قعمز علي الارض وهو ماسك ايديا ويحكي امعيا يبي يعرف كني وهو مش عارف ان بسببه هالدموع م̷ـــِْن كلامه و لهفته لـٍهآ غيرتني ذبحتني خلاص
مافطنتش لشي ولا شي الا للحضن الدافي اللي سحبتني له هذك اليد اللي حبيت صاحبها م̷ـــِْن كل قلبي
تمسكت في التي شرت و زاد صوت ابكاي
يأست م̷ـــِْن هالحب العقيم
بس لَيــِْ♡̷̴̬̩̃̊ـِْش ، لَيــِْ♡̷̴̬̩̃̊ـِْش مازال هالامل الصغير اللي في داخلي ما انطفش
لَيــِْ♡̷̴̬̩̃̊ـِْش قلبي مش راضي ايصدق ان لغيري و ايسيبه و ايريحني
تعذبت م̷ـــِْن حبه اسنين وانا انشوف فيه هايم في غيري
شن درت انا في حياتي ؟؟ عشان ايصير فيا هكي شن درت بس !! انبت روحي اللي امعلقه فِيَھ
و انبت قلبي يوم حبه
انبت عقلي لان ديمه ايفكر فِيَھ
كل جزء فيا انبته م̷ـــِْن حبه اللي تغلغل داخلي وسيطر عليا 💔 …
#وصال
كنا امقعمزين علي الكراسي و في النص في طاولة عليها فواكه وحلو و موالح عصاير و قزوزة و انهدرزو
جميلة وهي تتنهد : شوفيهم شوفي يقهر فيا ادريس يسبح هو هادي عارفني غالي عليا
هندا وهي تضحك : اهوووو انا امونستك و وصال و رندا
جميلة بنص عين : رندا لٱ معلش الخت مش امعنا
رندا : لٱ امعاك ، كنك ؟؟ جميلة : وين اعيالك ؟
رندا و وجها في الموبايل : عند حنهم في المزرعة
هندا : ديمه شكلهم
رندا : اي هي تبيهم وانا ما صدقت افتكيت
انا حبيت نحكي بس سكتت مانبيش امعاها مشاكل
هندا فطنتلي و بعدها مسكت موبايلها
بهتت في موبايلي اللي يضوي برساله ( كنك سكتي احكي عُاَدّيَےّ )
انا كتبت ( لٱ مانبيش انقول حاجة تزعجها فوتي )
رفعت اعيوني علي شهقت جميلة
كلنا بهتنا فيها : كنك ؟؟ جميلة وهي تضحك : شوفن ايهم شكله هادي تحداه م̷ـــِْن يغلب واخسر
هندا عقدت حواجبها : م̷ـــِْن اللي خسر
جميلة : عليك سؤال م̷ـــِْن جدك اكيد هادي
هندا ضحكت : عليككك وجه طاح
انا التفتت شور البحر و اطب عيني عليه طوووول بلعت ريقي م̷ـــِْن المنظر اللي شفته عضلاته ايديه و العضلات السداسية امتاع بطنه ماكنش لابس تي شرت
بس شورت سباحة ، رفعت اعيوني لوجه علي صوت ضحكه مع ايهم و ادريس و عماد اللي يرفع في معنويات هادي اللي امكشر
ابتسمت وانا سرحانه فِيَھ
حبيته
اها انا فعلا حبيته طحت وماحد سمي عليا
كيف امتي مانندريش بس انا بجد حبيته ، بس
وتنهدت وانا نذكر في مكالمته و كلمته و حقيقة ان هو مايرقدش امعيا كل شي اياكد ان في حد ثاني في قلبه
بس عليش تزوجني ؟؟ لان مستحيل اب يعزق بنته علي حد ، و انا متاكدة رغم ان في الفترة الاخيرة بابا تغير الا اني متاكدة ان عذره قوي و اني غاليه عليه واااااجد
لْـۆ كانت وحدة تانية مكاني كانت اتصلت بهلها و طلبت الطلاق و معاش قعدت دقيقة بس مش عارفة عليش لتوا مادرتش هكي
بس السؤال الوحيد اللي شاغلني لتوا واللي حا نقعد اندور في اجابته هو عليش تزوجني ؟؟؟ حسيت بيد مسكت يدي بهتت ونلقاه ايهم
#انصدمت مش توا كان في البحر ، ركزت ونلقاه لابس تي شرت وفي يده جاكت
ايهم : خلينا نتمشوا !! و صباني
