The Sex Goddess' First Love [Published under Sizzle]

Chapter Thirty Two

Tristan's POV

Tumakbo si Andi sa ama niya at yumakap. Mas mabuting nasa poder na siya ng mga magulang niya. Nasisigurado kong magiging ligtas siya dito. Hindi ko na kinayang tignan pa siya, parang dinudurog ang puso ko habang nakikita kong nasasaktan siya dahil sa akin. Tumalikod ako at kusang bumagsak ang mga luhang kanina ko pa pinipigilan. Mas pinili kong magalit siya sa akin at kamuhian niya ako para hindi na siya magdalawang-isip na lumayo sa akin. Alam kong pagsinabi ko sa kanya ang totong nangyari mas lalo siyang hindi papayag na bumalik sa mga magulang niya.

Hindi totoo ang iniisip niyang may nangyari sa amin ni Valerie. Walang nangyari sa aming dalawa. Nagkuwentuhan lang kaming dalawa hanggang sa dalawin siya ng antok. Natulog siya sa kama at naglatag ako ng kumot sa lapag at doon nahiga. Halos hindi nga ako nakatulog ng gabing iyon dahil nag-aalala ako kay Andi dahil mag-isa lang siya sa bahay.

Nang dumating ang umaga nagcheck out na kami sa inn at doon din sa mismong inn na yun nakita ko ang dalawang lalaking nanloob sa amin sa apartment noon. At ang malala pa ay nakita din nila ako. Hinabol kami ng dalawa lalaki at hinatak ko si Valerie papunta sa kotse. Sumakay sila sa motorsiklo nila at sinundan nila kami. Ilang beses nila kaming pinaputukan ng baril at sa awa ng Diyos wala sa aming dalawa ang natamaan. Ipinaliwanag ko kay Valerie ang nangyayari at kung bakit kami hinahabol ng mga lalaking iyon. Alam ni Valerie ang pasikot-sikot sa lugar na iyon itinuro niya sa akin ang daan papunta sa gubat at doon namin niligaw ang dalawang lalaki. Nang makatiyak na kami na wala ng sumusunod sa amin nagpunta kami police station at ni-report namin ang nangyari. May nag-escort sa aming mga pulis pabalik sa hacienda. Nangako si Valerie na tutulungan niya kami pero ayokong pati sila ay madamay sa gulong ito. 

Gulong-gulo ang utak ko ng makabalik ako sa bahay. Pumasok sa isip ko na lumipat sa ibang lugar kasama si Andi. Ngunit naisip ko din kung gaano kakapangyarihan ang taong kalaban namin. Mukhang determinado talaga siyang ipapatay ako at kahit saang lugar pa kami pumunta hahanapin at hahanapin niya kami.  Paano kung sa susunod na makita nila kami ay hindi na kami swertehin? Buti kung ako lang ang sasaktan nila pero paano kung pati si Andi idamay nila? Pinili ko na lang na ibalik si Andi sa mga magulang niya para masigurong magiging ligtas siya. Pinagsalitaan ko siya ng masasakit na salita para maitaboy siya. I hate myself for doing that to her. Sana balang araw kung magkikita man muli kami  mapatawad niya ako sa nagawa ko sa kanya.

Andi's POV

Nakaupo ako sa upuan sa terrace at nakatingin sa labas. Simula ng iwan ako ni Tristan, palagi akong nandito. Umaasa na makikita ko siya na babalikan niya ako at makikita ko siyang nakatayo sa labas ng bahay. I'm still holding on to that little hope that maybe he'll change his mind.

"Honey..." Narinig ko ang boses ni mommy. Napalingon ako sa may kwarto at nakita ko siyang papasok at may hawak na tray. She smiled when she saw me. "Nagbake ako ng favorite mong madeleine cookies. Hindi ba gusto mo ito?"

Ibinaba niya ang tray sa table sa harap ko. May isang plato ng madeleine cookied at dalawang baso ng milk. "Thank you, mom."

"Anything for our princess." Tumabi si mommy sa akin.