Alpha Omega

Introduction

Chase's POV

Sinundan ko ng tingin si Ria na kalalabas lang ng dorm. Hatalang nagmamadali.

Pumasok ako ng dorm at natagpuan si Trev sa kusina. Tinanong ko siya kung may emergency ba. Di naman siya sumagot.

May topak talaga ang lalaking 'to.

Tinanong ko nalang kung saan patungo si Ria. Mabuti naman at naisipan niyang sumagot.

Nakaisip ako ng ideya.

"Hmmm.." sumingkit ang mga mata ko. "Sa principal's office pala? Sige bro!"

Napagdesisyunan kong samahan si Ria.

Ginamit ko ang ability ko. Saktong binuksan ni Ria ang pinto ng office kaya nakapasok rin ako. Sinigurado kong walang makakapansin sa presensya ko. Nagtago ako sa likod ng maliit na library area ng office.

Nakita ko ang dalawang senior maestro ng Academy.

"I'm sorry pero pinatawag daw ako ng principal?" ani Ria nang masarado niya ang pinto.

Ah... ba't wala yung principal dito?

Agad nakuha ang atensyon ko nang banggitin ni Sir Glen ang mga anak ni Gaia.

Ilang minuto ang lumipas at napag-alaman ko na kaagad ang dahilan kung bakit si Ria lang ang pinatawag.

"Don't let anyone know where you're going to avoid mishaps. Understood?"

"Tch." Napasimangot ako nang marinig ang utos ni Sir Rio.

Gusto niya atang suntukin ko siya para matauhan.

Papupuntahin nila si Ria sa teritoryo ng mga giants. Aba. Napakabobo ng kung sino man ang nagsuggest ng plano na yan. Sana man lang may kasama si Ria pero di eh. Mag-isa lang siya.

Mga gago amputa.

EH PAANO KUNG HINDI MAKAKABALIK ANG BABAENG YAN.

Gusto kong lumabas mula sa pinagtaguan ko at bigyan sila ng 'presence of mind' master Chase style. Kaso, lumabas na si Ria kaya wala na akong magagawa kundi sundan siya.

Alam kong pababa siya sa lupa kaya inunahan ko na siya.

Tumungo ako sa grupo ng mga aurai para mangumusta sa kondisyon ng mga refugees.

Hindi ko nga lang narinig ang mga sagot nila dahil nakatuon ang atensyon ko kay Ria na kausap si Heather.

Ano bang plano niya?

"Ayokoo! Bigay sa'kin yan ni ate!"

Napalingon ako sa direksyon kung saan may isang huntre na pilit kinukuha ang dagger mula sa mga kamay ng batang lalake.

"Makakasakit ka ng iba! Alam mo ba yon? Ang bata-bata mo pa para maglaro ng ganitong bagay." tuluyan na ngang nakuha ng huntre ang maliit na weapon.

"P-pero.." humagulgol ng iyak ang bata. "B-bigay sa'kin yan ni A-ate Ria eh!"

Kumunot ang noo ko.

Ria?

Bumalik ang mga mata ko kay Ria na kausap pa rin si Heather.

Naglakad ako papalapit sa huntre.

Kinuha ko mula sa kamay niya at napagtantong ganito nga ang uri ng mga daggers na palaging sinusummon ni Ria.

Tinignan ko ang bata na luhaan ang mga mata.