The Billionaire's Queen

Chapter 9: House

<KEVIN>

“Kevin anak, kumusta na ang kalagayan ng kompanya, ayos lang ba?” Hindi naman kaagad ako nakasagot sa tanong na iyon ni daddy.

With his condition, I can’t tell him the real condition of the company. “Ayos lang dad.” I can’t afford to lose my father. Alam kong hindi ko maitatago ng matagal ang totoong kalagayan ng kompanya kaya kailangang maayos na yung problema. Hindi niya dapat malaman na pabagsak na ang kompanya. Dugo’t pawis ng daddy ko yung kompanya kaya alam kong hindi niya kakayanin pag nalaman niyang pabagsak na iyon.

“E yung kapatid mo, nakumbinsi mo na ba siyang bumalik sa atin?”, dad

Napakuyom naman ang kamay ko sa tanong na iyon ni dad. “Bakit kailangan pa natin siyang pilitin na bumalik kung ayaw naman niya?”

“Kevin, he’s still your brother.”, dad

“Matagal na akong walang kapatid dad. Kung hindi dahil sa kanya, hindi ako magmumukhang tanga. Hindi ako malilinlang ni Valerie! He destroyed my life!” Hindi ko na talaga maitago ang galit ko sa kanya. Lalo na at siya ang dahilan kung bakit bumabagsak ang kompanya namin ngayon. At bukod sa lahat, siya ang dahilan kung bakit nasira ang buhay ko! Siya ang dahilan kung bakit nagmukha akong tanga!

“Hindi kasalanan ni Kyle ang ginawa ni Valerie. He doesn’t even know about that child.”, dad

Oo, nabuntis noon si Valerie at iyon din ang rason kung bakit napagdesisyunan naming ikasal kaagad na muntik pang pigilan ni Kyle noon. I was so happy that time when I found out she was pregnant pero 3 months after ng kasal namin, aksidente kong narinig ang pag-uusap nila ng kaibigan niya at nalaman kong hindi sa akin yung bata kundi sa gagong kapatid ko! They had an affair when I was in America studying. Sobrang nagalit ako noon at halos gusto ko ng patayin yung kapatid ko, yung asawa ko, at yung bata. Pero naisip kong walang kasalanan yung bata at inalagaan ko pa rin sila ng asawa ko dahil isa pa rin itong Anderson. Pero nung pang apat na buwan ng bata ay nakunan ito dahil sa kapabayaan ni Valerie. She went in a bar at nakipag-party hanggang madaling araw at nang pauwi ito ay nabangga ang sasakyan niya. After the unborn child’s death, nagbago na rin ang pakikitungo ko sa asawa ko.

“Bakit niyo ba siya pinagtatanggol pa dad?”

“Because he’s still my son, Kevin.”, dad

“Pero kayo na rin mismo ang nagpalayas noon sa kanya dad.”, hindi ko napigilan ang sarili kong sabihin iyon. Si dad ang nagpalayas sa kanya noon nang malaman niya ang katotohanan dun sa bata.

“At pinagsisisihan kong ginawa ko yun Kevin kaya nga gusto kong ibalik mo ang kapatid mo. Gusto kong makahingi ng tawad sa kanya.”, dad

“I need to go dad. Marami pang trabaho ang naghihintay sa akin sa kompanya. I’ll go ahead.”

Dire-diretso naman akong lumabas na sa bahay. Napasuntok naman ako sa manibela ng kotse ko. Bakit hanggang ngayon, kailangang si Kyle pa rin ang palaging bida?! I was the one who was there for my dad when he needed me, sinunod ko lahat ang sinabi niya sa akin, ginawa ko ang lahat just to make him proud pero bakit hinahanap pa rin niya yung gagong anak niya na walang ginawa kundi suwayin siya at magdala ng kahihiyan sa pamilya namin?!