*فطوم من ورانا *
طبعا رايح الصبح الجامعه ودخلت اول كلاس وخلصت وقلت حق فاطمه انشوف بعض ورحنا المطاعم
فاطمه: شفيج
شوق: فطوم شفتي اللي قلت لج عنه
فاطمه: اي
شوق: اليوم على بالي جميل حده
فاطمه: الحمدالله والشكر قومي نطلع
شوق مصدومه: فاطمه تبي تطلع
فاطمه: اي شفيها تمللت ياختي
شوق: اوكي يلا سيارتي هناك
وركبنا السياره ورحنا فيلاجيو وطبعا كل وقت زحمه ودخلنا وقاعدنا في الكوفي ووفطوم سولف وضحك شوي الا واحد جا وقعد مجابل فاطمه ويسوي حركات
فاطمه: شفيه هاي
شوق: شفيه بعد
فاطمه: يسوي لي حركات وياشر على جواله
شوق: هههه بدينا مغازل
فاطمه: يلا ينجلع
شوق: هههه الحين ماراح يخليج
فاطمه: خلصتي يلا قومي
شوق: زين
دفعت وقمنا انروح نتشمى عشان نرجع الجامعه طبعا هو ماخلى مكان ماجا ورانا ورانا
شوق: اخذي الرقم ولا تتكلمين بس فيكنا
فاطمه: انزين امرنا لله عشان مايفشلني
فطوم خذت الرقم وهو راح وطلعنا احنا ورحنا الجامعه وخلصت ورجعتها البيت ورجعت انا شوي الا
فاطمه : اكلمه
شوق: هههه مادري عنج
فاطمه: بطرش مسج
شوق: طرشي يلا انطرج
فاطمه: ههههه تنطريني ليه
شوق: يعيني شنو بيرد
فاطمه : انزين
اسكتت وانا نزلت ادور في البيت متملله طلعت الحديقه وقعدت اشغل اغاني وعقبها اتصلت لي فطوم
فاطمه: يقول لي بتعرف عليج
شوق: هههه شفيج خايفه
فاطمه: اخاف يسوي فيني نفس حركتج
شوق: لا وين انتي غير وانا غير
فاطمه: خايفه
شوق: عيل اهني الموضوع
فاطمه: بفكر
شوق: هههه فكري
صكرت من عندها ورجعت البيت ونمت
*يامحاسن الصدف *
قمت الصبح رايقه حتى اليوم سويت ريوق ماعرف شفيني المهم كان عندي امتحان وقعدت ادرس لين الساعه ١٠ وطلعت اروح الجامعه وصلت وشفت فطوم ودشيت معاها