*الدوحه*
ورجعت الدوحه على خير جد وحشني كل شي فيها وصلت فاطمه البيت ورجعت انا البيت وعلى طول حضنت ابوي
شوق: وحشتني يااغلى شي عندي
ابوي: وانتي بعد والله حبيبتي مافي ازعاج
شوق:ههه عشان ثاني مره ماطرشني برع
ابوي: لا في سفره
شوق: لا لا
وركبت فوق وبدلت وخليت الخدامه ترتب اغراضي وطرشت مسج
شوق: وصلت البيت
خالد: اي من قبلج حبي
شوق: شدارك ان قبلي
خالد: اعرف وخلاص
شوق: على كيفك
خالد: اي اي
وسكت عنه ورحت خذت شور سريع ولابست بجامتي وانسدحت افكر ان بكره جامعه
*الجامعه اخر سنه*
مرت الايام وصرت اخر سنه في الجامعه غيرت الكلاس وخليتهم كلهم من الساعه ١٢ الظهر عشان ماقوم الصبح وفطوم نفس الشي
فاطمه: مرت الايام بسرعه صج خلاص باقي شهر واتخرج
شوق: اي والله انا بخلص وعلى طول شغل
فاطمه: حتى انا واللله بس بقول لج ماتغير اي شي معاج ومع خالد نفس مانتوا يعني انا محمد يفتح موضوع الزواج بس انا ابي عقب التخرج مب الحين
شوق: هو مرتاح جي وانا مرتاحه جي وانتي الله يوفقج
وخذتها وطلعنا ورحنا لاند مارك وقعدنا في مايا الا مسج
خالد: شتسوين اهنيه بعد كل مكان انتي يلا قومي روحي ادرسي
شوق: بسم اللله من وين طلعت
خالد: ههههه بعد
شوق: برجع البيت الحين
خالد: اوكي
رجعت فطوم البيت ورجعت انا اتغدا لان طلبت منهم يسون لي مجبوس لحم ياعشقي حق المجبوس ورحت فوق ومابدلت وانسدحت افكر
انا وايد تقربت من خالد كل شي اسويه لازم هو يعرف وانا بعد كل شي اعرف عنه بس محد يحب الثاني او محد قال حق الثاني عن الحب ...
*التخرج*
وجا اليوم اللي انا ناطرته وابوي بعد وقررت ان اسوي لي حفله في الشاليه مالنا واعزم البنات واتصلت على فاطمه
شوق: فطوم
فاطمه: هلا
شوق: ايش رايج انسوي لنا حلفه صغيره في الشاليه
فاطمه: فكره والله
شوق: بدون الحب
فاطمه: يخسي يجي وعندنا بنات بس عقب عادي
