دارين : بس ؟
انا : شنووو هلك بيرفضوا
دارين : لٱ عُاَدّيَےّ خصوصا انكن قعدتن معروفات في الحوش ديمة نحكي عليكن
انا : شهدر بيك يا حنه
دارين : يا حيوانة انقول في كلام اكويس عليكن
انا قلبت اعيوني : وباهي ؟؟ دارين ; حا نسال بابا مع ان مش حا ايقول شي و ماما تعرف وصال لاني ديمه نحكي عليها و عجبتها حتي بلا ما اتشوفها و ان شاء •اللّـہ̣̥ ايكون خير
انا تنهدت : ان شاء •اللّـہ̣̥ …
#وصال
طلعنا م̷ـــِْن المطار بعد خصلنا الاجراءت و نلقوا نفس السواق اللي كان امعانا في بنغازي ركبنا
ايهم : علي الشقة
انا قاطعته : علي المستشفي
ايهم جا يبي يحكي
انا : مانقدرش نستني
ايهم بهت فيا اشوي ومسك يدي ضغط عليها : علي المستشفي
و طلعنا للمستشفي
وصلنا نزلنا و كانت خاصة ، و استغربت ان ايهم ما مشاش شور الاستقبال طلع طول وهو ماسك يدي
وقفنا عند باب كان مكتوب عليه اسم
الدكتور مالك
دق ايهم الباب و نسمعوا صوت : تفضل
فتح ايهم الباب و خشينا و طووول صبي اللي امقعمز علي الكرسي يضبط في ايهم وكان شاب ممكن ايكون عمره في وسط العشرينات اسمر اشوي لحيته خفيفة
لابس شبة رسمي وفوقه البالطو الابيض
مالك : الحمدلله علي سلامتك عاش م̷ـــِْن شافك
ايهم : •اللّـہ̣̥ ايسلمك
مالك بهت فيا بعدها بهت في ايهم و ابتسم : مدام وصال
انا هزيت راسي و انشد علي كم الجاكت
مالك : تفضلوا قعمزو
قرب ايهم مسك يدي و قعمزني وهو جنبي علي الكنبه البيضه اللي امقابله المكتب
تنهد مالك و سلح نظارته : طبعا يا مدام وصال ايهم حكالك وقالك ان استاذ عمران عنده
انا قطعته : السرطان .. وسكتت : بس وين ؟؟ مالك : في الكبد
انا #انصدمت و عضيت شفتي و حكيت بغصه : باهي وتوا شن حا ايصير ؟
مالك : نحنا حكينا مع بنك خاص بالاعضاء عشان نلقوا كبد تطابق انسجتها مع استاذ عمران ومزلنا نستنوا في الرد
انا : طيب والعلاج الكيماوي ؟؟ مالك : استاذ عمران في اخر جزء من مرحلة التانية م̷ـــِْن المرض و مازال في امل ان العلاج الكيماوي ايفيده و يتخلص م̷ـــِْن المرض
فا ما قدرناش انحطوا اعتمدنا علي بنك الاعضاء لان ممكن ما يلقوش كبد مناسبة و لْـۆ صار هكي حا نقعدو علي الاقل قطعنا شوط في العلاج الكيماوي
بدال ما نقعدو حطين ايدينا علي خدنا م̷ـــِْن دون اي فايدة ، نشتغلوا م̷ـــِْن كل الجيهات احسن
انا : باهي نقدر نتبرع؟؟ قطاعني مالك ; لازم ايكون م̷ـــِْن حد ميت ماتقدريش اتعيشي انتي بلا كبد يا مدام وصال
انا تنهدت بياس حسها اسكرت في وجهي
حطيت ايديا علي وجهي مانبيش نبكي قلت حا نقعد قوية بس مش قادرة كل كلمة قالها الدكتور اتخلي فينا نياس اكتر
مافطنتش لشهقاتي اللي بدا صوتهن يرتفع ولا لحضن ايهم و مالك اللي مدله طاسة امياه عشاني و رفضت نشربها
مالك : مدام وصال انتي لآزٍمٍ اتكوني اقوي م̷ـــِْن هكي واتحطي الامل في والدك لان المرض هدا اكبر اعتماد فِيَھ عشان تتخلص منه هو الحالة النفسية للمريض
انا خديت نفس بقوة بعد شهقاتي و قعدت نحكي بصوت مهزوز : ماهو انت ماقلت شي فادني يا دكتور هو توا قعد يتعذب بهالعلاج الكيماوي و ممكن ما ايفدش
و ما يلقولش كبد و انا مانبيش نخسر بابا هو الشي الوحيد اللي فاضلي في الدنيا
مالك تنهد : ما اتفكريش بسالبية يا مدام وصال ماهو ممكن يلقوا كبد و العلاج ايفيد خصوصا ان اخر نتائج طلعن كانن اكويسات بكل
انا رفعت راسي و مسحت ادموعي : تحكي جد
مالك هز راسه : مافيش داعي نكذب عليك
انا بهتت فِيَھ بعدها في ايهم اللي يده امحاوطه خصري : باهي نبي انشوفه ؟؟ مالك بهت في ساعته بعدها ايهم
انا : كنكم اتبهتوا هكي
ايهم بهدؤ : شن رايك انروحوا نرتاحوا و نجوا في العشيه ؟؟ انا حسيت ان في شي : لا نبي انشوفه توا
مالك : ماهو اكيد مالش لحظات طالع م̷ـــِْن غرفة العلاج و تُعباُنٌ
انا قاطعته : مش حا نزعجه حا انشوفه بس
مالك تنهد : طيب تفضلوا
طلع و نحنا وراه
ركبنا الاسانسير و مالك و ايهم يحكوا بصوت واطي وانا في عالم تاني
لآزٍمٍ نمسك روحي مهما صار لازم انقوي روحي ونقعد قويه عشان بابا
كيف ما قال الدكتور اهم شي حالته النفسية لآزٍمٍ انخليها احسن
و مافطنتش الا لما وقفنا قدام دار اللي فيها بابا
مالك : هاذي هي
انا مش عارفة كيف حكيت بس طلع الكلام م̷ـــِْن دون تفكير م̷ـــِْن القلب للسان : ممكن انخش ابروحي
مالك بهت في ايهم
ايهم وهو يمسح علي يدي بإبهامه : حا اتكوني اكويسة ؟؟ انا ابتسمت وهزيت راسي : اكيد
وبعدت وهلبتهم مدتلي الممرضة اللي امعانا ومش عارفة امتي جت كمامات و اقونتيتات لبستهن ، خشيت م̷ـــِْن دون ما نسمع كلمة تانية
فتحت الباب وسكرته ورائي اتكيت عليه ، بهتت في الممر القصير اللي يودي لداخل الدار و فِيَھ باب شكله الحمام
تنفست بقوة و قعدت نمشي ببط
نين وصلت لنهاية الممر و كانت الدار ضاوية م̷ـــِْن ضي اللي برا رفعت راسي و اطب عيني علي السرير اللي في الوسط كان راقد عليه و حوله اجهزه
طول نزلن ادموعي لما شفت وجهه التعبان و الشاحب اعيونه اللي محلقات ، و شعره اللي اختفي ، جسمه
اللي هلكه المرض و التعب
قربت منه و حطيت يده اللي امعلق فيها المحلول بين ايديا كانت ضعيفه و مليانه اماكن ايباري
حطيت يدي علي فمي مانبيش انطلع صوت
رفعت راسي م̷ـــِْن جديد لوجهه ونلقاه فاتح اعيونه بتعب و يبهت فيا مبتسم : وصال
انا شهقت معاش قدرت نمسك روحي : بابا
قربت اضبطته بقوة نبي انحس بوجودة بانه مازال امعياااا ما خذاش الموت
انا : بابا
بابا بتعب و هو يمسح علي ظهري : عشان هكي ما قتلهمش ايقولولك
انا هزيت راسي ب ( لٱ ) : بابا بتعيش ، انت بتعيش ، علي الاقل خليني انموت انا قبل بعدها انت حر
و نسمع صوت ضحكته اللي مليانه تعب : يا الانانية ماتبيش اتوجعي م̷ـــِْن افراقي و تبيني نتوجع انا م̷ـــِْن افراقك ، بعيد السو عليك ، يومي
انا قاطعته بسرعة : لٱ يا بابا ما اتكملهاش لٱ الا انت يا بابا الا انت ، الا انت
و قعدت انكرر فيها وهو يمسح علي ظهري
الا هو صدقوني تحرم الدنيا عليا بدونه 💔 …
#دارين
لبست فستان امود عليه جاكت امريكي و وشاح و بهتت في روحي طرررررف مع كندره ورديه خفيف خديت شنطتي و طلعت ونلقي بابا وماما يستنوا برا
شافوني صبينا طلعنا
ركبنا السيارة وعطيت بابا العنوان
وصلنا
ماما : ما شاء •اللّـہ̣̥ تسكن هنا ؟؟ انا : اها
طلعلنا البواب : تفضل بابا ايش يبي ؟
