#زوجي_الكبير
#ﭑلـحًـلـقـﺔ_27
: هادي شن ادير
التفت عليها هادي : هااااا كنت طالع انجيب الهارد م̷ـــِْن الصلاح
هندا : اها باه ما اطولش
هادي هز راسه وجا يبي يمشي و وقف التفت عليها : بنسألك يا هندا
وقفت هندا بعد ما كانت حا اتخش جوا : شنووو ؟؟ هادي : كان عندنا ضيوف نحنا
هندا : اها دارين صاحبة وصال في المدرسة جايه تطمن عليها وهكي
هادي هز راسه وسرح
هندا : عليش تسال ؟
هادي طلع م̷ـــِْن سرحانه وابتسم : لٱ عادي اوكي
هندا : في امان •اللّـہ̣̥ وردبالك م̷ـــِْن روحك
هادي هز راسه خشت هندا
مشي هادي ركب في سيارته ولعها و طلع …
#بنغازي
#وصال
نضت علي صوت حركة ، بهتت و نلقاه بابا متمدد علي السرير و ايهم جنبه مقعمز علي الكرسي و يحكو
قعمزت و انا مبتسمه و قربت منهم
بهتوا فيا
قعمزت جنب بابا م̷ـــِْن الجيهة التانية و حضنته
بابا ضحك : كنك ؟؟ انا هزيت اكتوفي و وجهي مدفون في صدره : عادي
بابا وهو يمسح علي ظهري ; باهي يا ستي ماتبيش اتروحي ؟
انا بصوت مكتوم و وجهي مازال في صدره : لالا
بابا : باهي الدنيا ليلت توا و لازم اتروحي حتي موعد الزيارة انتهي
انا بعدت كشرت وابتسمت : حا نقعد مرافقه ؟
بابا تنهد : وصال
انا : بابا
ايهم : عمي امعاه الحق انتي لآزٍمٍ جد اتروحي و بكرا انجوا لان فعلا الزيارات اساسا ممنوعة الفترة هادي له بس عشان مالك صاحبي وهك قدرنا انخشوا
انا بنفعال : بس هو بابا ماحدش يقدر يمنعني م̷ـــِْن اني انشوفه كيف يبوا يحبسوه هكي
بابا : مش يحبسوني و بعدين هيا
ودفني بشويا نين صبيت ، والتفت علي ايهم : الله ايربحك يا ايهم خودها حسها تعبتني
ايهم هز راسه وصبي شوري
انا جيت نبي انقرب بخوف : انت تعبت ولا
ايهم مسك يدي و خاد شنطتي : هو ماتعبش بس لْـۆ قعدتي حا اتعبيه هياااا يا وصال تصبح علي خير يا عمي
بابا : وانت م̷ـــِْن اهله يا ولدي
و خدني وطلعنا م̷ـــِْن دون ما يعطيني فرصة نحكي ولا اندير شي
سكر الباب و وقفنا برا في الممر
انا كشرت : عليش مستعجل هكي انا مانبيش نمشي ؟
ايهم : وصال ما اتخلينش نندم اني جبتك؟
انا : شن قصدك اساسا كنت حا انجي ابروحي !
ايهم : سبحان •اللّـہ̣̥ مش نفس البُـنًتٍ اللي كانت بين ايديا تُعباُنٌهْـ تبي تمشي لبوها
انا عصبت و ضغطت علي يدي : انت .. انت واحد بارد و ثقيل و و واااااااااااه
و خديت شنطتي و التفتت نمشي وهو ورائي
ركبنا الاسانسير و صلنا ☟تٌَحَـتْ☟ و ينفتح الباب طلعنا و نلمح الدكتور مالك
طوووول مشيت شوره م̷ـــِْن دون لٱ نحكي مع ايهم ولا انبهت فِيَھ اساسا
انا : دكتور مالك ؟؟ مالك : كيف ما قتلك ، و التفت عليا : مدام وصال
انا : نحنا امروحين توا قالوا مافيش زيارات وانتهن وهكي ردبالك م̷ـــِْن بابا اوكي و لْـۆ صار اي شي لٱ سمح •اللّـہ̣̥ اتصلنا بي عندك رقم ايهم ولا رق
و ايقاطعني صوت ايهم من ورائي لما مسك يدي وضغط علي وهو ايحاول يبتسم بس بانلي ان امعصب : عنده رقمي و وصيته
مالك : فعلا و ما اتخافوش عليه ان شاء •اللّـہ̣̥ خير
انا بلعت ريقي بخوف من نظرات ايهم : ان شاء •اللّـہ̣̥ ايهم يسحب فيا امعاه : هيا وتصبح علي خير مالك
مالك : وانتوا م̷ـــِْن اهله
و طلعنا ركبني السيارة وركب و مشي بينا السواق
انا قعدت انبهت م̷ـــِْن الروشن و متجاهله ايهم اللي يحرق فيا بعيونه بيأكلني و هو اقريب ايولع
وصلنا لنفس العمارة اللي كنت فيها اول ليلة مع ايهم يوم فرحي ، نزلنا و ركبنا فوق وباين ان السواق لما حطنا في المستشفي جاب الشناطي هنا لان ما نزل شي
ركبنا الاسانسير و السواق قعد تحت
وصلنا لدور اللي فِيَھ الشقة وايهم لتوا ماسك يدي بقوة
طلعنا م̷ـــِْن الاسانسير و قفنا قدام الشقة فتحها و اتقابلنا الشغالة حكي ايهم امعاها
بالانجليزي بسرعة وهزت راسها لبست الجاكت امتاعها و خدت الشنطة وطلعت
سكر ايهم الباب بعد طلق يدي
خشيت صالة وانا مستغربة عليش حكي امعاها بالانجليزي بما انها مش اجانبيه حتي و تفهم عربي
تنهدت
مانبيش شي يشغلني الفترة هادي غير مرض بابا وكيف حا انسانده عشان ايرد كيف ما كان واحسن
حسيت بظل جنبي
رفعت اعيوني ڵـهٍ وكان ايهم وايبهت فيا
ايهم : خشي لدرانا ديري شوار انا توا اندير في الحمام اللي برا و تريحي
انا قلبي دق لكلمة دارنا و توقعته يبي ايهزب علي الموقف بما ان مشه الشغاله شن اللي خلاه يهدا ، بس هزيت راسي و صبيت ساكته ماعنديش جهد اناقش
خشيت للممر ومعرفتش اي دار نين لمحت وحدة مردوده فتحتها و نلقاها هي م̷ـــِْن الشناطي اللي مصفوفات جنب الدولاب م̷ـــِْن الزواية
تنهدت سكرت الباب سلحت الوشاح فتحت الدولاب و طلعت توته حمراء خريفيه سروال ضيق و فنيله امتاعه كم و طويلة لنهاية الركبة من لورا و لنهاية الخصر من
قدام وفيها جايبين م̷ـــِْن قدام و عليها اتويتي و امعاها طربوش
خشيت للحمام الملحق بي الدار درت شوار و حطيت دبشي في سلة الغسيل و طلعت لبست توتي و صليت بعدها جففت شعري ورفعته فوق
طلعت موبايلي م̷ـــِْن الشنطة و فتحته لان كان مقفل لقيت الشحن كيف ماهو 100 و ملايين المكالمات و الرسايل م̷ـــِْن اية و دارين و هندا جميلة هادي
تنهدت حطيته في جيبي
وطلعت م̷ـــِْن الدار و ينفتح باب تاني في الممر التفتت كان باب في صدر الزواية و شكله حمام لان ايهم طلع يجفف في شعره لابس سروال توته و مش لابس شي
م̷ـــِْن فوق
