#قصه_ألدستور
#بلقمي_انا_فاطمه_آل_جاسم
﴿ اللهم صلِّ على محمد وآل محمد وعجل فرجهم الشريف يالله ﴾
لاتنسون المتابعة @fatmia__122 + التصويت + تعليق حلو مثلكم على الفقرات فراشـاتي 🤎🦋 .
أكرمك الله بالعَقـل ، فلا تُهين نفسك بأفعَالك...!
الـ جزء الـتاسع عشر « هدوء ماقبل العاصفة »
<><><><><><><>
رنيم ::-
- كعدت الصبح مثل كل يوم سويت ريوك وغسلت المواعين
وبدة روتيني اليومي خلصت ب4 كل شغلي اندكت الباب ودخلو بيت محمد يمنه
هوا وجهالة كعدو تعشو سويتلهم تمن احمر ونواشف
كعدت بصف اثير اردف يشاورني :- لفطوهن وكامو بعدني جوعان
ضحكت وكتلة :- هسه بس يطلعون اسويلك عيب هسه يحسون بعدك جوعان
:- ماشي ، كومي جيبيلي الموبايل من الغرفة على الشحن
كمت للغرفة لكيت ابن محمد كاعد وياخذ حلويات من المجر كمت اخاف اخلي حلويات بالمجر من يجون ياخذوهن كلهن ويخلون اصفن واني استحي اكل ورا الوجبة الرئيسية فا من اروح الاهلي اشتري حلويات حته اكلهن من اجوع
وهذولة من يجون ياخذوهن كلهن
كتلة :- حبيبي روح ابوك ديصيحك
تارس جيوبة جكليت ونساتل
ماحب تربيتهم مشاويه حتلو ماعدهم ام بس اني احجي عليهم لان ادري ابوهم ممقصر وياهم يجيب ويذب عليهم اشكال والوان بس هما هيج
ويفشرون ويسبون بينه ولا يستحون
اخذت الموبايل من الشحن جايلة طلب صداقة على فيس مكتوب :- المهندسة فاطمه ال***
ستغربت منو هاي ، معقولة نفسها فاطمة الجان يحبها قبل ؟
اخذت الموبايل وانطته اله بدون اي ردة فعل لان اني مو من نوع العصبية وراسا اتهم اريد اتاكد نوب اتصرف
ل12 باليل يلا طلعو
دخلنه للغرفة كال :- شغليلنه فلم
:- لا اني دايخة اريد انام
- ليش شعجب انتي مو تحبين الافلام
نترت :- شبيك اثير داكلك دايخة ليش تلح وتسال
تعابير وجه كلهن تغيرن تعصب واردف :- وليش تنترين ؟
:- لان تلح هواي واين جاي اكلك ماريد يعني ماله داعي هل اساله المالها معنى
كعد على الجرباية واردف :- هاهيه براحتج ، بس بعد هل نترة ماريد تطلع منج مرة ثانية لان يصير غير كلام
:-خوش ، درت وجهي ونمت
اسمعه يتحسر شوية وحسيت على ايدة تتمشة على بطني اردف :- حبيبي نايم ؟
YOU ARE READING
ألدستور
Mystery / Thrillerبقلـمي انا فاطـمة آل جاسـم #ألدسـتور من ارض الواقع ١٠٠٪ وسط أمواج الظلام، وسط المطويات المخفية التي لا تظـهر، والأنيـن الكـامن الذي لا يرويه مـاء، ولا يزيل غشاوته بكاء وسط أنهار من دموع جرت على صفـحة الوجـه جـرّاء أنيـن في القـلب لا أعرف منه سوى...
