Wonderland Magical Academy: Touch of Fire (Cloak PopFiction)

Chapter 24: Targeted

XYRA

Alas-diyes na ng gabi nang makapasok kami sa kagubatan bago sumapit sa baryo nina Felicity. Wala kaming matutulugan sa baryo kaya kailangan naming matulog sa loob ng gubat. Naghanap kami ng mapagtatayuan ng tent.

May napansin akong mga kaluskos sa 'di kalayuan pero hindi ko na lang pinansin. Baka mga hayop lang na pakalat-kalat sa loob ng kagubatan. Pero nakakatakot pa rin dahil baka may mababangis na hayop dito. Tinulungan ako ni Clauss sa pagtatayo ng tent ko.

Ang baliw na si Clauss, ipinahiram ang tent niya kay Xavier. Sa tent ko raw siya matutulog. Damn! Kinakabahan tuloy ako. Hindi naman ako maka-angal. Bakit hindi na lang sila magtabi ni Xavier? Tutal, long lost friends naman sila.

"You look nervous. Don't worry, I'll be gentle tonight," he teasingly whispered in my ears. Nagtayuan ang mga balahibo ko. Nanigas ako sa kinatatayuan. Hindi ko namalayan na nasa likod ko na pala siya. He chuckled. He really likes to tease me.

"B-Bakit hindi ka tumabi kay X-Xavier? F-Friends naman kayo?" nauutal kong tanong.

"A lover is better than a friend," nang-aasar niyang bulong. Niyakap niya ako mula sa likod. Ipinatong pa niya ang baba sa balikat ko. He was smiling big when I turned to him.

"Hey lovebirds, tama na 'yan. Baka langgamin kayo. Wala namang inggitan mga 'dre," sabi ni Troy. Natawa kami ni Clauss. Kumalas siya sa pagkakayakap sa 'kin. Hinila niya ako para kumain. Nagluto sina Akira at Selene. Hindi ko akalaing magluluto silang dalawa. Hindi naman siguro lalagyan ng lason ni Selene ang pagkain ko? Hindi na niya ako pinapansin.

Tahimik kaming kumain. Napapansin ko na tila may nakatingin sa 'min. Guni-guni ko lang ba 'yon? Pasimple kong inilibot ang paningin sa paligid. Wala akong napapansing kakaiba sa kagubatan. Parang normal, pero bakit ganito ang nararamdaman ko?

"May problema ba?" nag-aalalang tanong ni Clauss. Ngumiti ako sa kanya at umiling. Itinuloy ko na ang pagkain. Matapos kumain, kami na ni Selene ang naghugas ng pinggan sa malapit na ilog. Tahimik lang siya.

Ang nakakapagtaka, pwede naman niyang gamitin ang ability para hugasan ang mga pinggan. Bakit kailangan pang lumayo kami sa tent? May binabalak ba siyang masama? Pero wala akong nararamdamang kakaiba.

"Selene?" Nagtangka akong kausapin siya. Hindi kasi ako sanay ng may kaaway. Hindi siya umimik nang tawagin ko siya. Napabuntong-hininga ako. May bigla kaming narinig na pagsabog sa 'di kalayuan. Napatayo ako. Akmang tatakbo ako para tingnan ang nangyayari pero pinigilan ako sa kamay ni Selene.

"Stay here," mariin niyang wika. Nagtatakang napatingin ako sa kanya.

"Why? Baka kung ano na ang nangyari sa mga kasama natin," nag-aalalang sambit ko.

"I don't really want to stop you. Gusto na nga kitang pabayaan kundi lang hiniling ni Clauss na samahan kita. Inutusan niya akong huwag kang paalisin dito. Siya na raw ang bahala kung anuman ang mangyari ngayon," she smirked.

"Ano ba'ng nangyayari?" tanong ko. Hindi na ako nagpumilit umalis. Hindi ko alam kung bakit nagtitiwala ako kay Selene matapos ang mga nangyari sa amin. Hindi niya ako sinagot at itinuloy lang ang paghuhugas ng pinggan. Umupo ako para tulungan siya. Pero nag-aalala ako sa nangyayari kina Clauss ngayon.

"Don't worry. Clauss knows what to do," mahinang sabi ni Selene. Gusto kong mapangiti. She's different now. Nagbabago na ba siya?

CLAUSS

I calculated that there were three people following us. Nahalata rin nina Akira kaya wala na akong nagawa kundi ang tumulong sa kanila na hulihin ang mga ito. Inutusan ko si Selene na ilayo muna si Xyra.