Falling For Ms. Model [Published]

Chapter 1

CHAPTER 1

HALOS lumipad na ang sasakyan ni Eizel sa sobrang bilis para hindi siya ma-late sa photo shoot niya. Dahil sa birthday party ng kambal niyang pamangkin na sina Ramzee at Yannah, ang anak ng kuya Ramm niya, kaya siya napuyat. Ang kukulit kasi ng dalawang ‘yon. Kailangan present ang lahat sa pagbukas ng mga regalo. At ang magaling naman niyang kuya e masyadong ini-spoiled ang mga anak.

Hindi niya ikakaila, spoiled din niya ang kanyang taltlong pamangkin. Ang cu-cute kasi e. Lalo na kapag nangungulit ang mga ito. Palagi siyang wala sa bansa dahil sa uri ng trabaho niya, kaya naman sa tuwing umuuwi siya, sinisigurado niyang may oras siya sa pamilya niya.

Napabuga ng hangin si Eizel ng makitang traffic sa unahan niya. Buwesit naman oh! Late na talaga siya! Trenta minuto na siyang late!

Tamang-tama naman na nag-ring ang cell phone niya. Agad niyang sinagot ‘yon.

“Hello, Eizel speaking.” Aniya sa kabilang linya.

“Eizel! Asan ka na bang babae ka?! Nawi-windang na ang kagandahan ko rito.” Sigaw ni Pedro sa kabilang linya. Ang baklita niyang manager.

“Hush, Pedro. I’m on my way.”

“Kanina pa ako naiinis, huwag mo ng dagdagan sa pagtawag mo sa karumaldumal na pangalang iyan! Pea ang pangalan ko! Pea!”

“Whatever, Pedro.” Tinapos niya ang tawag at itinigil ang sasakyan.

“Shit! Bakit ba ngayon pa nagka-traffic?” Galit na hinampas niya ang monabela.

Kinuha niya ang cellphone na tinapon niya sa dashboard at tinawagan si Pedro.

“Pedro, I think I’ll be late for two hours.” Balita niya dito.

Inilayo niya ang cell phone sa tenga ng tumili ito sa sobrang galit!

“Pea ang pangalan ko! At bakit ka mala-late ng ganoong katagal?”

“Traffic.”

“So? Wala akong pakialam. Basta dapat dumating ka dito after thirty minutes.”

“Thirty minutes? I can’t make it!”

“Problema mo na ‘yon! Saka wala pa naman ang photographer dito e. Kaya naman bilisan mo.” Siya naman ang pinatayan nito ng tawag.

Humugot siya ng malalim na hininga at pinaatras ang sasakyan niya. Ganoon na lamang ang gulat niya ng bahagyang nayanig ang sasakyan niya.

Anong nangyari?

Mabilis siyang lumabas ng kotse at tiningnan ang likod ng sasakyan. Napanganga siya ng makitang medyo yupi ‘yon at nakadikit dito ang isang kulay itim na kotse na medyo yupi rin ang unahan.

Pero wala siyang pakialam kung ma-chop chop man ang sasakyan na ‘yon. Walang puwedeng sumira sa Porsche niya! Galit niyang dinabog ang bintana ng kotse na sumira sa mahal niyang sasakyan.

“Get out!” Aniya na nanggigigil.

Ilang minuto na niyang dinadabog ang bintana ng kotse pero hindi pa rin bumubukas kaya naman sinipa niya ang pintuan ng sasakyan.

“Get out!” She shrieked.

Eizel knew that she’s making a scene but she doesn’t care! Patuloy niyang dinabog ang bintana ng kotse. Napasigaw siya ng biglang bumukas ang driver’s seat at lumabas ang isang mukhang amerikanong lalaki.

“You, prick! Look at what you did to my car!” Aniya sabay turo sa sasakyan niya na nayupi ang likod.

“Okay bye, I’ll wait for you.” Anito sa cell phone na nasa tenga nito at binalingan siya. “What the hell is your problem?!”