part4
-----
الساعه١٠الصباح
في بيت ابو ناصر
صحت قمر وهي تسمع صوت فزة واستوعبة انها في بيت اهل نايف لفت وشافت نايف نايم بجمبها عل السرير وقامت بسرعه ودخلت توضة وصلحت شعرها ولبست وحطة مكياج خفيف ونايف باقي نايم
استحت تطلع من دونه وشغلت التلفزيون الي بالغرفه وجلست عنده
سمع نايف صوت التلفزيون وقام عين مسكره وعين مفتوحه
نايف :نقصي اشفيك كذا مرفعه
قمر:لا هو مرفع من قبل كذا والريموت مو معي
نايف :دخل لدورة المياه وغسل وطلع طلعتي افطرتي
قمر:لا ماطلعت
نايف:ليه ماطلعتي امي تصحى من الساعه٧
قمر:مو عندك اخوان بالبيت
نايف:اوه قصدك نمر
قمر:ايوه اخاف يكون موجود
نايف :لا نمر مداوم مايطلع الاللعصر بس يالله اطلعي معي
لبس ثوبه واتعطر وفتح الباب يالله تعالي
قمر:وهي فيها غصه ودها تبكي ودها تصفقه يحب وحده وجالس يتسلى معها فتره بعدين بيطلقها ليه يسوي فيني كذا قامت وطلعت معه وهي تحاول تصد عنه قد ماتقدر
دخل نايف وهو يشوف ابوه قدامه سلام عليكم
ابوناصر:ارحب ارحب وعليكم السلام وينك ماصحيت من بدري
قمر وقفة مع ساره بالحوش يسقون الزرع وهي ناسيه من عمها
ودخلو واول ماشافها وهو يرحب فيها بصوت عالي ارحبي يابنتي
قمر:جمدت يوم سمعت كلمة بنتي وقربة وهي تسلم عليه وعيونها كلها دموع
ابوناصر :كيفتس يابنتي عساتس طيبه
قمر:بصوت خافت الحمدالله كيفك ياعمي
ابوناصر:بخير دامك بخير تعالي جنبي وانا ابوك
قمر:هنا معاد قدرة تمسك نفسها زياده وبكت
ابو ناصر:انا ولدك ياابوي وضمها لصدره وش فيتس يابنتي حد قايل لتس شي
نايف:انجن خاف ان قمر تقول كل شي انقلب وجهه مايعرف ليش بكت وهو يناظرها وعيونه بتطلع من مكانها
ابوناصر:لف لنايف والله وبيت بناه الله لاالقاك مزعلها مايحصل خير
قمر:كانت تنهت بقوه وعجزت تنطق بحرف واحد وصدرها يطلع وينزل من شهقاتها
ام ناصر:جت وسحبتها لحضنها وهي تسمي وتقراء عليها
قمر الي يوم حضنها طلعت كل شي متراكم عليها وبكت اليين ارتاحت من كل شي داخلها
ابوناصر:بعد ماهدة قمر ايش فيتس وانا ابوتس
قمر:لا بس تذكرت ابوي يوم سمعت كلامك
ابوناصر:والله ان تروحين لاابوك واني لااوديك له انا بنفسي
قمر:ياليت ياعم اني اقدر ياليت لوبس بيني وبينه مدينه وحاره وشارع
ابوناصر:وراتس يابنتي ابوتس به شي
قمر:ابوي في صفوف الميتين ياعم ولاعاد اقدر اشوفه ولااروح له
وهي تبكي بحرقه
نايف:انجن من قمر ومن بكاها كأنها طفله وماطلعت هاذا كله الا قدام ابوه وامه الله يرحمه ويغفر له كلنا ماشين لهاذا الطريق
ابوناصر:انا اعتبريني ابوتس ولايردتس عني شي وابشري بالي تبينه وانا عمتس
ام ناصر :تعالي ياحبيبتي غسلي وجهتس
نايف :قام واخذ قمر من عند امه ارتاحي يمه بروح معها انا
ام ناصر:زين ياولدي رح معها
نايف:سحب قمر ومسكه بيدها بقوه وسحبها ودخلها للغرفه وخلاها تغسل وترتاح شوي
قمر:الي دخلت تغسل وانهارة من جديد وهي تبكي بكل مافيها نايف يدي يدي
نايف :دخل عليها بالغرفه قمرخلاص كفايه ولاطلعتي هاذا كله الاقدام ابوي مجنونه انتي
قمر:انا مت مع ابوي قمر ماتت مع ابوها انا انسانه ثانيه ماتعرف في حياتها اغير الحزن والضيقه
نايف :مسكها نايف بيدها بقوه اسمعي خلاص فكيني من الدموع هاذي الي بتجيب الي المصايب
قمر:بعدة نايف عنها وهي مستحيل تنسى الي سواه فيها ودخلت تغسل وجهها وهي مقهوره منه ومن طريقة كلامه
نايف:طلع وهو مستغرب كيف دفته طلع لاابوه وامه وجلس معهم
ام ناصر:وين قمر
نايف:خليتها ترتاح شوي وبتجي
وماامداه يكمل كلامه الاوقمر داخله
اعذرني ياعمي ماتوقعة انه يصير كذا
ابوناصر:تعالي تعالي انتي ماغلطتي عشان تعتذرين وانا ابوتس ماسويتي شي ولااحد يلومتس فقد الاابو غالي
قمر:وهي بخاطرها ياليت بعض الناس يحسون وقالت الله يرحمه ويغفرله يارب ويجمعني به في جنات النعيم
نايف:انصدم من قمر كيف قدرة تطلع كذا وكأنها ماكانت تبكي قبل دقيقه وكأنه ماصار شي قام انا استأذنكم بروح لعزبتي
ابو ناصر:الله يحفظك بتطول ولالاا
نايف:لا العشاء وانا هنا وطلع وركب سيارته وبكل سرعته اتجه للعزبه وجلس يفكر بريم الي ماطلع لها حس ابدآ من يوم رجع
اخذ الجوال ودق عل ابوه يبه ايش رايك تكلم عمي محمد يجي هو وأهله اليوم عندنا على العشاء
ابوناصر:عسى خيرياولدي
نايف:خير يبه خير ابغا اسولف معهم واشوفه مطول منهم
ابوناصر:ابشر الحين اكلمه واعزمه بس تعال بدري انت
نايف :على ان توه وصل العزبه ابشر يبه الحين اجي وقفل من ابوه وراح شاف الأبل والخيول وطلع ركض وهو مبسوط وفرحان انه بيقابل ريم وطلع ركب سيارته وبسرعه عل البيت
وبعد اذان المغرب وصل عمهم محمد وعايلته استقبلوهم وسلمو عليهم ودخلو المجلس وبدأت سواليفهم
وعند الحريم استقبلة ام ناصر ام ريم ودخلتهاداخل وجلسو يسولفون ويتقهون الين بعد صلاة العشاء وقامو البنات للمطبخ يخلصون العشاء وقمر جالس مع الحريم لاانهم احلفو عليها ماتسوي شي
والبنات بالمطبخ يكملون السلطات والحلى تبع العشاء
دخل نايف وهو ينادي عل ساره تجي تجدد القهوه
ساره اخذت الدله ودخلت بتجددها
وريم سمعت صوت وتعطرت بسرعه وطلعت له ركض
نايف:كان يناظر بجواله واول ماشافها شهق ونزل جواله وهو يضمها بقوه ويسكر الباب عشان مااحد يدخل عليهم او احد يشوفهم
ريم:نيوف ليش تسوي فيني كذا
نايف:لبيه ياعيون نيوف اوعدك لاأصلح كل شي ولتزوجك وان تكوني زوجتي الأولى والأخيره
ريم:تستهبل كيف تصلح كل شي انت متزوج
نايف:انا متزوج عل ورق ولاااعتبرها زوجتي ابدآ بس اتزوجتها عشان اصلح الوضع
ريم:بشك لاان مستحيل احد يقاومها كيف ماتحبها ولاقد صار بينكم شي
نايف:حضن ريم مره ثانيه مااقدر اخونك مع اي احد ابدآ وقلبي عجز ينساك لكن اصبري لي شهر كذا وارجع كل شي زي قبل واحسن واخطبك من عمي واخذك عروسه لي
ريم :ضحكة ونزلة راسها عل صدره ماعاد فيني صبر
نايف:ياعيون نايف هانت هانت
دقت ساره الباب والدله بيدها
خافت ريم من ان احد يشوفهم وتوترت وش اسوي
نايف :عيوني تعالي هنا وماعليك من احد انا بقول فيه رجال معي خليك هنا وخبا ريم ورى الباب فتح الباب واخذ القهوه من ساره لااحد يدخل فيه رجال هنا
ساره ماكانت مهتمه ابدا ورجعت ودخلت المطبخ شافت قمر جايبه فناجيل الحريم اخذتها منها ارتاحي ياروحي انتي
قمر:والله طفشت هناك ابجلس معكم هنا
لمى :ماالومك الصراحه
ساره:لمى خلاص عيب تقولين كذا
لمى :ماقلت الا الصدق محد متحملهم
قمر:انحرجة انو دخلت في نقاش بينهم تمام بروح عند خالتي
وطلعت وهي فيها غصه وشافت الريم بنت عمهم طالع من قسم الرجال وهي تضحك واستحقرت قمر ودخلت
قمر طنشتها وعرفت انها كانت عند نايف ورجعت جلست عند الحريم
الريم :دخلت عل البنات بالمطبخ هاي ياحلوات وش تسون
لمى :بكره نلعب تلعبين معنا
ريم:لمو اشدعوه ليش معصبه وحضنتها مين مضايقك ليكون العله الي داخل مادري ليش مسمينها قمر وعععع تحرر
لمى :بعدتها لا مضايقني وجودك ياقلبي ولاقمر اسم على مسمى ليكون مو عاجبك بعد ولالحظه ليكون تغارين منها
ساره:لمى خلاص
لمى:لابس حبيت ارد على كلامها لااني مستحيل اسكت ابدا للمعلوميه واذا انتي جايه بتساعدينا فا المساعده الوحيده الي نبيها منك تروحين تجلسين للين وقت العشاء بس واستحقرتها ومشت
ريم:ليش وش مسويه انا ليش تتكلمين معي كذا وبدموع التماسيح وهي تبي تتقرب من البنات وهم مايطيقونها بس غارت من علاقتهم مع قمر الي مالها الايومين معهم
ساره:وهي ماله منها ومن حركاته الي مستحيل تمشي عليها اعرفي تكلمي مره ثانيه قمر خط احمر زوجت نيوف ولانرضى عليها تمام حطيها حلق بأذنك
وطلعت وخلتها ريم مسحت دموعها وطلعت لمغاسل تصلح شكلها كلكم ماتهموني يهمني نيوف مقتنع فيني ويحبني وحتى الحيه هاذي بيطلقها وبيتزوجني اخخخخ بس متى يجي هاذا اليوم الي غصب عنهم يحترموني
ساره:دخلت مع لمى وجلسو يسولفون مع قمر عشانها طفشت
قمر:وهي تهرب بعيونها عشان دموعها ماتطيح وتحاول تضحك ومن داخلها ناار ماهي قادره تتحمل كيف بيوم وليله انقلبت حياتها
لمى :اصب لك شاهي معي
قمر:ااي ياروحي
لمى اخذت ثلاجة الشاي وجلست مع قمر يسولفون ويتقهون وضحكهم واصل اخر الدنيا
ريم انقهرت وهي تحاول تجذبهم لها بكل الطرق بس مافيه امل ابدا
نمر :بأعلى صوته ينادي على ساره
ساره قامت بسرعه وش فيك مهبول وشذا الصياح
نمر:وين العشاء ليه ماتخلصونا من هاذا العله بسرعه تكفون
لمى:حبيبي خمس دقايق ويخلص العشاء والله حتى احنا على احر من الجمر نبي الفكه
ونمر:شاف ريم مع نايف وجن جنونه ليش يسوي كذا وشافه مبسوط ومستانس ويضحك ولاكأنه مسوي شي غلط
وجلس ينتظر العشاء معهم بالمطبخ ويجهز معهم
وجت ريم مسويه ماسمعت صوت نمر ودخلت المطبخ وصاحت يمه نمر هنا
لمى ونمر انجنو طلعت لمى يعني ماسمعتي صوته هاه انا وش قلت مانبي منك شي روحي اجلسي
ريم:مسكت لمى بيدها لمو ليش انتي كذا معي
لمى :اذا عدلتي حراكاتك بعدل اسلوبي معك بس تراك واضح وكل هدفك واضح واقسم لك بالله لو على موتي ماتاخذينه بس دزي
ريم:وش قصدك من اخذ
لمى:أصلن مابقى رجال ماتلصقتي فيه الى ذي الدرجه انتي رخيصه
ريم:احترمي نفسك وتكلمي عدل ولا والله لقول لعمي
لمى:قولي لعمك انتظر انا هاذي الحظه بتكوني وفرتي الوقت علي
ودخلت المطبخ
ساره:لمى خلاص زودتيها خلاص
نمر:وهو مقهورلا خليها تربيها اذا هي مو متربيه
ساره:وش تقول انت بعد
نمر:شفتها قبل شوي مع نايف
ساره ولمى :وشو مع نايف
نمر:اي بس قصرو صوتكم انا ابغا اشوف وش نهايتها والله انها تحلم تاخذ نايف
ساره:المشكله نايف يحبها ومره وقمر مايعطيها وجه وسمعته يوم كلم ابوي اليوم وقاله يعزم عمي محمد طلع عشان ريم مايقدر بدونها
لمى:مدري وش شايف فيها اللهم انكان سحر فأبطله
نمر:هههههههههههههههههههههههههههههه جيبي جيبي الصحن من وراك
خلصو العشاء وتعشو وطلع عمهم محمد وعائلته كلهم راحو
نايف جالس عند النار ومبتسم ويمسك شنبه
نمر:وش مسوي انت اليوم
نايف:وهو مبتسم ماني ناقصك تكفى حل عني خلني في حالي
نمر:بغضب كيف اخليك بحالك وانت وريم اليوم وش مسوين همم
نايف:وش عليك هاه جاي تحاسبني انت حاسب نفسك اول
نمر:انا مااعمري سويت سواياك انا ماعمري تقابلة مع غزل اوقربة منها انت والله ماانت رجال وكل هاذا كذب ومافيه حب ابدا
نايف:ايش قاعد تقول انت وش دخلك انت فيني
نمر:لاتجلطني انت متزوج ومتخاف ربك وراك اخوات وزوجه كيف تقابل وحده ماهي حلالك ولامحرم لك سود الله وجهك
نايف :مسك نمر مع ياقة ثوبه احترم نفسك يانمر احترم نفسك وانا اعرف وش اسوي وصوتك تقطعه سمعت
نمر:معاد تحمل وعطى نايف كف من قوته طاح بالأرض ورجع مسكه ان ماتعدلت يانايف ورب البيت الااكسر وجهك
نايف:من الصدمه ماسك وجهه وقام ومسك نمروكان بيضربه لكن نمر من قهره رجع صفق نايف مره ثانيه نايف قام على طول طاح في نمر ضرب وكان صوتهم يسمعه الي بأخر الديره
قام ابوناصر وطلع عل صوت وشاف نمر ونايف يتضاربون قدامه لااول مره بحياته واخذ العصى وجلدهم الأثنين للين فكو بعض وكلهم دم وجيهم مخشات وكدمات
ابوناصر:ماتستحي انت وياه هاذا كبركم وباقي تتضاربون
اانقلعو من وجهي انا اربي حمير ماربيت رجال
طلع نايف وهو معصب وركب سيارته وراح للعزبه
واما نمر الي طلع يمشي بالديره وهو مقهور حتى لو مو اخوه وشافه مع بنت ومو محرم له قتله وطلع للجبل الي بكل مره يتضايق يطلع له
------
part5
