Game of Love 2: Still in Love (PUBLISHED)

[ 42 ] A Big Problem

Click the star icon to vote :)

Chapter 42: A Big Problem

Mag-iisang buwan na simula noong nagtrabaho si Jin para kay Gab. Nadidismaya siya dahil wala halos siyang ginagawa bilang secretary ni Gab. Lahat kasi ng trabaho ay puro si Haeja ang gumagawa. Alam niya na kaya ganun ay dahil ayaw siyang pahirapan ni Gab sa trabaho. Si Haeja ang nag-aasikaso ng lahat at siya lang ang sumasama kay Gab sa mga lakad nito at parang assistant lang siya.

"Jin, tawag ka ni Sir Gab. Puntahan mo na lang siya sa office niya. Sige, pupunta muna ako sa CR," sabi ni Haeja kay Jin.

Simula nang nagtrabaho si Jin bilang secretary ni Gab, naging normal na ang pagtrato sa kanya ni Haeja at kung ituring niya ito ay normal na empleyado lang. Ayaw din kasi ni Jin na tinatawag siyang ‘Ma'am’ dahil lang sa girlfriend siya ni Gab.

Pagkaalis ni Haeja ay tumayo na siya at pumasok sa opisina ni Gab. Nakita niya doon si Gab na nakaupo sa swivel chair nito at nakaharap sa laptop.

"Tawag mo daw ako, Gab?"

Tumayo si Gab at nilapitan si Jin. Hinawakan niya si Jin sa balikat at nginitian.

"Sir Gab, Ms. Tan," pagpapaalala ni Gab.

"Tayong dalawa lang naman ang nandito sa opisina mo. Siguro okay lang naman na Gab lang ang itawag ko sa 'yo tutal girlfriend mo ako."

"Nasa opisina tayo kaya ihiwalay natin ang personal na buhay natin."

Hindi inaasahan ni Jin na ganun ang isasagot ni Gab. Sir na din kasi ang tawag niya dito pero kadalasan ay nakakaligtaan niya na secretary siya nito kaya Gab ang naitatawag niya dito.

"Alright, Sir. What do you need?"

"Gusto mo ng mahirap hirap na trabaho, hindi ba? Sige, bibigyan kita. May mga ipinatago akong documents kay Haeja. Hanapin mo 'yong para sa nakaraang buwan."

"Okay. I’ll find it then give it to you as soon as I can."

"I need it in five minutes, Jin."

"Ano?!"

Nginitian lang siya ni Gab bilang sagot. Madali siyang lumabas doon at pumunta sa harap ng lamesa ni Haeja. Pinagbubuksan niya ang drawers at hinanap ang documents na sinasabi ni Gab. Sa paghahanap niya, may nakita siya na hindi niya dapat makita.

'Pregnancy kit? Bakit may ganito si Haeja sa mga gamit niya?' tanong niya sa isip niya.

Nakita niya na pabalik na si Haeja sa lamesa nito galing sa CR kaya naman nagmadali si Jin na hanapin ang hinihingi ni Gab at nakita niya ito bago pa man dumating doon si Haeja.

"Ano’ng ginagawa mo sa mga gamit ko?!" naiinis na tanong nito.

"May pinapahanap si Gab at kailangan niya na 'yon ngayon din. Buti na lang at nakita ko kaagad. Sige, ibibigay ko na ito sa kanya."

Aalis na sana doon si Jin pero hinawakan siya sa braso ni Haeja para pigilan.