خديت موبايلي و تجاهلت النظرات الغريبة امتاع رندا وجميلة وهندا اللي يغمزن و مشيت امعاه
سحبت يدي بهدؤ و حطيتها في اجيوبي و انا نمشي لان جد الجو صقع
تفكيري خادني بعيد لدرجة نـًسّْيـت اللي حولي و ما حسيتش بوجوده
تنهدت بقوة نبي ننسي التفكير اشوي لان جد تعبت
ايهم : خيرك ؟؟ بهتت فِيَھ و ارتبكت لنظرة اعيونه اللي حستها تخترق فيا واتشوف في اللي في عقلي و بعدت اعيوني بسرعة :شي
ايهم هز راسه و سكت
قعدت نمشي ويا انا نتخيل يا الجو جد تلج او صقع ، معاش حسيت الا بايهم اللي وقفني و لف الجاكت امتاعه عليا وكان كبير و سكره
حسيت وجهي سخن بكل و بهمس : شكرا
ايهم بهدؤ : مافيهاش شكر هادي ان نتاكد م̷ـــِْن ان مرآتي دفت ولا انزيد اندفيها
انحرجت م̷ـــِْن كلامه و قَلبـ♡ــيے دق م̷ـــِْن نبرة صوته في ٱڅڑ شي قاله و حسيت بيطلع م̷ـــِْن مكانه ، مسك يدي و شبك اصابعي مع اصابعه
قعدنا نمشوا نين وصلنا للمنارة ، ابتسمت و ركبت م̷ـــِْن الدروج و كان لونها ابيض و كان المكان فاضي ، قعدت نمشي نين وصلت للحافة ، بهتت تحت في البحر
و الامواج اللي يصتدمن بالمنارة
ايهم صبي جنبي
التفتت عليه وانا مبتسمه ، بهت فيا رديت بهتت قدامي و الابتسامة علي وجهي ما انمحتش و ماحدش يسال عليش ؟؟ لاني مش عارفة
رن موبايل ايهم وبعد
فجاة حسيت بضيقة في صدري و جا في بالي ان ممكن اتكون هي ، اصلا اكيد هي م̷ـــِْن ممكن ايكون غيرها
حسيت بهزة موبايلي و نلقي رسالة م̷ـــِْن ردينة
طوووول ضحكت
و فتحتها | يا قليلة الخير لْـۆ ما سألناش ما تسأليش !! | جيت نبي نضغط علي زر اتصال وبالغلط طلعت من الرسايل
مازلت ما تعودت علي هالايفون 😒
ورديت خشيت علي جهات الاتصال نبي نتصل بيها و نلقي اسم بابا اول اسم
لٱ اراديا ضغطت علي زر اتصال
مليت م̷ـــِْن الرسايل اللي بينا و رايفت علي صوته
حطيت الموبايل علي وذني نستني فِيَھ ايرد
و فجاة يوصلني صوت غريب : الو
عقدت حواجبي و رديت : ايوا
و بهتت في رقم بابا في الموبايل بعدها رديت حطيته علي وذني : عفوا بس من انتي و وين صاحب الموبايل ؟؟ : انا الممرضة والاستاذ عمران صاحب الموبايل حاليا في غرفة العلاج الكيماوي
هالكلام نزل عليا كيف الصعقه ، بلعت ريقي و مافيش شي يتردد في وذني وبالي غير هالكلام
انا الممرضة و الاستاذ عمران صاحب الموبايل
انا الممرضة و الاستاذ عمران صاحب الموبايل
حاليا في غرفة الكلاج الكيماوي
حاليا في غرفة الكلاج الكيماوي
الكيماوي
الكيماوي
طاح م̷ـــِْن يدي الموبايل و معاش حسيت لٱ برجليا ولا بشي حولي كان ٱڅڑ شي انشوفه هو وجه ايهم المرعوب وهو اينادي فيا وانا بين ايديه …
#دارين
قعمزت علي سريري بعد حددت دبشي المدرسي و وتيته
بهتت في الساعة اللي كانت 9:00pm و خديت نفس مسكت الموبايل و اتصلت و حطيته علي وذني
رن لين قفل الخط و ماردش
تنهدت و حسيت روحي بنبكي لامتي هالوضع ?? و مسكت موبايلي بنتصل بي هبه
مافيش اي حد مستعد يسمعني وانا نشكيله غيرها
رن وعلي ثالث رنة ينفتح الخط
جيت نبي نحكي وفجاة حسيت روحي انبكمت و انا نمسع في انقال
هبة : شن قصدك يا عزام ؟؟ عزام : اللي سمعتيه انا معاش نبيها
هبه بنرفزة : عزام انت عارف ان دارين اتحبككك م̷ـــِْن زمان عيب بنت عمك اتعلقها فيك وبعدين اتفوتها و عشان من عشان وحدة تانية
عزام : هبه ما تغلطيش هالوحدة تانية انا انحبها و كيف ماحكيت بكرا بناخد امي و نعدوا نخطبوها و دارين تقدري انتي تحكي امعاها و اتقوللها تنساني كأن ولاشي
صار بينا
هبه : عزام استني عزام
طاح الموبايل من يدي علي الارض و ادموعي ينزلن
حسيت كل كلمه قالها خشت في قَلبـ♡ــيے كيف الموس يعصر فيه
حطيت يدي علي فمي عشان ما يطلعش صوت شهقاتي
يعني شكي كان في محاله هو ايخون فيا ، عنده وحدة تانيه باهي انا اللي حبيته كيف هكي , كيف صار هكي ، كيف هنت عليه !! 💔
مش تغير عشاني و بسببي ، شن صار عشان سيبني ؟
#يتبع
#منقولة من_صفحة_kholoud_novels_عل الانستا
#As_ab
