Wonderland Magical Academy: Touch of Fire (Cloak PopFiction)

Chapter 16: Island of Gods

XYRA

Nakabalik na kami sa Wonderland. Kanina pa naghahabulan sina Baby Clauss at Baby Xyra. Tinatakot ni Baby Clauss si Baby Xyra. Naiiyak na nga ito. Napapailing ako. Pinagbigyan ko na lang si Baby Clauss dahil ngayon lang ito nakakita ng kauri.

"Bakit ka nga pala nagalit sa 'kin?" pangungulit k okay Clauss.

"Hindi mo pa rin nakakalimutan?" inis na tanong niya. Tumango ako. "Bakit nga kasi?"

"Ang kulit. Kaya ako nagalit dahil... pangit ka!" pang-aasar niya. Napasimangot ako. I heard him chuckle. Tiningnan ko siya ng masama. Hinalikan niya ako tapos sasabihin niyang pangit ako? Pinagtitripan lang ba niya ako? Nahihiya akong magtanong. Baka sabihin niyang napaka-assuming ko.

"Ewan ko sa 'yo! Mabuti pa si Akira, mabait! Ikaw, ang sama ng ugali mo!" wika ko, sabay irap. Tinawag ko si Baby Xyra na sumunod agad sa 'kin. Nagmamartsang tinungo ko ang dorm. Naaasar talaga ako kay Clauss.

Sinabihan na nga niya akong flat-chested tapos sasabihan pa akong pangit! Ibibili ko siya ng malinaw na malinaw na salamin. Isang dosena pa!

CLAUSS

Hindi na nakita ni Xyra ang pagbabago ng ekspresiyon ng mukha ko. Nainis ako sa sinabi niyang mabait si Akira.

Inis na pumunta ako sa dorm ko. Sumunod sa 'kin si Baby Clauss. Tuwang-tuwa ito dahil may mga kasama na ito. Humiga ako sa kama. Gusto ba niya ng mabait? Napasabunot ako sa ulo. Bakit ko ba iniisip iyon?

Pinilit kong matulog. Tutal pagod naman ako sa nangyaring one-on-one fight. Pagod nga ba? Napailing ako habang nakapikit. Naalala ko na naman ang mga labi ni Xyra. Hindi ako makakatulog kung siya ang nasa isip ko.

XYRA

Dire-diretso akong humiga sa kama. Asar pa rin ako hanggang ngayon. Napaka-insensitive ni Clauss! Nagtataka namang nakatingin sa akin si Baby Xyra. Dumapo siya sa unan ko at humiga roon. Napangiti ako. Ang saya dahil may baby dragon na rin ako. Naalala ko tuloy ang training na pinagdaanan ko.

--FLASHBACK--

Lumabas ang air goddess mula sa'kin. May pagtataka sa mga mata niya habang nakatingin sa buong isla. Mapapansin din ang pangungulila at tuwa mula roon. Napansin ko na unti-unting kumalma ang silangang bahagi ng isla kung nasaan ang teritoryo ng air goddess. Nawala ang mga hurricane at tornado na nagwawala sa paligid. Naging banayad ang pag-ihip ng hangin.

Sinabi ko sa air goddess ang pakay ko. Gusto ko'ng maging malakas para sa Dad ko. At para wala na ring mapahamak sa kahit sino na mahal ko at malapit sa'kin. Sinabi ko rin sa kanya ang tungkol sa magiging laban namin nina Clauss. Marahan siyang napailing at ginulo ang buhok ko.

"Masyado ka pa talagang bata. Hindi mo naman sila kailangang talunin para mapatunayan lamang na malakas ka na. Being strong is not all about your skills, it's about how strong your heart is. Hangga't alam at ginagawa mo pa rin kung ano'ng tama, ibig sabihin malakas ka na." Napatango ako. Naglakad naman ang air goddess at tumingin sa iba't ibang parte ng isla. Hindi siya natutuwa sa pagwawala ng bawat elemento. Lumingon muli sa akin ang air goddess.

"Pero tuturuan pa rin kita dahil nararamdaman ko ang nalalapit na laban na kahaharapin mo. Not just the one-on-one fight between the elemental power user but the fight between the evil power users. Nararamdaman ko na ang bawat galaw nila. Sound could travel through air. I could hear every voices. I could smell the bloodlust war they're plotting through the air I breathed."

Halata ang pag-aalala sa mukha ng air goddess habang nakatingin sa akin. Pero kapagkuwan ay ngumiti rin siya. Kinakabahan ako sa sinasabi niya. "But you don't have to worry, I'm on your side. Hangga't nanatiling malakas ang puso mo, hindi ka nila matatalo. Don't ever think of giving up or else I'll leave your side."