Gun X Bounty

Chapter 30: Sa pagsisimula ng paglalaban.

Halos gabi na ng marating nina Timothy ang bayan ng Aklans. Minabuti nilang ipagpabukas na lang nag papunta sa Asteruins, dahil sa kutob nilang hindi maganda. Sa ngayon ay palihim pa rin silang nag-uusap patungkol sa iniisip nila kay Fate. Hanggang sa ngayon kasi ay kasama pa rin nila ito. Hindi kasi maaalis ang kanilang hinala na isa itong kalaban sa ngayon. May napapansin din silang hindi tama sa mga ikinikilos nito na isang sensyales na may itinatago ito sa kanila.

Pansamantala silang tumuloy sa isang inn at katulad nang kanilang inaasahan ay magpapalipas rin dito ng gabi si Fate. Sa ngayon ay mahina silang nag-uusap sa isa sa mga kwarto na kanilang ni-rentahan.

"Meron talagang hindi tama sa mga ikinikilos ni miss Fate." Sambit ni Wynn.

"Posible bang tama ang hinala na'tin sa kaniya?" Tanong ni Timothy.

"*Uhm.. Dahil nung unang beses na nakaharap ko si miss Fate ay isa siya sa mga kalaban ko. Masasabi kong isa siyang nadir na may isang salita sa kaniyang kliyente. Hindi niya ito kailanman pinagtataksilan, hanggang sa ang kontrata nila ay hindi pa tapos." Sambit muli ni Wynn.

"*Fufufu.. Hindi na mahalaga kung isa siyang kalaban o hindi, dahil mapapasakamay din na'tin ang Bul-Khatos Vidala." Sambit ni Iratha.

Sandaling natahimik ang lahat at kalaunan ay napatingin kay Iratha.

"Sobrang taas ng kompyansa mo ah! Sabihin mo nga, sino ka bang talaga?" Sambit muli ni Wynn.

"*Fufu.. Hindi na mahalaga kung sinuman ako, dahil sa oras na magtagpo na ang aming mga landas ay titiyakin kong mababawi ko sila." Sambit muli ni Iratha.

Muli ay napatahimik ang lahat at sa ngayon ay gulat na nakatingin kay Iratha.

"Mababawi? Sino ba talaga ang isang ito at ano bang klaseng nilalang siya?" Sambit ni Wynn derekta sa kaniyang isipan.

Ilang sandali pa ay muli ng nagsalita si Wynn at sa ngayon ay isinantabi na niya ang ibang mga usapin at itunuon na ang paksa sa kanilang mga gagawin para bukas. Samantala, kasalukuyan na ngayon ipinapaalam ni Fate kina Bul ang kanilang sitwasyon, gamit ang kaniyang telepono.

"Mukhang nakukutuban nilang isa ako sa kanilang mga kalaban, kaya sobra silang nag-iingat ngayon." Sambit ni Fate.

"*Fufufu.. Hindi na mahalaga kung ano ang iniisip nila, basta ipaalam mo lang sa'min ang sitwasyon dyan." Sambit ni Bul.

"*Uhm!" Sambit muli ni Fate.

Matapos magsalita ay agad nang ibinaba ni Fate ang tawag.

"Ngayon na kasama na nina Timothy ang elemental sisters, hindi ko na alam kung ano na ang mga susunod na mangyayari para sa magaganap na paglalaban bukas." Sambit ni Fate.

Mapunta naman tayo kina Lisa. Halos karating lang nila sa Asteruins at dito ay nagpaalam na siya kay Phuz. Labis namang nagpasalamat si Phuz at kalaunan ay nagsimula ng maglakad papasok sa loob ng bayan. Samantala, agad na ring dumiretso sa loob si Lisa at mabilis na nagtungo sa lagusan papasok sa loob ng lumang pasilidad. Nakita nina Bul sa kanilang monitor ang pagdating ni Lisa at ang pagbaba ni Phuz sa sasakyan. Sa mga oras na ito ay labis silang napapaisip sa kung sino ang lalaking kasama ni Lisa.

"Tosara, may ideya ka ba kung sino yung kasama ni Lisa kanina?" Tanong ni Bul.

"*Hmm.. Kung hindi ako nagkakamali ay isa siyang bounty hunter. Pero ano naman ang ginagawa niya sa lugar na ito?" Sambit ni Eiel.

"Baka may hinahanap siyang isang kriminal dito? Tutal bayan ito ng mga kriminal." Sambit ni Yngritte.

"*Hmm.. Siguro nga ay tama ka." Sambit muli ni Eiel.