*اخيرا عديت هاي المرحله *
طبعا خلاص يعني عرفت كل شي بفضل الللي علمي والكتب مالت ابوي وخبره ابوي صار دوامي بس من الصبح لين العصر واطلع قررت اني اطلع مع الحبايب ونروح مطعم على احسابي
محمد: اكيد على حسابج
شوق: ولا تزعل اكيد بس ابدل واجيكم
رحت ابدل كشخت لان العاده كشخه بسيطه وثياب رسميه شوي وخلصت كل شي ونزلت لهم وطلعنا نتمشى
فاطمه: واخيرا انتي معانا
شوق: اي والله انا تمللت بس حلو الشغل
محمد: الله يوفقج
شوق: اجمعين بس وين بنتعشى اكيد انتوا خبره
فاطمه: هههه تعالي في مطعم صدقيني بيعجبج
ورحنا المطعم وقعدنا ناكل وخلصنا وعقب رحت بروحي اسوي شوبينق لين ماشبعت ورجعت بس خذت اشياء تناسب الشغل ورجعت الغرفه الا مسج
خالد: نسيتني اشوف
شوق: لا حشى قلت لك اني رايحه شغل
خالد: اي اوكي الله يوفقج
شوق: انت وينك
خالد: ويني يعني اشتغل
شوق: اها
وسكتنا وعقبه انا نمت ...
*ماصدق*
قمت الصبح سويت لي كوفي قعدت شوي الا جابوا لي الفطور والاوراق اللي لازم اشوفهم واتعلم منهم وعقبها دشت فاطمه
فاطمه: صباح الخير
شوق: صباح النور يلا فطور
قعدت قاطمه تتريق معاي وعقبها نزلنا تحت هي راحت قسمها وانا دخلت مكتب ابوي وقعدت الا شفت صورته هو وامي وخنقتني العبره وقعدت اصيح لا شعوريا الا قلت لهم اني بطلع متضايقه حدي وماخلصت شغلي وطلعت رحت قعدت في المطعم اللي في الفندق وطلبت لي كوفي الا محمد سحب الكرسي وقعد
محمد: بقول لج دام ان امبين على وجهج التعب بوديج كوفي كل مره انا وفطوم نروحه جي قعده برع تفتح النفس
شوق: اي والله ودي
محمد: الحين فاطمه جايه
شوي الا فاطمه جات
فاطمه: ايش قلت لها
محمد: اني احبها
فاطمه: نعم نعم
شوق:: ههههههه لا والله قال ان بيوديني الكوفي اللي تحبون ترحون له
فاطمه: اي عبالي بس صج شوقوه يجنن يلا
قمنا ورحنا الكوفي وفاطمه ومعصبه على محمد وهو يضحك عليها وصلنا وجد جد حبيت المكان جي قعده برع وعلى البحر وناس رايحه وناس راده قعدنا طلبنا اكل وكوفي بس اناماطولت لان اتصلوا لي ولازم ارجع الفندق
