part9
.
.
------
بعزبة نايف
أذن الفجر وهوماتحرك ابدا قمر بحضنه وداخله معه بفروته وبعد يومين بتروح وبتخليه أسير هاذي الحظات ارتخى بجسمه وهو يدفن وجهه بشعرها ويغمض عيونه ويحاول يبعد فكرة انها بتروح خلاص وبينتهي كل شي بينهم من راسه يحاول يعيش الحظه لكن دخل وقت صلاة الفجر ونايف الي يتمنى ان الوقت والزمن يوقف على هاذي الحظه بينهم
بعد شعرها من على وجهه وبيده يرفع وجههه بصوت خافت يناديه
تصحى قمري وهو ماوده ابدا يصحيها وهو يلم فروته عليها كلها يغطيها وهو الي صدره يسند ظهرها يجبرها خوفها تأمنه وهو يناظرها هاده كل شي ومستقره بحضنه تهدا وتأمن وتدفا وترتاح وذراعه الي مقيده ظهرها كانت حزام أمان الي زال بعدها كل خوفها وقلقها تنهد ياخذه شعوره رفع كفه يحفظ تفاصيل وجهها ولولا انه ماصار مجبور يقوم لصلاه ماكان يبعدها عنه لاإي سبب يصحيها بخفه بأسمها وكفه الدافي على وجهها يمرره
قمر :الي تسند يدينها على صدره تبعد من حضنه وبتعب ترجع لصدره وتقول ماشبعت نوم
ضحك نايف ضحكه خفيفه وهي الي ترفض تبعد من حضنه وترجع تتوسد صدره مره ثانيه وتشد نفسها عليه وتشده يذوب قلبه من صوتها المبحوح تطلبه برجاء ماابي اصحى ابي انام تعب عقله وهو يستوعب كيف تبي هي تامر امر مو بس تبي نزل وجهه لها من عيوني وكل شي تبينه بيصير يغمرها بذراعه الي يمررها على ظهرها ويغطيها بفروته ويشد عليها تنام شوي يرفعها له يبوس كتفها وعنقها ويصعد الأخر الفك لخدها وعيونها الثنتين يبوسها يقلق راحتها تحركة عنه وميلت راسها وبعتب وهي تشكي بأنها مانامت كفايه وهي ترتخي على كتفه تفقده عقله تنهي امره بهاذا الدلع تدارك الوضع ولمها لصدره وقال بصوت مسموع وهو الي ادرك انها واعيه لصوته وكيف تبين تخليني ياقمر كيف يقوى قلبك وانتي الي عجزتي تبعدين عني رفعة عيونه له وهي تناظره وبصوت مبحوح
وهي مو بوعيها ماراح أخليك وهي تمسك ثوبه بقوه من صدر وتشده
تنهد بقوه وهو يشدها لصدره وعد ياقمر ماتخليني
قمر الي أختفى صوتها وهي ترجع تنام بسكون على صدره ناظر بضل رمشها على خدها أخذ نفس وبصوت مسموع لها
(ياصباح يامنتهى السحر المباح
يانعيما في حياتي قطوفه دانيه
رمش عينك خارج معاهده نزع السلاح
ماأعترف في حلف ناتو وحلف ألمانيه
والاانا راضي لوأسقيتيني سم ذحاح
يارصيدي من حطام الحياه الفانيه
تصبح الدنيا وأهلها على شمس الصباح
وانتي شوفتك صبح ثاني وشمس ثانيه)
تنهد وهو يشدها على صدره وهو الي كان فعلا يوصف حالهم بهاذي القصيده كل حرف وكل كلمه تعنيهم رفعت نفسها وترجع شعرها لورى وهي تناظر فيه وتمسح على وجهها كم صارت الساعه أبتسم نايف وهو يناظرها ويرجع شعرها ورى أذنها عشان يشوف وجهها وعيونها وهو لي يلمس من عيونها عتابها له وهو الي تعبه بالقوه
ناظرته وبعيونها موعتب ولاقرف ولاتقدر تبلد هو سكون داخلها يغلي ويتلوى ب ليه ؟بس خارجها هادي وساكن وكأنها تبحر في بحور الطمائنينه وهي غارقه في بحور التساؤلات لكن يحمكها خوفها منه ويجبرها الأمان الي بعيونه لها يجبرها ترتخي له ولكن داخلها خوف من الي بيصير بعد هاذا قامت من حضنه وهي تناظر بالسماء الي بدت تتلون بالون الأزرق على بدايات الفجر قام نايف وهو ينزل فروته وراح بيصلي اخذت نفس عميق من الهواء الحلو ودخلت للخيمه وهي تلم نفسها وتجلس بفراشها وهي تتذكر كل كلمه قالها الها وتحس بنبضات قلبها الي بداء تتسارع مع نفسها حاولت تهداء وتصحي البنات لصلاه عشان تنسى الموضوع كله وهي تهرب من التفكير فيه وهو يهرب من التفكير انها بتروح وتخليه
انتهى من الصلاه وجلس على سجادته يقراء اذكاره
ام ناصر:صباح الخير يانايف كيف أصبحت
نايف :أخذ نفس وهو يناظر بقمر ويشوف انعكاس الشمس بعيونها الساحره بالخيرياامي بالخير
ام ناصر:وش تبون تفطرون
نايف :اخذ شماغه وحطه على كتفه الي تبون انا بروح أخلص شغلي وإجي
لمى :وين بتروح بروح معك
نايف :وهو ماوده بااحد يبي يختلي بنفسه ناظرها بروح للأبل بتروحين معي
لمى:اي تكفى بنروح معك
نايف :من الي بيروح
لمى :كلنا بنروح
قمر:عني انا ماراح اروح اخاف منها
صد نايف وهو يكمل طريقه اذا تبون تعالو ومشى وهويحس بوجع داخله يبي يختلي فيها لكن مافيه مكان يختلون فيه يبي يتكلم يبي يقول كل شي بس هي ماسمحت له يبرر اي شي سواه ندم اشد الندم على كل شي صار تمنى انها مااعترف لها بالبدايه انه يحب تمنى لو انه يرجع فيه الزمن لكن مافيه اي حل وقلبه ينعصر من داخل ومن الخارج جامد مايتغير فيه إي شي وهاذا الي وتر قمر زياده لاانها ماتشوف اي ردت فعل منه وصل ودخل لناقته الريم وهو يطلعها ويبعد فيها وهي الي كانت أحب ناقه عنده صاريكرها ربطها وبمساعدة عماله نحرها وذبحها من حر مشاعره من حر مايحس ومايوجس بداخله العمال انصدوم اعز النياق عنده ذبحها نحرها
يبون يسألونه لكن خافو من عقدة حواجبه الي واضح انها ماتطمن ابدا بعد عنها شيلوها اقطعوها وتصدقوها
العمال:ماتبي نجيب لك منها
نايف:ناظره لا اذا مااحد اكل منها عطها للكلاب تاكلها
العمال خاف وبعد تبشر الحين نتخلص منها ونوزعها
ورجع للخيمه وهو تعبان دخل أخذ شور وطلع مانام من اليل وراسه من كثر مايفكر يحس بينفجر
ام ناصر:وش الدم ذا الي على ثوبك يانايف
نايف:مافيه شي ياايمه
ام ناصر:وش تبي بالناقه اسمع صوتها الي اخذت معك
نايف :وهو ماكان يبيهم يعرفون ناقه واحد يبيها ذبيحه عنده مناسبه وشاريها مني ونحرتها والعمال بيكملون
ام ناصر:ليش ماخليتهم يودونها صعب عليهم
نايف :معاد رد حس انه انكتم مايدري وش فيه الاانه يبي يهرب منهم وينعزل وبكيف قمر بعدها تروح اهم شي مايشوفها تروح وتخليه لكن وين يروح وخلاص مكانه عرفوه وين بيختفي هاذي المره دخل بالفراش انا بنام مانمت كويس من البارح
ساره:أفطر بعدين نام يانيوف
نايف :لا ماابغا مالي نفس افطرو بالعافيه
وقمر الي دخلت الخميه وين نايف رحنا عند الأبل ماحصلنها
نايف الي فز قلبه لكن مارد ولاتحرك من مكانه يبي يهرب شىي ويرتاح
ام ناصر :شفيه جا قبل شوي ونام
قمر:نايف ينام الحين مستحيل خافت يكون تعبان وراحت له للفراش وهي الي بدأة تتسارع انفاسها بعدة البطانيه وهي تشوفه متكتف ومسكر عيونه يمثل النوم ومتلثم بشماغه بكفها الدافي لمسة جبينه الي ارتعش جسمه كله اول مالمسته حاول بتجكم مشاعره الي أحرقته بعدة وهي تقول الحمدالله على بالي تعبان بعدة وهي ترجع الحاف عليه مسكه بيده وهو يشده بقوه عليه تعب تعب من مشاعره
ليت والله التعب الي داخلي تحسينه اوتشوفينه ياقمر حاول يسكر عيونه ويهرب من تفكيره حاول ينام تعب ولانام قام بعد محاوله ساعتين وطلع وهو يغسل وجهه اكثر من مره يبي يصيح باأعلى صوته مقهور ويبي يرتاح كل هاذا وهي موجوده ماراحت مكان عنده وقدام عيونه اخذ نفس ودخل للخيمه وجلس قدام النار واخذ القهوه وجلس يتقهوى وهو يكلمونه وماانتبه لهم
دقته ساره في كتفه بخفه نايف
نايف :فزلبيه
ساره:وش فيك ساعه النادي عليك
نايف:وش ماانتبهت والله وش بغيتي
قمر:تبي فطور
ناظرها نايف اي جيبيبه وهو يقول ايه والله لوسم تعطيني اكلته وانا راضي
قمر :نايف تبي شاي واحليب
نايف :لاجيبي شاي
وبعد الفطور شالو كل اغراضهم خلاص بيرجعون للبيت
نايف :بروح للخيول وأجيكم
قمر:وهي تبي تودع هاذا المكان الي بعمرها ماتوقعت انها بتحبه بروح معك للخيول
نايف :انصدم بتروحين معي
قمر:اي بروح معك
نايف :يالله تعالي ومشى نايف وقمر تمشي بجنبه كان ساكت وماكان يبي يتكلم ابدا
قمر:ابي اشوف الخيول واودعه بس والله مره حزينه حبيت هاذا المكان مره وكل شي فيه
نايف ساكت ابدا ماقال لها اي شي وهو يعرف انها تبيه يتكلم تبيه يقول اي شي بس كان ساكت ولااي ردت فعل منه لاحظت لكنه من الداخل عكس الجمود والصلابه الي تنرسم عليه كان يحترق في كل مره يسمعها تتكلم بس هادي تمامآ وهو يبي الوقت المناسب عشان يتكلم معها دخلو للأسطبل وهي كانت تبوس الخيول وتدعها ونايف واقف يناظر فيها خايف خايف من فكرة الوداع او انها تتركه وتروحه حبها وتعلق فيها من قلب ونسى الدنيا كله عشانها
طلعو من الأسطبل وركبو السياره وراحو للبيت وطول الطريق كان الهدوء والصمت الغريب فجأه بالسياره كان عكس وهم رايحين كان الضحك والوناسه والسوالف والمزح وصلو للبيت ونزلو كلهم وكل وحده دخلت غرفتها بتنام
نمر :ارحبو يالله انك تحيهم وين اختفيتو
نايف :كنا بالعزبه
نمر:اما وديتهم للعزبه
نايف:ليه وش فيها
نمر:لابس هاذا مكانك السري وماتبي احد يروح له
نايف :وهو ينزل باقي الأغراض من السياره مو اي احد ذولا أهلي
عادي
نمر:ايش فيك صوتك مب عاجبني
نايف :الي ترك الي بيده يوم سمع هاذا الكلام وجلس على باب الشنطه ليه وش فيه صوتي
نمر:انت فيك شي
نايف:كان يبي يفضفض ويرتاح لكن عجز عجز تنهد بضيق من حاله مانمنت من البارح واحس تعبان معاد فيني طاقه وتعرف مااحب نوم العصر وراسي الله وكيلك
نمر:متأكد مافيه شي ثاني مضايقك
نايف :لاياحبيب اخوك وكيف الحال عندك انت
نمر:الي معاد على ملكته الااسبوع والله اني تايه ماادري وش اسو ي
نايف:بسيطه بكره خذ امي والبنات وروحو جهزو كل شي من الرياض
نمر :اي والله فكرت بس مدري عنهم
نايف :لاتفكر وترى معاد فيه وقت استعجل ابوي وينه
نمر:داخل المجلس
نايف :دخل نايف للمجلس وهو يسلم على ابوه وجلس بجنبه
نمر:تتقهوى اصب لك
نايف:لا يانمر أجلس
نمر:انت عندك شي وجهك ماهو عاجبني
نايف :وكانت ناقته الريم هاذي هديه من ابوه من يوم هو صغير وهو الي سماها يوم كبر على ريم يايبه ترى الريم ماتت
ابوناصر:وشو وش ماتت منه
نمر:ناقتك وش فيها
نايف:قدر الله
نمر:ابشر بالعوض واما اخوك
نايف:تعوضني بسلامتك
ابوناصر:تبشر بالعوض يالشيخ
نايف:العوض سلامتكم
عبدالله:الي دخل المجلس سلام عليكم
نايف :ارحبي ياعبودي وهو يضمه ويتنهد بضيق عبدالله الوحيد الي يتحمل نايف بكل تقلباته
عبدالله:الي حس بنايف من نبرة صوته الله يسلمك قلت امر اسلم على عمي ودامك هنا يالله تروح معي
ابوناصر:الله ييحيك ياعبود اي والله خذه خله يغير جو
عبدالله:الي نغزه قلبه اول مره ابو ناصر يقول كذا يالله يانيوف
نايف:توكلنا على الله
نمر:اماانا اخلص بعض الاشغال عندي
عبدالله :تستهبل تعال وبنطلع وفي الاخير تسحب علينا
نمر بغمزه لعبدالله:عند والله شغل ياعبود تعرف معاد الااقل من اسبوع على الملكه
عبدالله:الله معك ياحبيبي
نايف:نمر تبي شي ينقصك شي
نمر:ربت على كتف نايف وهو يضحك ابغا اشوف نايف الي خاطره وسيع ويضحك وبخير وبس
نايف :ابتسم جعلني ماخلى منك ياحبيبي اخوك بأذن الله
نمر:يالله استأذنكم
عبدالله:الله معك ونتقابل على خير
وطلعو وهم يروحون مكانهم المعتاد بديره دكة شاهي وجلسو الأثنين
عبدالله:غرد قول وش فيك وش مضيق خاطرك
نايف:الي مايتردد ابدا انه يقول كل شي لعبدالله الريم ياعبود
عبدالله:الله يقلعها هاذي متى ناويه تفكنا شرها
نايف:ناقتي نحرتها اليوم بييدي
عبدالله:الي شرق بالشاي وش وش تقول انت صادق
نايف :وهو مرتاح نفسيآ بعد الي سواها كرهتها ياعبود ومستحيل باقي اتقبلها
عبدالله :ليه نايف ليه هاذي الريم يانايف هاذي لحالها سعرها نص مليون
نايف:ماتهمني بكم الا اني كرهتها ومعاد ابغا اشوفها معاد نياقي
عبدالله:طيب ليش مابعتها
نايف:عبود خلاص سكر على الموضوع
عبدالله:والحين متضايق انك ذبحتها وش تبيني اسوي الله يصلحك
نايف:انا سىيت الي يريحني
عبدالله:لاتكون السالفه غيرت حريم هاه
نايف:لا وقمر بكره بتروح جده وتبي ورقة طلاقها
عبدالله:أعوذوبالله ايش فيه استهدو بالله
نايف:الي تجمعت الدموع بعيونه والله اني مستهدي بالله ياعبود لاكن الدنيا كل ماتمنيتها على شي صار ضدي
عبدالله:شاف الدموع بعيونه والغضه الي بصوته عسى ماشر وش السالفه طيب
نايف:عشانا انا من البدايه تزوجتها وقلت لها اني احب ريم من يوم حنا صغاروللسالفه الين الحين مانستها وتبي الطلاق تقول اذا ماطلقتني بخلعك وش ياعبود عطني حل عجزت ارتاح من يومين
عبدالله:شرحة لها كلمتها جلست معها
نايف:لا ماقلت لها شي بس قلت خلاص
عبدالله:مهبول انت اكيد هي بتشوفك ساكت بتقول هاذا مايبيني
وماالومها اذا اصرت على قرارها وانت ماقلت لها شي ولاحاولت توضح لها قوم الحين وروح لها قولها كل شي انت تبيه
نايف:مو الحين الحين هي نايمه
عبدالله:وش عرفك انها نايمه يمكن تمثل عليك
نايف:لا تعبانين كلهم ودخلو بينامون مواصلني ومانامو كويس
عبدالله :يمكن أهلك ينامون بس صدقني هي مستحيل تنام
نايف:هي مصره على قرارها وش بيغير رايها اذا كلمتها راحت معي عند الخيول ودعتها كلها
عبدالله:طيب جرب عادي ترى هاذي زوجتك في الأخير بينك وبينها كل شي يعني ماراح يطلع لاااحد يالله قوم قدامي الحين وسحبه مع يده تعبتنا معك يااخوي
وصلو للبيت ونزل نايف
عبدالله:يالله اشوفك على خير اذا خلصت وبتطلع كلمني
نايف:ابشر
دخل نايف البيت والبيت كله هدوء مافيه الاام ناصر الي كانت جالسه على سجادتها بعد الصلاه
ام ناصر:ارحب يانيوف
نايف :الله يسلمك ياعيوني وين الناس
ام ناصر:والله كلهم باقي نايمين
نايف انسدح بتعب بحضن امه وزفر بضيق وهو يحس انه مشتتت من كل النواحي
ام ناصر:بسم الله عليك وش فيك يانيوف
نايف :والله ياامي انها ضايقه فيني الدنيا مابيوم صار الي ابيه كل شي يصير ضدي
ام ناصر:اذكر الله ياولدي لعل الله يختبر صبرك
نايف:الحمدالله على كل حال والله اني راضي بالي كاتبه ربي
ام ناصر:وش الي مضايقك ياولدي
نايف :امر بسيط وانشالله انه ينحل مابتضيق الابتفرج انشالله
ام ناصر:اللله يفرج همك ياولدي
نايف :امين ياعيوني امين
-------
part10
