#زوجـي_الكـبـيـر
#الـحًـلـقـﺔ_34
اياد خد نفس : سؤال صعب بس لو تخيارت اممم ممكن حا نطبق المثل خود اللي ايحبك و سيب اللي اتحبه
انا قلبي دق و حكيت بسرعة ; باهي انا انحبك
رفع اياد اعيونه بسرعة و علامات الصدمة علي وجهه 🍂🍂🍂🍂 : آآآآية
شهقت و بهتت قدامي و نا مصدومة و نلقي اياد رافع حاجبه و ايبهت فيا
اياد : اخيرا نضتي من سرحانك لياااا ساعة نحكي امعاك
تنهدت بقوة
كان خيال مش اكتر 💔
اياد : اوي سرحتي من جديد شن قصتك
انا ابتسمت بارتباك : لا امعاك بس انفكر ان عيد الاضحي بعد فرحك بإسبوع
اياد ابتسم و هز راسه : باهي ليش الهروب هدا
انا : هروب شنوو
اياد : مني انا تهربي
انا ضحكت بتوتر : عليش
اياد اتكا بيديه لطاولة و بهت في وعيوني
بلعت ريقي وبهتت في ايديا اللي في حضني
اياد بهدؤ : عليش هادي هي اللي حا نعرفها.. و بنبرة غريبة : وبطريقتي
رفعت اعيوني له و كانن اعيونه يلمعن : هاك يا اياد
بهتت في ماما بسمة اللي خشت و صبيت طلعت لداري بسرعة و نا قلبي ايدق ... #دارين
روحت للحوش نا مصدومة من الكلام اللي قاله هادي
خشيت لداري غيرت دبشي و قعمزت علي السرير
و طووول اتصلت و حطيت الموبايل علي وذني
نستني في الرد : الو
جاني صوتها اللي كان دال علي انها تبكي
انا : آية
آية شهقت : دارين
انا بخوف :كنك شن صاير عليش تبكي
اية : مليت يا دارين مش قادرة نتحمل اكتر من هكي حاسه قلبي بينفجر من الوجع واللهي انحبه و نبيه ليا بس هو ايام و بيكون لغيري
سكتت و نا مش عارفة شن انقول مهما حكيت مش حا نقدر انوسيها.. بلعت ريقي عارفة يا قلبي و اللهي و الله غالب كيف ما قتلك بلكي فيها خيرة
تخيلي لو لاسمح الله حبيتيه و تزوجتيه و صار لبوك حاجة ولا مرآة بوك او حد اتحبيه
اية رعشت بخوف و ادموعها ينزلن : بعيد السو
انا : شفتي و بعدين كل حد فينا ربي كاتبله نصيب معين مختاره له تبي تعترضي توا انتي علي أحكام رب العباد و اختيارته وهو ادري مني و منك بكل شي
اية : مش قصدي و اللهي
انا : خلاص دام هكي عاهدي روحك تنسيه و تبدي من جديد يا وية الحياة مازلت قدامك و ان شاء الله ربي يرزقك بولد الحلال اللي اينسيك كل شي
اية تنفست بعمق : ان شاء الله
انا : مش اتقولي هكي و بعد فترة اتردي تبكي خليكي قوية يا وية
اية: لا خلاص بإذن الله لو ليا فيه نصيب ربي حا ايجيبه ليا و لو مالياش فا اكيد ربي ايحبني و دسلي شي احسن
انا : ايوه خليك هك و ان شاء الله ربي يبعتلك فرحة كبيرة
اية تنهدت: امين
انا سكتت و سرح عقلي في كلام هادي من جديد اللي شيط فيا النار
اية : دارين نحكي ومعاك
انا انتبهت لصوت اية العالي : هااا.. شن قلتي معلش يا وية سرحت اشوي
اية: قتلك عليش اتصلتي
جيت نبي نحكي و سكتت " ياربي كيف حا نحكيلها ويكفي الضغط 💔😖النفسي و الهم اللي عايشته انجي انزيد عليها نا زيادة " : شي بس قلت نسأل
عليك رايفت لك
اية : حتي نا واللهي وحتي رايفت لوصال واااجد
حسيت قلبي قرصني بقوة : احم باهي وية ممكن اتضيفني في اقروب مدرستنا
اية بصدمة: تحكي جد
انا : اها كنك مصدومة هكي
اية : لا بس قصدي تكرهي القروبات بكافة انواعهن مصدومة اللي تبي اتخشي لهدا
انا خديت نفس انبعد في التوتر :ماهو كسدت و انا الوحيدة اللي امعطله عشان مدرسة خاصة و بدينا يوم 15 /8 و كملنا يوم 15/11 و قريباتي مازلن يقرن امتحانتهن نهاية شهر 12 فا مليت و
ماعنديش الا صفحات
اية : تمام توا انضفيك فيه توا
انا: تم سلام
اية :سلام
و سكرت و حطيت الموبايل في الشحن و صبيت جبت الاب توب و علقته و قعمزت علي السرير و هو في كتري و فتحت ع الاكاونت امتاعي
لحظات و ايجني اشعار ان تم قبولي في القروب
خشيت علي القروب و بهتت في البوستات اندور فيه لازم نلقاه
تنهدت بضيق و بهتت في الساعة و كانت 2:00am : ياربي ليا اكتر من 4 ساعات اندور معاش لقيته
غمضت اعيوني و حاسه بصداع قوي.. رديت فتحتهن و حركت اللمس امتاع الاب توب عشان اينزل تحت و فجأة يطلع لي بوست #صدمني : ياربي شن بندير توا 😳 ... #وصال
غمضت اعيوني بقوة و نا نذكر في كلام شوق _ حن أيهم _ " انا حا انسافر بعد اشوي عندي ظرف حا تقعد امعاك و داد لعند انروح بكرا يا بنتي و.. سكتت شوق بإرتباك و قررت اتكمل كلامها بشي تاني لانها مش ظامنه ردة فعل وصال
و ردبالك من روحك "
انا متأكدة انها كانت حا اتقولي علي قصة حملي بس ليش سكتت ، معقولة ممكن اتخاف اني انضر روحي و اللي في بطني
بس انا مش هكي صح اللي صار امعايا شي كبير بس لا انا مش هكي تعودت ولا تربيت انضر شخص برئ مالش ذنب في شي
مسحت علي بطني .. صح البداية في وجودك كانت غلط و كان شي ايوجع بس متأكدة ان بعد هالتعب و الظلم اكيد ربي بيفرحني
يارب
تنهدت و صبيت من السرير بشويا حطيت الطربوش علي راسي و طلعت من الدار ونا نمشي و ماسكه في الساس عشان الدوخة
وصلت لدار وداد دقيت مرة اتنين مافيش رد ، فتحت الباب بشويا و بهتت و ما لقيتهاش
سكرت الباب و مشيت شور الدروج و نا مازلت ماسكه في الساس و نتلقي نا و وداد
وداد : وصال.. وبهتت في ساعتها و ردت بهتت فيا : مزلتي نايضة
هزيت راسي ببطء و حكيت بصوت مبحوح : حاسه روحي مخنوقه و مشغولة ع بابا و كنت نازلتلك نبي نطلب منك تعطيني نحكي امعاه لان اكيد عندهم صبح توا
وداد ابتسمت و مدتلي يدها خلتني نتكي عليها : من اعيوني بس تعالي انقعمزو علي صالون عشان دوختك
انا هزيت راسي و مشيت امعاها
قعمزنا علي الصالون في الاستقبال امتاع الدور العلوي
و مازلت حاسه بدوخة
وداد : وصال الاحسن انك تتمددي عشان الدوخة
انا هزيت راسي و تمددت
قعمزت عند راسي و فتحتلي الموبايل و مداته ليا : حافظة الرقم الشريحة الجديدة
انا هنا اجمدت و بهتت فيها فوق : رقم شريحة جديدة مش رقم بابا نقدر نتصل بيه
وداد بهتت : لا ما تقدريش
انا تنهدت و حسيت ضيقتي زادت
و صبيت بهدؤ بعد مديلتها الموبايل
و مشيت لدراي
خشيت سكرت علي روحي و طوول ادموعي ينزلن تمددت علي جنبي علي السرير بسرعة بسبب الدوخة و شهقت بصوت مبحوح و نا لافة يدي علي يدي التانية المجبره
يارب ايكون بخير 💜 ... #في_الصبح
8:00
#دارين
ماقدرتش نرقد بعد صلاة الصبح
كانت نار شاعله فيا و مصدومة لتوا
من اللي صار
بهتت في الورقة اللي في يدي و رديت بهتت في الموبايل نتأكد اني كتبت الرقم صح
في خانة الارسال رديت قريت الرسالة اللي كتبتها لرقم باش نتاكد ان مافيش اخطأ املائية و دزيتها بعد خديت نفس عميق
يارب 🌹 ... #وصال
فتحت اعيوني علي صوت 🔊حد ايوعي فيا بهتت و نلقاها وداد
بهتت فيها بإستغراب و رديت بهتت في الساعة وكانت 11:00
وداد ابتسمت : صباح الخير
انا رديت اعيوني لها و تمددت وهي اتساعد فيا و اتكيت علي ظهر السرير بصوت مبحوح : صباح الخير
وداد : هيا نوضي اغسلي وجهك و البسي وشاحك في حد مستنيك تحت
انا عقدت حواجبي بصدمة حد مستنيني انا
وداد هزت راسها : هيا بسرعة عشان تعرفي من
انا صبيت وانا انفكر من هدا اللي يبي ايشوفي
مستحيل ايكون بابا لان فترة علاجه بطول و مايعرفش نا وين ولا عارف اللي صاير امعيا
ضحكت بهزو علي حالي من كان يتخيل ان ممكن في يوم ايصير امعيا هك
تنهدت بضيق
طلعت من الحمام بعد برمت علي روحي و لبست وشاحي اتكيت علي وداد من الدوخة اللي مازلت امعايا نزلنا تحت
خشينا علي صالة و بهتت
و
#ننصدم
لا اراديا : دارين ... #آية
فتحت اعيوني علي اصوات عاليه من روشن داري اللي ايطل ع الجنان برا
طووول بهتت في الساعة ونلقاها 11:03
حكيت اعيوني عشان انصحصح
صبيت و مشيت شور الباب و جيت نبي نفتحه
و ينفتح واتخش براء و عهود
انا : شن صاير عليش هالاصوات بسم الله
براء : اية انتي دايرة حاجة
انا قلبي قبضني : ما درت ولا حاجة عليش
عهود : اياد برا قالب الدنيا و يبيك و ايقول ندولي اية ماما مسكاته برا في الجنان عشان ما ايشوفه حد
انا بلعت ريقي وحسيت اطرافي جمدن : مش دايرة شي يا بنات صدقني
براء: امصدقينك بس البسي وشاح و اطلعيله
هزيت راسي و لبست و شاح و طلعت من الدار شور المطبخ و انحاول انخلي في روحي طبيعية و قلبي ميت خوف
وقفت براء عند باب المطبخ عشان ما ايخش حد و يمسع الاصوات و فتحتلي عهود الباب من المطبخ اللي ايطل علي الجنان لان ايديا يرعشن
طلعت و نلقي ماما بسمة موقفه و جنبها اياد اللي امعصب و اتهدي فيه
بهتت فيه و اطب عيني في عينه
النظرة اللي كانت في اعيونه وجعت قلبي و كانت اول مرة انشوفها و ياريتني ما شفتها 💔
#يتبع 👀
#منقولة_من_صفحة_kholoud_novels_عل_الانستا
اتفاعلوا 🎀💫
#As_ab
