Falling For Marlon Aiken [Published]

Chapter 9

CHAPTER 9

KINAKABAHAN si Marj habang nakatayo sa labas ng opisina ni Aiken. Magpapaalam siya dahil pupunta siya sa Paris sa susunod na linggo para sa teleserye na hinahawakan niya. Doon kasi gagawin ang unang scene. Maaga siyang magpapaalam para makapag-relax ang utak niya.

Humugot siya ng malalim na hininga at kumatok sa pintuan ng opisina nito.

“Come in.” Narinig niyang sabi ni Aiken mula sa loob.

Kinalma niya ang sarili at pumasok sa loob nang opisina ng binata. Naka-upo si Aiken sa nag-iisang couch ng opisina nito at may binabasang files habang may hawak na whiskey.

Kumunot ang nuo nito ng makita siya. “What are you doing here?”

“May sasabihin sana ako sayo e.” Aniya sa kinakabahang boses.

Baka ano ang gawin ni Aiken kapag hindi siya nagpaalam at bigla nalang nawala. Baka ipagsabi nito ang lihim niya.

“What is it?”

“Ahm… magpapaalam sana ako—”

“Nakalimutan mo na ba ang sinabi ko? May day-off ka para sa lahat nang gusto mong gawin.” Sansala nito sa sasabihin niya.

“No, it’s not that.” She inhaled and exhaled loudly. “I’m going to Paris next week.” Mabilis niyang sabi.

Hindi nagsalita si Aiken. Nakatingin lang ito sa kanya na para bang binabasa ang saloobin niya. Kapagkuwan ay tumayo ito at naglakad palapit sa kanya. Tumigil ang binata ng isang hakbang nalang ang pagitan nila.

“Anong gagawin mo sa Paris?”

“’Yong teleserye na hawak ko, doon gaganapin ang unang scene. I have to go there. Please, babalik din naman ako kaagad.”

“Bakit ka nagpapaalam sa akin kung kailangan mo naman palang pumunta doon? I have a feeling that whether I say yes or no, pupunta ka pa rin. So what’s the use of this?”

She looked at him in the eyes. “Aiken, nakakalimutan mo na ba ang pamba-blackmail mo sa akin? Ayokong umuwi na may issue na sasalubong sa akin. Especially negative issue.”

Aiken’s jaw tightened. “Ganoon ka ba talaga ka takot na malaman ng media na may gusto ka sa akin?”

Nag-iwas siya ng tingin dahil hindi niya alam ang isasagot sa tanung na iyon.

“Don’t worry about your little secret. You can go anywhere you want, I don’t care. But I have one condition.”

Ibinalik niya ang tingin dito. “Ano?”

“I’m coming with you.”

Umawang ang labi niya sa sinabi nito. “W-What?”

“I said I’m coming with you. It’s been a long time since I visited Paris.”

“Sasama ka sa akin?” Paninigurado niya.  Baka nagkamali lang siya ng dinig.

Nagsisisigaw ang utak niya na hindi. Hindi ito puwedeng sumama. Pero ang puso naman niya na patuloy na tumitibok para sa binata ay nagsusumigaw ng oo.

“Bakit hindi ba puwede? Well, you don’t have a choice. I’m coming with you whether you like it or not. Pero puwede rin naman akong magpaiwan. I’m just not sure na sa pagbabalik mo e walang negative issue na sasalubong sayo.” He smirked and tapped her cheek then motioned his hand to door. “Makakaalis ka na.”

Nagpupuyos ang dibdib ni Marj ng makalabas siya sa opisina ng binata. Sasama sa kanya kung hindi ipagsasabi ang sekreto niya? How dare he?! Gago talaga ang lalaking ‘yon! Nabu-buwesit siya at hawak siya nito sa leeg. Hindi niya iyon gusto.