#قصه_ألدستور
#بلقمي_انا_فاطمه_آل_جاسم
﴿ اللهم صلِّ على محمد وآل محمد وعجل فرجهم الشريف يالله ﴾
لاتنسون المتابعة @fatmia__122 + التصويت + تعليق حلو مثلكم على الفقرات فراشـاتي 🤎🦋 .
أكرمك الله بالعَقـل ، فلا تُهين نفسك بأفعَالك...!
الـ جزء الـ الثالث «اعتراف»
<><><><><><><>
رَنيـم : شبيج مامه صاير شي ؟
رفعت راسها وردفت :: اني تعرفت على شخص عن طريق الفيس وو
بلعت ريكي واحس حراره صارت براسي
هزيت راسي حته تكمل
دنكت وهيه تكول : اني كتلج لان معتبرتج صديقتي واختي بس ماريدج تلوميني على السويته ، اني اعرف غلطت بس ما ماكدر ....
سكتت
تنهدت بحسرة واردفت : شوكت عرفتي ؟
_ قبل فترة .... طويله
هزيت راسي ووكلتلها :- وليش هيج سويتي ؟ ابويه مقصر وياج ؟
_ اي اي مقصر وانتي كلش زين تعرفين شنو يسووي بيه رنيم تغشمين نفسج عن سوالفه
انتي اڪثر وحده جنت احجيلها على مصايب ابوج
خياناته واسلوبه ووقذارته وفوكاها شسوي مايرضه
وامه الي اربع وعشرين ساعه اطنطن عليه
اني تعبت تعبت منهم ومن ضيمهم ، مثل غركان وجلب بكشايه ، اني عرفته بفترة جنت محتاجه شخص يهتم بيه ويسال عليه ، بفتره جان ابوج حاير بنسوانه وامه تفرفر بالسواكه وانتن صغار ماكدر احجيلجن عن الي بداخلي
من عرفته ، بعد ماكدرت اعوفه
: صافنه بوجهها ماعرف شحجـي يعني امي تخون ابويه ؟
مارديت عليها
كمت وعفتها بس احس نفسي بغير عالم ،
ماكو مُبرر لفعلتها
ماعرف ابجي لو اخاف لو انقهر عليها
هذة الشي مو قليل انو تشوفين امج ويا شخص ثاني غير ابوج .
مر اسبوع ، كل تفكيري بكلامها وصارت تحجيلي عنه واني بس ساكته شحجي شكللها مرة شطولها شكدها عدها 4 بنات بطولها وهيه تسوي هاي السوالف !
شسويلها ، امنعها ؟
باليل نايمات اني وأمطاف بالاستقبال ، ونسولف الي بداخلنه هاي الكعده كل اسبوع نكعدهها نفضفض البعض لحدما ندوخ من الحجي ونّنام
_ ولله هيه لو تجين للصدك احنه صوجنه وصوجج انتي هم
:- اني؟ اني شعليه انتي متعرفين امج اذا رادت شي مني لازم اسوي واني الممنونه واذا ارفض تتكطع الصونده على ضهري
YOU ARE READING
ألدستور
Mystery / Thrillerبقلـمي انا فاطـمة آل جاسـم #ألدسـتور من ارض الواقع ١٠٠٪ وسط أمواج الظلام، وسط المطويات المخفية التي لا تظـهر، والأنيـن الكـامن الذي لا يرويه مـاء، ولا يزيل غشاوته بكاء وسط أنهار من دموع جرت على صفـحة الوجـه جـرّاء أنيـن في القـلب لا أعرف منه سوى...
