*وتبقى لي*
طلع محمد بسلامه من المستشفى وانا قاعده انطرهم يوصلون الفندق واصلوا وخذتهم حق الغرف
فاطمه: مشكور حبيبتي
شوق: شدعوه عاد لا تقولون جي
محمد: مشكوره شوق ماقصرتي
شوق: ولو
وطلعت من عندهم الا خالد في وجهي
خالد: شخبارج شوق
شوق: بخير وانت
خالد: انا الحمدلله
ونزلت تحت وخليته ورحت اكمل شغلي مادخلت المكتب الا ورد احمر اقصد كل المكان ورد احمر ومكتوب على كل باقه كملي كملي ودوري في كل ورده صدقيني بتحصلين ششي وقعدت ادور لين ماتعبت وماحصلت شي الا دش خالد
خالد مبتسم: هاي اللي ادورينه
ماسك في ايده خاتم
شوق مصدومه: شنو
خالد: صج هاي اللي ادورينه شوق انا ماعرف شنو اقول لج بس
شوق: لا تكلم ترا انا اعرف كل شي لا تبرر
خالد: شنو تعرفين
شوق: عن التحليل وعن اشياء وايد
خالد: بس
شوق: لا بس ولا شي الحين اطلع وخلني بروحي
جا خالد حط الخاتم على الطاوله وطلع وقعدت انا افكر في الموضوع شلون يتزوجني والتحليل صج طلع ان احنا مش اخوان شوي الا رن الجوال
ابوي: شوق حبيبتي مري علي البيت الحين
شوق: انشاءالله يبه
رحت فوق وكلمت فاطمه اني بروح وبرجع وركبت سيارتي ورحت البيت دشيت ورحت المكتب وقعدت انطر ابوي
ابوي: شوق حبيبتي شخبارج
شوق: انا بخير يبه
ابوي: انا بقول لج موضوع وهاي كان ودي يصير من زمان
شوق: هلا يبه
ابوي: خالد متقدم لج وانا قلت اشوف رايج بس يعني انا اشوف خالد زين وماعليه كلام وثاني شي معاج في الشغل
شوق: بس
ابوي: انا ودي ان تتزوجين
شوق: اللي تشوفه يبه
ابوي: شوق اذا ماتبين قولي لي انا بنطر يومين وباكلمه اذا ماتبين تكلمي واذا تبين لا تردين علي
طلعت من عند ابوي وركبت سيارتي ورحت الفندق وقعدت واتصلت على فاطمه وجاتني فاطمه
فاطمه: شفيج حبيبتي
شوق: قومي انروح حق محمد بعد هو لازم يعرف
ورحنا حق محمد وقعدت
شوق: محمد طبعا انت تدري ان خالد تقدم لي
محمد: اي شفيها شوق
شوق: انا اعرف عن التحليل وكل شي بس هو ماقال لي حتى النتيجه وانا مارحت اعرف
محمد: لا اخوج ولا شي بس عمه سوا جي عشان الفلوس لا اكثر ولا اقل
شوق: زين ايش رايكم
محمد: انا راي ان الخميس الملجه
فاطمه: هههههه اي
*خالد*
رحت حق محمد متضايق ماعرف شنو اسوي دشيت على ليه
محمد: هلا شفيك
خالد: ياخي ماتبيني
محمد: تبي الصج هي قالت لي ان ماتبيك
خالد: كذاب
محمد: صج للاسف
خالد: شفت
محمد: اقول ترا المجله الخميس يلا جهز عمرك
خالد: صج صج ولا بس جي
خالد: صج صج
وطلعت مستانس وبسرعه رحت الخياط افصل لي ثوب جديد وعقبها تذكرت ان اليوم الثلاثاء باقي يوم بس
*شوق*
طلعت ورحت اخذ لي فستان نااعم وفاطمه معاي رحت فيلاجيو اشوف لي فستان وعقبها رحنا ناكل
فاطمه: تحسين فستاني اوكي
شوق: اي حبيبتي
فاطمه: اول مره البس ازرق
شوق: حلو تغير
فاطمه: بس فستانج البيج وايد عجيب عقبالي
شوق: اي والله يلا الشهر الجاي دورج
فاطمه: انشاءالله
وطلعنا ورحت احجز في الصالون وخلصت ورجعت البيت
ومر اليوم وجا يوم الملجه وقعدت الصبح وخلصت كل شي ورحت الصالون ورجعت البس وحصلت فاطمه كاشخه ومخلصه
فاطمه: وينج تاخرتي
شوق: شسوي
فاطمه: بس تجننين مشاءالله عليج
شوق: صج يلا البس الفستان
وخلصت وانا خايفه حدي ونزلت وقعدت تحت مع فاطمه وامها وعقبها ابوي يصوت علي وانا خايفه ودشيت على خالد وقعدت معاه ...
الله ياخذك منهم ولا ياخدني من يدك
ولا ياخذ غلاك وعمرك الغالي
وتبقى لي..
النهايه
قلم الكاتبه: ساره
