Virginity List

Chapter 11

“Saan mo ba kasi talaga balak pumunta?” tanong ko. Kanina pa kasi kami naglalakad dito eh hindi ko pa rin alam kung saan kami papunta.

“Andito na tayo.”

Nang sinabi niya yun, nakita ko nalang ang sarili ko sa harapan ng isang magandang bahay. Hindi naman siya ganun kalaki  o ka-bongga. Simple lang siya tignan pero malaki talaga siya.

Sigurado naman akong hindi ito ang bahay nila Kean kasi dalawang beses na kong nakapunta dun kaya alam ko na kung anong itsura nun.

“Kaninong bahay ‘to?” tanong ko. Pero as usual, hindi nanaman siya sumagot sa tanong ko. Instead, pumasok lang siya sa loob kaya naman sinundan ko nalang siya. 

Nung nasa living room na kami, tumingin kaagad ako sa paligid. Ang ganda, malinis. Tsaka walang ibang tao kaya tahimik.

“Clubhouse namin ‘to ng barkada ko.” sabi ni Kean.

“Oh? Eh nasaan na yung mga barkada mo ngayon?”

“I dunno. Maybe may pinuntahan nanaman sila. Pero hayaan mo na. Mas magandang wala sila kasi tahimik.” dumiretso siya sa may ref at kumuha ng juice. “Upo ka muna.” utos niya. Umupo naman ako sa sofa nila. 

Habang naka-upo ako, hindi ko rin naman naiwasang tumingin-tingin pa sa mga gamit nila, maayos naman eh. Kakatuwa nga kasi dapat kapag bahay ng mga lalaki, magugulo. Kaso eto, hindi eh. Maayos talaga.

 At dun, may napansin akong picture frame ng anim na lalaking magkakasama. Kinuha ko ito at tinignan. “Eto ba yung mga kaibigan mo?” tanong ko.

“Oo.” lumapit siya at tinignan rin yung picture frame. Tinuro niya yung lalaking nasa right side. “Eto si Vincent, siya ang pinaka Sporty dito sa barkada namin. Pero basketball lang talaga ang pinakahilig niya.” (Author’s Note: Paki-basa nalang po ang “It’s 11:12” para mas makilala niyo si Vincent.) 

Ohhh. Pogi rin naman. ‘De, sa totoo lang pogi naman silang lahat eh.

“Eh sino ‘to?” tinuro ko naman yung lalaking katabi ni Vincent.

“That's Aki, short for Akihiro. Siya yung pinaka "Jolly" dito sa tropa namin. Siya yung pinakamakulit. Palagi yang nakangiti. At siya rin yung pinaka korny mag-joke. Basta siya yung mahilig magpasaya samin kapag badtrip kami dito.” Oh, ang cute naman niya! Baby face!

Yung next sa picture ay si Kean.

Hindi niya na kailangan pang ipaliwananag kung sino siya dito sa barkada kasi halata na kung ano. Siya ang cassanova sa barkada nila, obvious ba?

“Next naman ako. Kahit naman hindi ko na ipaliwanag, alam naman nating dalawa na ako ang pinaka pogi dito samin.” Wew, ano ba yan! Nilalamig ako, ang hanginnnn!