#قصه_ألدستور
#بلقمي_انا_فاطمه_آل_جاسم
﴿ اللهم صلِّ على محمد وآل محمد وعجل فرجهم الشريف يالله ﴾
لاتنسون المتابعة @fatmia__122 + التصويت + تعليق حلو مثلكم على الفقرات فراشـاتي 🤎🦋 .
أكرمك الله بالعَقـل ، فلا تُهين نفسك بأفعَالك...!
الـ جزء الـواحد والعشرون « مشاجرة »
<><><><><><><>
نرجس ::-
_ ومنو هذا اليجي يخطبني يمة ؟
:- مدخلج منو لا تسالين ولا تفكين حلكج ، توافقين وتمشين ورا كلامي خوش قسمة راح تغير حياتج صدكيني
_ يمه هسه امنت بالله قسمة زينه ، غير اعرف منو هذا الراح اتزوجة شنو امشي على عمى عيني يايوم
:- ضابط واسمه حسام ومن عائلة كلهم مفولين الفلوس يلعبون بيهن لعب
_ ضابطط ؟؟صدك تحجين يمة
:- اي ضابط ليش لازم ماعاجبج ، بنت الزمالة هذا المعاجبج يفر بيج الدول العربية كلها اذا حبج
_ هوا اني خلصت وماخلصت من الضباط والمنتسبين يمة يعني انتي شستفاديتي من ابوية حته تريدين اني استفاد ؟ ليش تريدين تورطيني واني مو حمل هيج مسؤولية !!
:- ليش ابوج شبي ؟ شو نقيب وكلها تحلف بصيته بس اني ويا ماتوافقنه ونجبرنة على الانفصال
_ يمةة شنجبرتو شنجبرتي رحم للكعبة هوا غير راح يقبط خمس اشهر هوا لا داك بابنه ولا سال علينه
:- نرجس هسه خصم الحجي توافقين علية واذا اعترضتي كدام ابوج ومحمد الزمج اكضي بيج التوبة وانعل ابوج لابو حته اليريدج الزين وانتي تدرين بيه شسوي زين وكلام زايد ماريد .
كامت وعافتني احس روحي سلعة عدهم
يجيبون بهل مصايب ويذبون على راسي شسوي وشنو الحل ؟
ضليت بالربع ساعة صافنة بالحايط
اتزوج ؟
وضابط فوك الضيم ؟
شسوي اني وكلشي مابيدي ؟
لا اكدر احاجي ابوية واكله على سوالف امي لان ادري ميهمة وحته اذا تأثر شيسوي وهوا صارلة فترة مكسورة رجلة وميكدر يخطي خطوة
هوا مامتزوج بس منفصل عنها
لان جانت تصير هواي مشاكل بينهم
والسبب منه ومنها ثنينهم يخونون بعض
ماعرف شلون اني طلعت هيج تفكيري هيج شلون مانحرفت ومشيت بطريق غلط !!
واني اشوف امي تخون بابوية
وابوية يخون باامي
ماكول مقصرين ويانه
بس ماكو اهتمام ، ما حسيت بيوم بالانتماء الهم
كمت طلعت برة ونصدمت بابوية موجود وكاعد على كرسي متحرك
وجه تعبان وضعفان هواي
YOU ARE READING
ألدستور
Mystery / Thrillerبقلـمي انا فاطـمة آل جاسـم #ألدسـتور من ارض الواقع ١٠٠٪ وسط أمواج الظلام، وسط المطويات المخفية التي لا تظـهر، والأنيـن الكـامن الذي لا يرويه مـاء، ولا يزيل غشاوته بكاء وسط أنهار من دموع جرت على صفـحة الوجـه جـرّاء أنيـن في القـلب لا أعرف منه سوى...
