Unicode
ခေါင်ရမ်းတစ်ပွင့် မှသည်...
ကောင်း အိပ်နေရင်း အိမ်အပြင်ဘက်တွင် ခွေးများ အရမ်းဟောင်နေတာကြောင့် နိုးလာခဲ့သည်။ အိပ်မှုန်စုတ်ဖွားနဲ့ မျက်မှန်တပ်ပြီး ပြတင်းပေါက်ကို ဖွင့်ကြည့်လိုက်တော့ အိမ်ရှေ့မှာ ခွေးများ ယောက်ယက်ခတ်နေသည်။
ခွေးတွေဟောင်နေတဲ့ နေရာကိုသေချာကြည့်လိုက်တော့ ဟိုကောင်လေး..ခွေးတွေက သူ့ကိုဦးတည်ပြီးဟောင်နေကြတာ။ ကောင်လေး ဘယ်လောက်တောင် ကြောက်နေလိုက်မလဲ။ အခုဆိုလည်း လမ်းမပေါ်မှာ ကွေးကွေးလေး ထိုင်နေပြီး ခေါင်းကိုဒူးနှစ်ဖက်ကြားထဲ ဖွက်ထားသေးတာ။
သနားလိုက်တာ!!
ကောင်း သူတစ်ပါးကြောက်ရွံ့နေတဲ့ ပုံစံကိုမမြင်ရက်ဘူး။
ကောင်လေးကို ခေါ်ဖို့ရန် အိမ်အောက်ထပ်သို့ဆင်းခဲ့တော့သည်။ မေမေတို့မနိုးအောင် သေချာသတိထားရသေးတယ်။
"ဟေ့ ကောင်လေး"
နောက်ဖေးပေါက်ကို ဖွင့်လိုက်ပြီး ဒူးလေးပိုက်ကာ ထိုင်နေသည့် ကောင်လေးကို ခေါ်လိုက်သည်။
ဖြည်းဖြည်းချင်း မော့ကြည့်လာပေမယ့် ခန္ဓာကိုယ်ကတော့ တဆတ်ဆတ်တုန်နေလေရဲ့။
"မင်း အိမ်ထဲ၀င်လို့ရပြီ"
အင်းမလုပ် အဲမလုပ်နဲ့ ခပ်ဖြေးဖြေး လမ်းလျှောက်ပြီး ၀င်လာလေရဲ့။ ကောင်းလည်း သူ့ကို အခန်းထဲထိ ခေါ်လာခဲ့လိုက်သည်။
"ဟေ့ကောင်လေး..မင်းကအိပ်လို့ရလား"
ကောင်း ခုတင်ပေါ်မှာထိုင်လျက်ကနေ ကြမ်းပြင်ပေါ်ဒူး လေးပိုက်ကာထိုင်နေသည့် ထိုကောင်လေးကို မေးလိုက်သည်။
သူကတော့ ခေါင်းရမ်းပြသည်။ အကြောက်မပြေသေး
သည့်ပုံပင်။ တကယ်တမ်း ကောင်းမှားတာပါ။ ကိုယ့်ကြောင့်နဲ့ သူများကို ဒုက္ခရောက်စေခဲ့တာ။
"အဲ့ဆိုလည်း ပြီးတာပဲ၊ ဒီအခန်းထဲမှာပဲနေ၊ လျှောက်မသွားနဲ့၊ နောက်ပြီး ငြိမ်ငြိမ်လေးနေနော်၊ ငါကောင်းကောင်း မအိပ်ရတာကြာပြီ"
"ဟုတ်..ဟုတ်ကဲ့"
ထိုနေ့ညက ကောင်း ရဲ့အိမ်မက်လေးက လှပခဲ့သည်။
ကောင်း ကိုယ်တိုင်လည်း အံဩမိသည်။ ကိုယ့်ဘေးမှာ ဝိညာဉ်ဆိုတဲ့ အရာတစ်ခုရှိနေတာတောင် ဘယ်လိုများ ကောင်းကောင်း အိပ်ပျော်ရတာလဲလို့။
YOU ARE READING
ခေါင်ရမ်းတစ်ပွင့် မှသည်...(Completed)
Fantasyသင်္ချိုင်းမြေ၌ ပေါက်ရောက်နေသည့် ခေါင်ရမ်းပင်မှ ခေါင်ရမ်းပန်းလေးတစ်ပွင့်တွင် မှီခိုနေထိုင်နေသော အဖော်မဲ့ ဝိညာဉ်လေးတစ်ခု... ထိုပန်းလေးကို ခူး၍ အိမ်သို့ယူဆောင်သွားသော ကောင်လေးတစ်ယောက်... ဝိညာဉ်လေးက ထိုကောင်လေးနောက် တစ်ကောက်ကောက် လိုက်နေတဲ့အခါမှာတော့...
