Naranasan mo na bang tumawa na para bang walang bukas? Naranasan mo na bang manghingi ng papel sa katabi? Naranasan mo na bang humingi ng pulbo sa katabi? Naranasan mo na bang bumagsak sa exam? Naranasan mo na bang sabihan ng mga masasakit na salita patalikod? Naranasan mo na bang kiligin? At higit sa lahat, naranasan mo na bang umibig?
Ang sarap mag-aral sa isang pampublikong paaralan dahil halos lahat nagagawa mo. Malaya ka at nagagawa mong hindi sundin ang mga batas dahil sa dami ng estudyante. Marami kang makikilala, marami kang magiging kaibigan, marami kang magiging kaaway at higit sa lahat marami kang magiging karanasan. Pero kahit saang paaralan ka man nanggaling walang tatalo sa high school experience mo dahil dito halos lahat mararanasan mo.
Ako nga pala si Justin at ito ang kuwento ng first love ko.
