Wild Chase - BOOK 2 ✔

Chapter thirty-one

SERENA's POV

Napamulat ang mga mata ko, umaga na pala. Bagong araw na naman para harapin ko, napatayo ako at naghanda na ng damit para sa susuotin ko ngayong araw na ito.

Bumalik na naman sa isipan ko ang nangyari sa amin ni Renzo kagabi. At hindi ko mapigilang maalala ang gumuhit na pait sa mukha niya sa huling mga salitang sinabi ko. Bakit ganoong ekspresyon ang pinakita niya sa akin?

Napailing ako. No, don't even think about him again Serena. Tama na, tama na.

Ngayong kakagising ko lang sa umaga dapat naman magandang simula sa umaga ang meron ako at hindi iyong nakakasama sa pakiramdam. Tumayo na ako at tumingin sa salamin. Ngumiti ako sa salamin, ganyan dapat Serena.

Smile.

This is all you need Serena, smile and think about nothing. Tumango-tamango ako habang nakatingin sa sarili ko.

Hinanda ko ang mga gagamitin ko at dumiretso agad ako sa banyo para maligo at mag-ayos. Kahapon pa naisip kong magpunta kina Dad and Mom pero ayaw kong makita nila ang estado ko kahapon. Nang bumalik na ang alaala ko ay di ko man lang agad sila naisip at inalala, siguro alalang alala na sila sa akin dahil hindi man lang ako nakabisita sa kanila.

Mabilis ang galaw ko sa pag-aayos sa sarili, konting lagay ng make up at lip gloss sa mukha at labi ay ready to go na ako. kinuha ko ang isa kong pouch ko, napalingon ako sa table at sa night stand. Lumapit ako sa table at binuksan ang drawer, kinuha ko ang susi ng kotse ko at napangiti.

Mabilis akong bumaba ng hagdan at dumiretso sa kusina. Napatingin ako sa dining table na may nakahanda na pagkain doon na naka cover para hindi langawin. Lumapit ako roon at binuksan ang ang food cover, hotdog, egg at fried rice ang nakahanda roon. Pansin na pansin na naover cook ang hotdog at ang fried rice.

Kumunot ang noo ko ng makita ko ang sticky note na naka dikit sa may pinggan. Eat this before you go. Siya ba ang gumawa nito? Malamang sino pa ba ang magluluto ng ganitong pagkain. What is this? Some kind of peace offering? Napatingin ako sa kawawang hot dog dahil sa sunog na nga wala pang kakain rito.

Binalik ko sa pagkakaayos ang pagkain at hindi ito ginalaw, dumiretso na lang ako sa refrigerator at kumuha ng bottled water. Napatingin uli ako sa pagkaing hinanda. Bakit niya naisip na magluto? For me?

Nah Serena, tigilan mo yang mag-isip ng ganyan. Wag kang gaga. Mabilis ako naglakad palabas at pumasok sa kotse at pinaandar ito. Grrr. Bigla akong napatingin sa tiyan ko at napabuntong hininga. I am hungry. Magpapahanda na lang ako ng pagkain kay Mom mamaya.

Nag-iisip ako ng sasabihin kay Mom since alam ko naman na wala na naman si Dad sa bahay ngayon. Pero hindi rin ako sure kung nasa bahay din sa Mom, baka may appointment rin siya ngayon o baka kasama niya si Dad. Dahil sa pag-iisip ko ay hindi ko napansin na nakarating na pala ako sa bahay.

Napatingin ako sa guard na hindi pa rin ako pinagbubuksan ng gate. Lumapit ito sa akin at kinausap ako.

"Miss sino po kayo? May kailangan po ba kayo rito?" Napatingin ako sa kanya, iba na ang guard na nagbabantay ng front gate ng bahay kaya siguro di ako kilala nito. Talagang mahigpit ang security sa bahay at hindi agad nagpapapasok sa bahay.

"I'm Serena, sabihin mo lang yan sa head security." Ngumiti ako rito at tumango naman ito. Umalis ito maya-maya ay mabilis na lumapit sa akin.

"Naku Maam pasensya na po at di ko kayo nakilala, bago lang po kasi ako rito." Mabilis nitong sabi sa akin.

"Its fine Manong." Ngumiti ako rito at pinasok na ang kotse. Napatingin ako sa bahay namin at napangiti uli. Mabilis kong pinarada ang kotse at bumaba. Naglakad na ako papasok ng bahay at agad na bumukas ang pintuan, sumalubong sa akin ang isang katulong namin.