Tulad Mong Isang Prinsesa

"Chapter 94: Anime Cafe"

"Jhe's POV"

Isang oras na ang nakalipas simula ng namasyal at naglibot kami dito sa loob ng school building para makita ang mga kakaiba at magagandang themes sa bawat classrooms.

Dalawa na ang nasubukan namin na booths. Unang pinuntahan namin ang costume booth. Nagsuot kami ng traditional clothes na kimono at nagkaroon kami ng photoshoot sa photographer kaya todo pose kami nila Fia, Seeley at Aikee sa pagpapa-cute, at syempre di mawawala ang wacky face namin para mas masaya ang kuha sa pictures. Pagka-print ng photographer sa mga pictures namin ay binigay na niya sa amin tapos pumili at kumuha sila ng mga kasama niya ng isang picture namin na magkakasama kaming apat para idikit at i-display sa blackboard nila para makita ang mukha ng mga pumunta at naging customers sa costume booth nila.

Sunod naman na booth na pinuntahan namin ay ang knickknacks booth. Isa itong bazaar na may mga items with prices. Marami silang items na ibinebenta, meron stickers, posters, books, toys, stuffed animals, bracelets, snacks at iba pa. Sa sobrang dami, hindi mo talaga alam kung ano ang unang bibilihin mo. Puwera nalang kung lahatin mo na haha, kuraz!

Oo nga pala, alam namin na hindi sumama si Arisu sa amin sa pamamasyal ngayon. Ang daya nga niya eh. Akala ko ba naman makakasama namin siya. Makakasama ko. Lalo na, siya pa naman ang nagyaya sakin dito. Pero okay lang, di naman ako magtatampo sa kanya. Kasi intindi naman namin na busy siya ngayon, lalo na isa din siya sa mga student council at vice-president pa. Di kasi biro ang position ng mga student council kaya tungkulin talaga nila ang maglibot at alamin ang nangyayari sa bawat sulok sa school na 'to. Kaya konsiderasyon na iyon sa amin na mga kaibigan niya. Pero ang sa akin lang, sana ma-enjoy parin ni Arisu ang school festival. Silang dalawa ni president Shunso at ang ibang members ng student council.

Yun nga lang, hindi man lang nakapagpaalam si Arisu sa amin na hindi pala siya makakasama. Ang akala ko pa nga nasa likuran lang namin siya at tahimik na naglalakad kasi ganun siyang tao. Pagkalingon ko sa likuran ko para tignan siya at hintayin para magkahawak kamay kami na maglalakad, nakita ko naman na wala siya sa tabi namin. Tinanong ko sila Fia, Seeley at Aikee kung bakit wala si Arisu at hindi pala namin kasama. Nagtaka din sila. Hanggang sa iyon nga, naalala namin na siguro busy siya sa pagiging vice-president kaya hindi na niya nagawang sumama at magpaalam samin. Kahit paano sinubukan namin tignan ang cellphone namin kung may text o tawag siya, pero wala. Siguro nga sobrang busy na siya kaya di na niya naharap na kahit sa text man lang siya magpaalam. Pero tulad nga ng sinabi ko, okay lang samin iyon at binigyan namin ng konsiderasyon.

Hindi na pala namin siya naisipan pang itext o tawagan para hindi muna namin siya ma-istorbo. Tutal, makakasama din naman namin siya mamaya. Sigurado iyon.

Kaya heto ngayon, kasalukuyan kaming naglalakad pababa ng hagdan patungong second floor. Hindi pa kami nagsawa dito sa third floor, kung tutuusin babalik pa kami dito mamaya para masubukan ang ibang booths. Saka kahit sa fourth floor at fifth floor hindi pa kami masyado nakapaglibot doon kaya talagang gagawin namin mamaya. Sa ngayon second floor naman ang isusunod namin para maglibot at magtry ng mga booths doon.

Pagkababa namin sa hagdan, saktong tumunog ang message tone ng cellphone ni Fia kaya huminto siya bigla sa paglalakad at pati kami nahinto rin.

Kinuha ang cellphone niya sa loob ng shoulder bag niya at binasa ang text. Tumingin siya samin pagkatapos niya basahin iyon at ngumiti.

"Si Koutaro ang nagtext. Tinatanong niya kung nasaan na tayo. Di ko siya nireplyan. Hayaan ko lang siya na hanapin tayo. Mag-effort siya kung gusto niya tayo makasama."

"Baka ikaw ang gusto niya makasama." nakangiting sabi ni Aikee

"Ewan ko sa kanya." napabuntong hininga at nakangiti na sabi ni Fia