#قصه_ألدستور
#بلقمي_انا_فاطمه_آل_جاسم
﴿ اللهم صلِّ على محمد وآل محمد وعجل فرجهم الشريف يالله ﴾
لاتنسون المتابعة @fatmia__122 + التصويت + تعليق حلو مثلكم على الفقرات فراشـاتي 🤎🦋 .
أكرمك الله بالعَقـل ، فلا تُهين نفسك بأفعَالك...!
الـ جزء الـسادس عشر « صلح »
<><><><><><><>
رنيـم ::-
_ اسمع صوتهم يمي وصوت الحجية وهيه ترزل بي ، كلمة اسمعها وكلمة لا
شوية وحسيت ببرودة صارت على وجهي فزيت اكح من شافني كعدت عافنة وطلع
كعدت الحجية يمي وتكلي :- شبي وياج شسويتي وهيج خليتي يعصب عليج !!
مابيه حته ارد عليها كمت الم بشعري الي كفشة من الضرب
عافتني وطلعت سديت الباب وراها وكومت روحي بالزاوية وضليت ابجي
مدري ابجي على حضي مدري ابجي على قسمتي الكشرة مدري انقهر منه لان ماجنت اتوقعها منه كل مرة من يعصب مني ميضربني بس يضل يعيط ويفشر لو اذا عصب حيل يعوفني ويطلع
بس هل مرة صدمني لا وفوكاها هوا الزعل هوا المفروض اني الازعل لان هوا عيرني با امي
وهوا جان واعد ماما ان لو شيصير بينه ميعيرني بيها وبسالفتها
اكثر شي هضمني ان تولاني ولا عبالك اني حبيبته وزوجته حسب كلامه الي ومعاملته
ماجنت اتوقع ان توصل بي لهل مواصيل شكد كتلتني امي من جنت بنية وشكد عيطت واذاتني بحجيها
بس مثل شعوري هسه واني افرك بجسمي من اثار الحزام ومصدومة مصدومة منه شلون انطا كلبة هيج يسوي بيه
وياريت على سبب اني مامسوية شي هوا العال
بيه هوا الجاب سيرة امي
وهوا يعرف كلش زين نقطة ضعفي امي وخواتي واهلي عامً
وخاصا هل فترة
مسحت وجهي والشهكة بعدها لازمتني جانت الساعة مايقارب ال 9 باليل
كمت عزلت الهوسة وبدلت شلون ماجان
لفيت راسي ونمت
اجذب اذا اكو نمت بس مثلت النوم لان ماريد اشوف خلقتة كارررهته كره مصاير
ب 10 حسيت على الباب ينفتح
لفيت البطانية علية حته ميتغطة وياي
مدري شسوة بس اسمع طكطكة
يمكن شغل البنكة
كعد على الجرباية وجر البطانية حيل واردف :- ام ***
جريتها وغطيت حته وجهي
ايس مني كام طلع بطانية وتغطة بيها ، وهاي الصدمة الثانية نام وماراضاني !!
YOU ARE READING
ألدستور
Mystery / Thrillerبقلـمي انا فاطـمة آل جاسـم #ألدسـتور من ارض الواقع ١٠٠٪ وسط أمواج الظلام، وسط المطويات المخفية التي لا تظـهر، والأنيـن الكـامن الذي لا يرويه مـاء، ولا يزيل غشاوته بكاء وسط أنهار من دموع جرت على صفـحة الوجـه جـرّاء أنيـن في القـلب لا أعرف منه سوى...
