*المانيا*
قرر ابوي دام اني بروحي قاعده في الاجازه ان اروح المانيا معاه هو عنده شغل وانا اطلع اروح استانس ورحنا المطار وطبعا انا اتمشى بروحي واشتري اللي ابيه وابوي ينطرني عند البوابه وخلصت ورجعت له وركبنا الطياره
ابوي: انتي مزعجه ليه جي
شوق: شسوي يبه ماعندي حد اسولف معاه الا انت
ابوي: المهم سكتي شوي لين مانوصل
شوق: انشاءالله
وصلنا وخلصنا امور الفندق طبعا ابوي قعد في الفندق وانا طلعت اتمشى وصج ساعات اضيع هههه بس ارجع حق الكوفي العجيب اللي قريب الفندق وقلت حق ابوي عنه عشان مايدورني
وعقب صرت ماعندي الا هالكوفي وصار يومين هناك يجي واحد بس ماعرف هاي من بس شكله كلش مب عربي بس انا ماعطي اي اهتمام حق الناس اللي في الكوفي خلصت ورجعت الفندق
*غريب جدا*
وكالعاده اقوم الصبح اقعد بروحي اسمع اغاني وابوي يطلع يخلص شغله واتصلت حق فطوم
شوق: فطوم شخبارج وحشتيني
فاطمه: انتي ليه ماخذتيني معاج
شوق: شسوي والله ودي
فاطمه:شخبار المانيا اوكي ولا
شوق: اوكي والله حبيبتي بس وحشتيني وابوي كله شغل
فاطمه : الله يعينج
خلصت من فاطمه وكالعاده ماعندي الا الكوفي في هاليوم كشخت حدي لابسه بنطلون اسود جلد مع قميص ابيض وجاكيت اسود وسكاف ومكياج وحاله رحتت وقعدت بروحي اشرب قهوتي الا احد قرب مني
هو: لوسمحتي
شوق: هلا
هو: السكارف وايد حلو مشاءالله من وين
شوق: من اهنيه محل ديور
هو: اوكي سوري على الازعاج
نعم هو انسان غريب جدا ولا اعرف ايش سالفته ماانكر ان حلو وايد وايد جميل جي* طويل اسمر عنده غمازه احب الغمازه وستايل رسمي بس * نرجع قمت وطلعت وانا افكر فيه وعقب نسيت الموضوع ورجعت الفندق ونسيت كرتي عند ابوي ورحت غند الاستقبال اخذ بطاقه ثاني الا وحده
تقول: انتي قطريه
شوق: اي ليه
ردت: اقول من الشكل مشاءالله
شوق: وانتي
قالت: انا اسمي عبير
شوق: تشرفنا انا اسمي شوق
عبير: تشرفنا فيج شكلج بروحج
شوق: جايه مع ابوي عنده شغل
عبير: حتى انا شرايج نطلع مع بعض اهنيه في الكوفي القريب بكره
شوق: خلاص عيل الساعه ١٠
عبير: هههه بدري
شوق: شسوي ماحب اروح متاخر
عبير: ولا يهمج
طبعا اتفقنا ان الساعه ١٠ نكون تحت ورحت الغرفه وانسدحت وعقب قمت افكر اسوي لي اكل اي مافي الا بيض وطلعت البلكونه اكل هناك الا اسمع صوت جوال يرن قعدت ادور الا مب جوالي لفيت الا الشخص الغريب طلع ساكن احذاي وقاعد بعد هو يقرا كتب شكثر انا دخلت بسرعه ونمت
الصبح قمت وحصلت عبير قاعده تنطرني تحت ورحنا الكوفي وقعدنا
عبير: ابوج شنو يشتغل
شوق: ابوي مدير فنادق شكثر
عبير: اها
شوق: وابوج
عبير: ابوي مهندس ديكور
شوق: يعني قريب هههه
عبير: اي ههه شنو تشربين
شوق: على ذوقج كل شي اهنيه جربته
عبير: انا بروح اطلب
شوق: اوكي بروح الحمام وبرجع
طبعا هالشخص قاعد وكالعاده جريده وكوفي مريت من صوبه رحت الحمام وانا راجعه الا
هو: ريحه عطرج حلوه
شوق: ماسمع
هو: اقول ريحه عطرج حلوه
شوق: من ذوقك
رجعت وقعدت مع عبير انا مش النوع اللي ياخذ ويعطي بسرعه وهي تسولف وانا اسمعها وصرت كل يوم اطلع معاها وهي تشتكي اني ماتكلم وايد ومرت الايام وجا الوقت اللي ارجع الدوحه وخذت رقم عبير عشان اكلمها لا رجعت وبس رجعت الدوحه بسلامه
*انا البطل*
اسمي خالد امي ماتت من زمان طبعا انا تربيت عند شخص كبير في السن بس مشاءالله غني رباني على الخير والعز انا اشتغل في مكان بعدين بتعرفون وين ههه نرجع حق القصه تذكرون صاحب العطر والسكارف ايوا هاي انا
في البيت الكبير مع عمي * اللي رباني*
خالد: شخبارك يبه
عمي: الحمدالله وانت شخبار السفره
خالد:كل شي تمام
عمي: تقربت من البنت
خالد: حاولت بس ماقدرت
عمي: مش انا قلت لك تقر منها شفيك ماتفهم
خالد مصدوم: شسوي هي ماتعطي وجه
عمي: حرك عمرك
خالد: انشاءالله
عمي: انا قلت لك وانت كيفك بسرعه
خالد: انشاءالله الحين بعرف عنها كل شي
عمي:تقرب منها عشان مصلحتك
خالد: اللي اتشوفه
طلعت رحت مكتبي واتصلت على كذا شخص وقلت لهم يجبون لي معلومات عن شوق وحسن ابو شوق واتصلت على رفيجي محمد
خالد: محمد شخبارك
محمد: انت ليه كذا كله رسمي ههههه انا بخير وحشتني
خالد: انا جي بعد شسوي
محمد: المهم فيك شي
خالد: لا عندي موضوع وانا ماعرف حق هالاشياء ابيك تساعدني
محمد: تامر انت
صكرت من عند محمد وجاني اتصال وعرفت وين شوق تدرس وابوها صاحب فندق كبير وقعدت افكر وفكره تجيبني وفكره توديني ...
