#زُوجـﻲــﭐلـكـبـُيـر
#ﭑلـحًـلـقـﺔ_33
و ايجي حد من ورائي و حط يده علي الطاولة و نسمع نبرة صوته الهادية خلت قلبي ايدق بقوة و ريحة عطره و في عقلي " مستحيل ايكون هو" : شن اخبار الشغل عبود؟؟ التفتت بهتت فيه و اطب عيني في عينه و #ننصدم 😱
كان لابس سروال اسود سبيدروا اسود و كنزة صوفيه بيضاء و ساعة سوده رافع شعره و يد ماسكه الموبايل و يد ماسكه الجاكت امتاعه
رديت بهتت فيه و نلقاه مبتسم علي جنب ورافع حاجب، بلعت ريقي و وجهي انحمر و رديت بهتت قدام في العامل بارتباك : نبي اتنين قهوة سودة و واحد هوت شوكلت ?? العامل هز راسه : تفضلي قعمزي علي طاولتك يوتا طلبك توا انادوك
انا هزيت راسي و حاسه بنظراته عليا و التفتت رديت لطاولة قعمزت
جيداء : كانه وجهك حمر؟
انا ; هااا لاشي
جنة بهتت في جيداء و ردت بهتت فيا : دارين احكي الصدق؟
انا : مافيش شي يا بنات جد؟
جنة بنص عين : ان شاء الله
وردت بهتت في الموبايل
جيداء بهتت فيا وقعدت تحكيلي وتضحك وانا انبهت فيها وخلاص ومش سامعه اي صوت مش قادرة انركز مافيش في بالي غير شكله ابتسامته اعيونه رفعة
حاحبه صوته مافيش في بالي غيره
لا اراديا بهتت في نفس المكان اللي كنت فيه ونلقاه فاضي و العامل يشتغل بهدؤ، صارلي احباط و لفيت بعيوني شور جيداء
و فجاة انلمحه امقعمز علي طاولة امقابلتني من الزواية و يشرب في قهوة و ماسك اكتاب و زاد جماله بالنظارة الطبية
فجآة رفع اعيونه و بهت فيا
ارتبكت من نظرات اعيونه وفي نفس الوقت ما قدرتش انبعد اعيوني و قلبي مش راضي يهداء
دنيا وقفت بالنسبة ليا الزمان الناس الاصوات كل شي رد اختفاء بمجرد حضوره و شوفتي له، عيني في عينه
مر قدامي طيف عزام و اللي صار لقيت روحي امبعده اعيوني بسرعة من عليه ل جيداء و انا انسب في روحي و في غبائي كيف هكي طحت فيه
مستحيل هدا غباء نا عهدت روحي بعد تجربتي مع عزام معاش انحب هاذي غلطة و معادش تتكرر و مستحيل نخلف بها العهد اللي قطعته علي روحي
#مستحيل ... شوق وهي اتبهت في وداد اللي امقعمزة قدامها:انتي امتي راده لبنغازي؟؟ وداد: بكرا الليل علي ما انخلص شغل هالماجستير
شوق: ما اتخليش الماجستير يلهيك علي راجلك و ولدك مش معني ان امك عايشه امعاك بعد وفاة بوك الله يرحمه عزقتي عليها حمل راجلك و ولدك
و ان هووو متحمل وساكت معناها عاجبه الوضع زوجك له متطلباته
وداد : اي حمل يا حني في شغاله ادير في كل شي ماما بس تهتم بي بدر و هدا مش حمل علي قلبها كيف العسل و وافي اموصيه الشغالة علي كل شي يخصه
ادبشه يتحدد مواعد ترويحته كله و بعدين نا كنت نسال فيك شن بديري بعد تاكدن النتائج ليش التوهي في الموضوع هااااا
شوق بتعب : يا هبله قصدي الحاجات التانية علاقتكم
وداد وجها انحمر وسكتت
شوق : شفتي سكتي ومن قال نا انتوه في الموضوع بس مش عارفة
وداد بهتت فيها : شنووو
شوق : كيف انقول لوصال حا تتقبله ولا تكرهه
وداد : مافيش وحده تكره ولدهاااا يا حني
شوق : والله مانندري
وداد: باهي ايهم
شوق: هدا دواه عندي
وداد : شن بديري
شوق : حجزت بمنشي ليلة لبنغازي و امروحه بكرا
وداد انصدمت وصبت قعمزت جنبها : تحكي جد
شوق: اها لازم انشوف ايهم
وداد :اوس امعاه ليش ما اتقوليله ايحيبه تعب عليك المشي غادي
شوق تنهدت ; لا مش حا ايجي نعرفه و اوس ايكفي جبته في طيارة مفجوع و له ثلاث اسابيع و نص غادي اكيد هندا بتشك شن هالشغل
وداد : والصورة
شوق وهي اتحط يدها علي راسها بتعب: مش عارفة شن اندير بخصوصها بس لما انجي انفكر بالعقل ماحد اعترض علي زواج ايهم غير
قطعتها وداد: رندا و رتاج بالتمثلية اللي درتها امتاع ننتحر و غيره
شوق هزت راسها : اها
وداد: قصدك هن اللي دارن هك
شوق: مافيش غيرهن اعترض و بعدين ان بعد الظن اثم نا من تحت لتحت حا نتاكد و لو مش هن يبقي مافيش قدامي غير انجيب الولد هدا و نتاكد من
الكلام
وداد : الحق يا حني نا نتوقع كل شي من رتاج و رندا
شوق هزت راسها بتعب :حا تكسر ظهر خوها وتقعد خربت بيته لو طلعت هي ورا اللي صار
وداد مسكت يدها : ان شاء الله خير
شوق : ان شاء الله
وخرت ورديت بعد كنت حا ننزل نطلب من حن أيهم موبايل عشان نحكي مع بابا رغم اللي انا فيه الا ان شاغلني
قعمزت علي السرير وانا انفكر
الضعف و الصمت هدا مش حا ايفيدني لازم نثبت اني بريئة وان الصورة كذب
بس كيف؟؟ نسيت في هداك الوقت كل شي اني حامل و نا بنت حا تبلغ بعد فترة قصيرة 17 سنة و في داخلها جنين من زوجها اللي اغتصبها ظلم و ما تاكدش من الكلام قبل
زوجها اللي حباته حب كبير قدر يتغلغل داخلي و يتوسط في قلبي و اللي صدمني ان حتي بعد اللي صار مش قادرة نمحي حب اللي يتزايد في قلبي
ممكن اتقولوا غباء اهبال جنون بس القلب ماحدش يقدر يتحكم فيه، نحنا بشر في اوقات يحكمن فينا احاسيسنا و مشاعرنا وما نقدروش نتغلبوا عليهن
صح نا مجروحه بكل جدا جرح كبير منه جرح كبير بكل و صعب او شبه مستحيل ننسي اللي صار بس حاولت بكل قوتي حطيت كل اللي صار في بالي
ابكائي ادموعي الوجع اللي حسيته بس ماقدرتش نكرهه، ماقدرتش لدرجة فكرت ان هدا حقه الشرعي ايدير اللي يبيها فيا غبية صح درت روحي سلعة او حيوان ونا انسان بس غصبان عني نبي نكرهه بس في حاجز بيني وبين هالشي مانع هالكره من ان ايصير
شهقت و حطيت يدي علي فمي ونا نبكي، دفنت راسي في المخدة ; هو سبب الحالة اللي نا فيها هو دمرني اغتصبني ظلمني قهرني ضيع عليا امتحاناتي
اذاني في مستقبلي اذاني ونا اللي حبيته ومازلت ياربي انزع حبه من قلبي نبي نكرهه
غمضت اعيوني و رديت حطيت راسي في المخده نكتم صوت شهقاتي 💔 ...
#دارين
جنة : هياااا المغرب اقريب ياذن
انا تنهدت ابراحة اخيرا حا نطلعوا بنموت من التوتر و نظراتة اللي انحس بيهن عليا
حكيت بسرعة و من غير تفكير : طيب نا حا نمشي ندفع
جيداء فتحت الشنطة: هاكي افلوسك اللي عطتهن ليا خويلة
انا خديتهن ; باه
جنة صبت بسرعة: ادفعي و الحقَنِي للمحل هدكي عيني عليه من بدري
و مشت بسرعة
جيداء : استني يا
وسكتت
انا ضحكت : الحقيها اهو جايه
جيداء تنهدت وهزت راسها وصبت شور المحل
مشيت شور كشك الدفع : احم
رفع العامل راسه وابتسم
انا : لو سمحت احساب الطاولة رقم خمسة
العامل هز راسه و بهت قدامه ايبعبش في الكمبيوتر و بعدها رفع راسه بهدؤ الحساب اندفع
انا بهتت فيه مصدومة: نعم
العامل; الحساب اندفع
انا: كيف قصدي ممكن تتاكد
العامل بهدؤ: اهووو قدامي مكتوب ان اندفع الحساب
انا : من اللي دفعه؟؟ العامل ارتبك: هااا اممم
انا: لو سمحت ممكن اتقول من اللي دفعه
العامل بتوتر :صاحب المكان
انا برفعة حاجب ;و من هدا
العامل اشرلي استاد هادي اللي امقعمز علي طاولة رقم 12
انا دق قلبي و التفتت شوره و كان يقرا بهدؤ
بلعت ريقي وبعدت عن الطريق عشان الزباين اللي بيدفعوا
وقفت ونا انبهت فيه
دارين ردبالك تضعفي مش وقتك وبعدين كيف يدفع عليك ع اساس بينكم دلالة او حبيبك او يمكن ايكون ايفكر فيك بطريقة غلط
ماهو من غبائك قعدتي اتبهتي فيه اكيد خاذ فكرة غلط
معاش لقيت روحي الا قدامه و نحكي ; احم
رفع هادي راسه بهدؤ
انا : من اللي سمحلك تدفع عليا
هادي عقد حواجبه و هز اكتوفه; وانتي شن اللي امضايقك في الموضوع
انا: اللي امضايقني اني لا نعرفك لا تعرفني كيف تدفع عليا هك
هادي بهدؤ مستفز ورفعة حاجب ; اممممم مانعرفوش بعضنا
انا قلبي دق و وجهي انحمر بس مارديتش
خيركم؟ يعني كان وقفت امعاه مرة عشان نسال علي وصال قعدنا نعرفوا بعضنا ولا كيف؟؟ هادي بإبتسامة و نبرة خبيثة : مش سبب مقنع انك تتضايقي الصراحة
انا ضغطت علي يدي بقوة وخديت نفس نبي نهدا مانبيش انعصب : علي المهم قولي لحساب كم و حا نعطيه لك مافيش داعي
يطول الموضوع
هادي بهت فيا و ماردش
انا ارتبكت من نظراته
وخرت وسيبته ومشيت شور العامل : لوسمحت؟؟ العامل : تفضلي
انا: ممكن نعرف القهوة السودة و هوت شكولات كم اتبيعوا فيهن هنا
العامل بإستغراب: القهوة الكوب 10 و هوت شكولات 15
انا :تمام شكرا
والتفتت شور الطاولة اللي امقعمز عليها هادي و صلت عنده هو مازال ايبهت فيا
تجاهلت نظراته و طلعت من الشنطة
35 و حطيتهن علي الطاولة بهدؤ
و التفتت نبي نمشي نطلع من المكان من دون ما انبهت فيه و فجآة اجمدت في مكاني بعد سمعت الكلام اللي قاله و اللي نزل عليها كيف الصاعقه 😨 ... #آية
كانن البنات امقعمزات برا و ديرات جو في الجنان ورا الحوش
انسحبت بهدؤ حاسه ماليش مكان في هالجمْعَه
كنت حاطه الطربوش علي راسي علي الصقع و لافه شايل صوف كبير عليا
خشيت للمطبخ و نتفاجأ بي ماما بسمة مع اياد
دق قلبي من شوفته
مربي لحيته و لابس سروال امريكي و تي شرت و جاكت توته بطربوش
كيف ما ايقول كان طالق الشيانه
بس حتي لما طلقها مازال طرف حلوووو ايجنن
ماشفتش اليوم او حاولت علي قد ما نقدر ما انشوفش ولا يجمعنا موقف
ماما بسمة: اهووو اقعد مع وية اشوي توا انجيبلك و انجي
و طلعت من المطبخ جوا
بهت فيا اياد من دون ما يحكي
ابتسمت مانبيش ولاشي ايبين عليا
و قربت قعمزت و امقابيله و بينا كرسي : و باهي كيف الاجواء يا عريس
اياد بهدؤ نزل كوب القهوة علي جنب و حط يده علي ذقنه يمشي علي لحيته
دق قلبي لحركته دق بقوة
اياد بهدؤ و اعيونه ما نزلنش من اعيوني : جوي الحمدلله بس
انا بلعت ريقي: بس شنووو
اياد: في حاجة امتعبتني
انا بخوف: شنوووو قول
اياد : اهروبك مني
انا #انصدمت جد كانت اكبر صدمة لياااااا و لقلبي اللي معاش هدا.. بلعت ريقي مانبيش شي ايبان عليا و ضحكت وجيت نبي نحكي
اياد قاطعني: ماتنكريش هروبك واضح بعدتي عني وبعدك تعبني وااااجد و خلني نمرض ليش نا زعلتك
خنقتني العبرة بس مازلت امحافظة علي ابتسامتي : شن اتقول يا اياد عادي بس مابعدتش هي فترة عشان الدراسة وهك
والمدرسة الجديدة ما ترحمش في ولاشي
اياد ى اممم مع اني عارف ان في سبب اقوي بس اوكي بس انتي عارفة اني في اي وقت قاعد عشانك و لكي
انا هزيت راسي :المهم
اياد: المهم
انا ضحكت; شن جوك
اياد: عادي طالق الشيانه
انا بلا تفكير: عادي انت حلووو في كل حالاتك
و سكتت بعد فطنت شن قلت
اياد ضحك :شكرا علي التشجيع
ضحكت امعاه و ما حكيتش
بهتت في صوابعي اللي في حضني و ساد الصمت
رفعت راسي و نلقاه ايبهت فيا
بهتت فيه و حكيت: بنسالك اياد
اياد حط يده علي خده متكي علي طاولة ; همممم
انا: لو جا يوم و تخيارت بين انسان اتحبه و انسان ايحبك بجنون شن بتختار
اياد سكت و نزل كوب القهوة و طووال هو ايبهت فيا
مابيتش انزل اعيوني بكل نبي نعرف الاجابة
اياد بهدؤ : عليش
انا : جاوب
اياد خد نفس : سؤال صعب بس لو تخيارت اممم ممكن حا نطبق المثل خود اللي ايحبك و سيب اللي اتحبه
انا قلبي دق و حكيت بسرعة ; باهي انا انحبك
رفع اياد اعيونه بسرعة و علامات الصدمة علي وجهه
#يتبع ⬅
#منقولة_من صفحة_kholoud_novels_على الانستا
#تفاعلوا
#As_ab
