجـﻲــﭐلـكـبـُيـر
#ﭑلـحًـلـقـﺔ_24
مشيت شور الصالون خديته و التفتت ونلقي اياد ورائي و كان شكله خاش للمربوعة
بهتت فِيَھ وانا منصدمة
و ماخطرش علي بالي غير سؤال واحد
امتي جا ؟؟ و بانت الصدمة علي وجه و فجاة نسمعوا صوت بابا جاي م̷ـــِْن برا و شكله جاي للمربوعة : اياد
انا بلعت ريقي بخوف و اطرافي جمدن : بابا
اياد طول التفت و طلع ابسرعة
ونسمع صوت خطواته علي الدروج برا وهو ايرد : نعم يا عمي
انا اخيرا قدرت نتحرك بعد ماكنت جامدة و ابسرعة طلعت من المربوعة خشيت جوا شور داري ونلقي عهود امصبيه اتشوف في الميك اب امتاعها
قعمزت علي السرير و اتبهت عهود فيا : كنك ؟؟ انا : هااااا لاشي هاكي موبايلك
ابتسمت عهود وخداته و نسمعوا صوت
ماما بسمة : يا بنات هياااااا وتيتن ؟؟ عهود : اها يا ماما .. وبهتت فيا : هيا البسي عبايتك
انا : باه
وصبيت نلبس في عبايتي وعهود طلعت لدارها اللي جنب داري تلبس في عبايتها
بهتت في روحي في المرآية والعباية مفتوحه ، يعني هو شافني هكي بفستاني وهو شعري والميك اب
صّـْْ(☑)ـْْحّ ان هو ولد ماما بسمة وبابا ايعزه واااااجد و معتبره كيف ولده او بالاصح ولده
بس مستحيل ماعمريش طلعت عليه م̷ـــِْن غير وشاح ولا بالبس فاضح غير هدك المرة اللي لما طلعت قعمزت وماكنتش عارفة ان قاعد
و هو ماشفانيش حتي غير لمحه سريعة !! بس توا هو شافني هكي
شافني وانا طرررررف 😍
حسيت بضربة خيفية علي راسي بهتت ونلقاها
عهود : هااااي وينك ؟؟ انا : كنك ؟
عهود : تي هيااااا ليا ساعة انادي
انا فطنت لروحي : باه
سكرت ابطم العباية ولبست الوشاح وخديت شنطتي بعد تاكدت م̷ـــِْن الموبايل وطلعت مع عهود
و صلنا لمدخل الباب ونلقوا ماما بسمة ، شفتنا طول التفتت و طلعت ونحنا وراها
مشينا في الجنان القدامية للحوش وهنا كانت صدمتي
انا بهمس : اياد شن ايدير ؟؟ عهود : هو اللي حا ايوصلنا بابا طلع عنده شغل
انا بلعت ريقي وبديت نلعن في حظي الف مرة ورا مرة في سري
ركبت عهود لورا و ركبت بعدها
واستوب لحظة بس خلوني انرد
نلعن حظي لاني طبيت ورا اياد
ركبت ماما بسمة جنبه
وركب اياد
و ولع السيارة وطلع شور القاعة
اياد : باهي وفرح م̷ـــِْن هدا ؟؟ بسمة : بنت اخت صاحبتي
اياد : اها هذوم زواجوا بنتهم مش كيف ناس نشحتوا في تعجليت الزواج منهم
بسمة وهي تقلب في اعيونها : نحنا اتفقنا بعد ارمضان خلاص اصبر اهووو علي الابواب
اياد : علي اساس بكرا ارمضان
بسمة تنهدت : الاستعجال مش اكويس
اياد : بس ايقولوا خير البر عاجله
اول ماسمعت صوته وباقي كلامه خنقتني العبرة م̷ـــِْن كثر ماهووو امرايفه عليه وعلي صوته ، حسيت روحي بنبكي
جد رايفت عليه واااااجد وعلي هدزتنا وكلامنا امنابشتنا و بصارتنا ، ودلالي عليه رغم ان اللي بينا مش حب بس اللي نبيها ايجيبها م̷ـــِْن دون نقاش
مافطنتش لروحي اني قعدت نشهق ونبكي بصوت عالي مافطنتش لعهود اللي اتهز فيا بخوف و ماما بسمة المرعوبه ولا لاياد اللي وقف السيارة ونزل و جاني م̷ـــِْن عند بابي
