BHO CAMP #5: Syntax Error

CHAPTER 10 ~ More ~

CHAPTER 10

SNOW'S POV

"Wow."

Nag-angat ako ng tingin sa nagsalita dahilan para mapatigil ako sa sunod-sunod ko na pagsubo ng kinakain ko na pinya. "What?"

Umupo sa harapan ko si Athena na siyang nang-istorbo sa akin sa pagkain ko rito sa dining hall ng HQ. Nangalumbaba siya habang tinitignan ang malaking plato ng pinya na nilalantakan ko. Halos paubos na rin ang laman no'n.

"Matamis?" tanong niya.

"Oo." sabi ko at pagkatapos ay pinagpatuloy ko ang pagkain. Napasimangot na lang ako ng bigla na lang siyang kumuha at kinain iyon. "Akin yan-"

"Pwe! What the fudge?!" irit niya at ishinoot sa malapit na trashbin ang iniluwang piraso ng pinya. "Ang asim!"

"Hindi kaya."

Akmang sisimulan ko na naman ang pagkain ng bigla na lang mawala sa harapan ko ang plato. Magkasalubong ang kilay na nag-angat ako ng tingin. Pakiramdam ko huminto ang lahat sa paligid ko ng makita ko kung sino ang nakatayo doon.

"Nix nix..."

"Sabi ni Tita Autumn bawasan mo daw ang pagkain ng acidic foods."

"Pero-"

"Hayaan mo siyang kumain kung ano ang gusto niya. Hindi mo naman siya pwedeng pagbawalan kung iyan ang gusto niyang kainin."

Napabuntong-hininga na lang ako ng makita ko ang bagong dating. Walang iba kundi si Kuya Waine na may naglalarong ngiti sa mga labi. Halata namang iniinis niya lang si Phoenix, bagay na hindi ko maintindihan.

Umupo si Waine sa tabi ni Athena na taas ang kilay na tinignan si Kuya Waine mula ulo hanggang pa.

Nabaling kay Phoenix ang atensyon ko nang maramdaman ko siya na umupo sa tabi ko. Nagsalita siya habang ang tingin ay nasa direksyon ni Kuya Waine, "Hindi naman sa pinagbabawalan ko siya. Ayoko lang na may mangyari na naman sa kaniyang masama." Lumingon sa akin ang lalaki at bahagyang ngumiti. "You can eat a small portion of this at dinner. Okay? Wag mo munang biglain ang sarili mo."

Tahimik na tumango ako. Nilingon ko si Kuya Waine na tinaasan ako ng kilay bago niya binalingan si Athena na ngayon ay nakatingin pa din sa kaniya. "What?"

"May trabaho ka pa?" agad na tanong ng babae.

Dumilim ang mukha ng lalaki. "Wala pa sa ngayon."

"Ahh okay. Ako kasi meron." pagbibigay alam ng dalaga. "Gusto kong samahan mo ko. I need a date."

Napakurap ako sa sinabi ni Athena. Wala sa sarili na nagtatanong na tinignan ko si Phoenix na nagtataka din na nagkibit-balikat. Mukhang hindi niya din alam kung bakit naghahanap ng kadate si Athena samantalang lahat ng agents alam na nasa dating status sila ni Stone.

Tumayo ang lalaki pagkaraan at pumunta sa may cashier ng dining hall at mukhang may bibilin. Sinundan ko siya ng tingin at mananatili pa sana akong nakatitig lang sa kaniya kung hindi ko narinig na magsalita si Kuya Waine.

"Ayoko."

Tinignan ko si Athena pero mukhang wala lang naman sa kaniya ang sinabi ng lalaki. Kung ako siguro ang tinanggihan sa paraan ng pagkakasabi ni Kuya Waine baka nagdamdam na ako. Pero kay Athena parang wala lang.

"Bakit?" tanong ni Athena

"May personal mission pa ako."

"Na?"

"Guardian Angel mission."

Kinunutan siya ng noo ni Athena at pagkatapos ay tumingin sa akin. Ilang sandaling nakatutok lang sa akin ang mga mata niya bago muling napataas ang kilay niya. "Huh. I guess you really need to focus on that now. Kung baga nasa critical level na ang mission mo."