part5
-----
بعد مرور ١٥يوم من يوم جات قمر لبيت نايف
ونايف من ١٥يوم مختفي
نمر:يالله بنات استعجلو
ساره:يالله طالعين
لمى :الله من زمان عن المولات والاسواق
وطلعو كلهم وركبو مع نمر حتى قمر راحت معهم
نمر :اول مره تركب معه قمر وكان مستحي منها مره وماكان يتكلم اي مكان يقولون له ودنا يوديهم
رجع نايف للبيت
ودخل شاف امه وابوه متكين ويتقهون في الحوش دخل وسلم عليهم
ابوناصر:زعلان من نايف بس مايبي يضايقه ويرجع يختفي مره ثانيه يعرف نايف يمر بفتره صعبه تعال تقهوى
نايف:بروح اسلم على البنات
ام ناصر:شكلك ناسي انك متزوج وانا امك البنات ماهم فيه بس تعال للقهوه
نايف :وين راحو
ابوناصر:راحو مع نمر لسوق
نايف :وقمر راحت
ام ناصر:اي راحت وش عندك
نايف :كيف تروح من دون تستأذن
ام ناصر:انت أصلن رديت عل الجوال او سئلت عشان تحاسبها
نايف:المهم ماعلي منها انا جاي ابغا اكلمك بموضوع
ابوناصر:وهو شوي ويذبح نايف خلاص انقهر من اسلوبه مع قمر وهو يعدها من بناته اسمع اول شي اسلوبك هاذا لاعاد اشوفه مع قمر فاوالله لاانت ولدي ولاانا ابوك اعنبوك انا ماربيتك عل كذا
نايف:انا اسف يبه بس منضغط شوي
ابوناصر:حتى لو تنفجر وتموت بطقاق بس ماتحط حرتك بقمر
نايف:يايبه ايش فيك والله ماعمري غلطت عليها ليه تحسسني اني غلطان وش سويت لها
ابوناصر:يكفي الي شفته وسمعته منك انتبه لكلامك واسلوبك
نايف:طيب اسمعني يبه
ابوناصر:اسمعك قول
نايف:ابغا ريم بنت عمي محمد على سنة الله ورسوله وقمر ماعندها مشكله قد كلمتها وعادي عندها
ام ناصر:وشو مهبول انت
نايف:يايمه ماني مهبول وتعرفين اني احب ريم وابغاها واذا قمر راضيه ليه انتي ترفضين
ام ناصر:وهي ماتحب ريم ابدا لا تخسي ماتاخذ على قمر احد
نايف:وليه اخسي وش فيني انا مااخذ عليها
ام ناصر:انتهى الكلام قمر وبس
ابوناصر:اذا جاة قمر تكلمنا بالموضوع
ام ناصر:ولاكلمه اسمعها قدام قمر والموضوع ذا انساه
ابوناصر:لا اذا قمر ماعندها اعتراض تبشر بكل حقوقها وعادي
ماهو حرام
نايف :انبسط من كل قلبه ان ابوه وقف معه لكن زعل على امه انها ماهي راضيه عليه بس بيرضيها مع الوقت
ام ناصر قامت لاانتو انجنيتو ودخلت البيت وهي تبكي على حظ قمر الي طيحها بيد نايف الي مايدري عنها وهي زي القمر فعلآ
وصل نمر ودخل الحوش وشافونايف موجود
قمر:شهقت وهي بسياره مع نمر اول ماشافت نايف يمه نايف هنا والله ان يذبحني
سمعها نمر وجن جنونه هاذا يعقب يسوي لك شي هاذا مايقدر في نمله والله ثم والله لايمد يده لااكسرها ولايطول صوته لااقطع صوته ماعليك منه
قمر استحت من نمر ونزلت دموعها بحرقه ان نمر يحميها من زوجها
وقف نايف :وهو بيجن جنونه يوم شاف قمر رايحه مع نمر
نزل نمر اخيرآ دليت بيتك يالغالي
ابوناصر:والله لوماتنهون هاذي المهزله فالاانا ابوكم ولاانتو اولادي الحين قدامي تسلمون عل بعض واعتذر يانمر من اخوك الكبير واعتذر يانايف من اخوك الصغير بسرعه
نمر تقدم وباس راس نايف ونايف باس راس نمر واعتذرو من بعض واجلسو مع ابوهم
نايف :انا بروح داخل
نمر :مسكه مع يده وبنبرة تهديد قمر لااسمع انها تشتكي منك ولااسمع صوتك يطول عليها سمعت
نايف :ضحك ومشى لاان قمر ماتهمه ابدا
دخل وسلم عليهم وجلس معهم مشالله صايره تطلعين وترجعين
قمر:ماردت عليه وطنشته لاانه تكلم قدام اخواته وامه
ام ناصر :ولاكلمه زياده سمعتني
نايف :باس راس امه تكفين يمه لاتزعلين علي
ام ناصر:قم اقلب وجهك
وقمر مطنشه كل الي يصير قام نايف وطلع وشاف نمر وابوه جالسين ويسولفون وطلع جلس معهم هنا نمر ارتاح ان ننايف ماسوى شي انا استأذن بروح للأستراحه
نايف :يبه بنادي لك قمر الحين واسئلها وهي بتجاوبك
ابوناصر:وش فيك مستعجل
نايف:يبه انا انتظرها من زمان ابغا ريم وقمر موافقه ومابقصر معهم الثنتين
ابوناصر:ناداها ونشوف
نايف :ارسل لقمر تجي عند ابوه في الحوش
قمر طلعت ومعها ساره ولمى وهم يسولوفون ويضحكون
ابوناصر:ارحبو ارحبو يابناتي عساكم انبسطتو
قمر:اي والله ياعم انبسطنا وغيرنا جو
نايف :وده يقوم يصفقها لكن ماسك نفسه لاانه مستحيل يمديده عل بنت زين اجل انكم انبسطتو
قمر:طنشته وهو تذبحه هاذي الحركه مايحبها ابدآ وانت ياعمي كيفك
ابو ناصر:انا بخيردامكم بخير
نايف :خل ندخل بالموضوع يايبه قلت لزم تاخذ راي قمر وهاذي هي اسئلها
ابوناصر:انت الي اسئلها ماهو انا
نايف :قمر هل انتي راضيه اني اتزوج ريم
قمر انصدمة كيف بكل جرائه حتى ماسئل انتي بخير ولالاا تحتاجين شي ١٥يوم والحين جاي يسئلها هي راضيه يتزوج تجمعت الدموع في عيونها من قساوت الشعور الي حسته رفعت راسها وهي تحاول انها ماتبكي ابدا لاانه مايستهال طبعآ موافقه ولايهمني هاذا الشي هاذا شي راجع لك وانا مالي دخل فيك
نايف:ضحك شفت يبه ماهي رافضه هي الي موافقه
ابوناصر:يابنتي عادي عندتس
قمر:واكثر من ماتتخيل عادي مايهمني هاذا الشي هاذا قرار وراجع له
ابوناصر:انصدم وبدا يشك في علاقتهم زين زين يصير خير
نايف:يالله الحين نروح لهم ونخطبها تكفى
ابوناصر:يالله وانا ابوك
نط نايف بسرعه وراح يكشخ ويلبس عشان يروح يخطب ريم
البنات يدقون قمر ويلقصونها عشان ترفض وقامو دخلو داخل
لكن لفت لهم وهي تضحك وش فيكم
لمى :مجنونه انتي كيف توافقين
قمر:ابدا الموضوع يخصه هو ليش ارفض
ساره:انتي متأكده ان عندك احساس أصلن
قمر:ببرود قتل احساسي اخوكم خلاص صار معادد يهمني اي شي ابي الفكه منه وبس
ساره:شكلكم متزاعلين هاه
قمر:لاياروحي مو متزاعلين بس من اول ماتزوجيني قالي كذا قال انا احب ريم واخوكم رجال قد كلمته بروح اشوف له لاانه بيطير من الوناسه الحين
لمى :وهي تبكي من قساوت نايف عل قمر والله ماياخذها والله لوعلى جثتي هاذي وصخه
قمر:مسحت دموعها وحضنتها لمو عجزت فيه خلاص اهو مو مقصر معي خلاص
ساره:انفجرت كيف مو مقصر معك وهو ١٥يوم ناطلك هنا ورايح ولادراى عن هوى دارك لا معليش انتي تهمينا اكثر منه اليحن انتي اختنا
قمر:سوسو تكفين انتي اكثر وحده تفهمني
ساره:اي عشان كذا فاهمتك صح لكن انتي كفو والباقي علينا خليك كذا
قمر:نيوف ماغلط بالعكس اهو وقف معي كثير ولاانسى له هاذا الشي انتو ماتعرفون عن الي بيني وبينه
لمى:حتى لو مسوي المستحيل لك مستحيل اصدق نايف طاح من عيوني بس روحي له وبكيفكم
قمر:برجع افهمكم
لمى:وش تفهمينا ياروحي انتي
قممر راحت دخلت الغرفه ونايف من الوناسه حضنها وباسها على خدها جميلك ماانساه قمر دفته بكره بعد ولاعاد تعيدها
نايف:بعد ابشري من عيوني معاد اعيدها بس كيف شكلي تكفين
قمر:وقفت قدامه وناظرت بعيونه ممكن تكون جميل لكن بعيوني اسواء رجل بالعالم واقبح رجل وابتسمت
نايف:انصدم من كلامها قمرايش فيك انا مفهمك كل شي
قمر:ليكون تحسست الحمدالله طلع عندك احساس وقفت وعيونها بعيونه تصلح شماغه الله يوفقك يانايف بحياتك مع ريم وحياه سعيده يارب بس ابي أهلي خلاص انا وانت الين هنا وانتهينا
نايف:اهتز داخله كله من اول مااستقرت عيونه بيعونها وارتجف من نظرتها واحتر جسمه وحس بخنقه مايدري وش هاذا الشعور الكن عجز يشيل عيونه من عيونها وسكت ابدا مارد عليها بولا كلمه جلس يناظرها وبس
قمر:عطرته وبخرته بالعوده يالله موفق ياعريس
طلع نايف وهو باقي عايش على نظرته له وكلامها له وطلع وركب مع ابوه وهو كل تفكيره في قمر دخلو على عمهم وابوه يكلمه في ريم ونايف مو معاهم ابدا
العم محمد:هانايف تبي اليوم النظره الشرعيه ولابكره
نايف :فز من تفكيره هاه لا اليوم ولاحس بأي مشاعر داخله ولافرح ابدآ وهوكان بيطير من الفرحه يوم وافق ابوه وتذكر كلام نمر انه مستحيل يكون حب هاذا ودخل وشاف ريم ولاطلع منه اي ردت فعل بس سرحان ويهوجس مو معهم
ريم:دخلت ومن الوناسه بعد ماطلع ابوها ووخلاهم لحالهم قامت وحضنت نايف بقوه وفز نايف من حظنها له
ريم:نيوف ايش فيك الى هاذي الدرجه مستحي ابوي طلع
نايف :هاه اي
ريم:فيك شي
نايف :لابس مصدوم ان كل شي مشى بسرعه
ريم:لكيون مو مستانس
نايف:ضحك وحضن ريم كيف مااستانس وهاذا اجمل يوم بحياتي
استغرب انه قاعديسلك ومافيها اي مشاعرحقيقيه ابدا من داخله عكس يوم قربت منه قمر حس نفسه بينقطع مايدري وش يسوي وبعد ريم خلاص كذا وانشالله تتم الأمور على خير
ريم :استغربت ايش فيك كأنك مجبور
نايف :سلامات مجنونه انتي انا نايف من يجبرني يالله استودعتك الله انتبيهي لنفسك
ويم:وهي مومرتاحه لنايف طيب
وطلع نايف وهو حتى مستغرب من نفسه مايدري وش صارفيه من بعد حركت قمر وكلامها حركة كل خليه بجسمه وصحصت بنايف يوم قالت توديني لأهلي رجع البيت على طول ومسك قمر بالغرفه
انتي وش قلتي قبل اروح
قمر:ضحكت وش فيك قلت الله يوفقك
نايف :لا قلت بتروحين لاااهلك
قمر:اي خلصت السخافه حقتك واخذت الي تبي وبكذا اكون رديت لك الجميل ويالله ودني لااهلي لااني مستحيل اتحملك انت وريم زياده
نايف :اي تمام يصيرخير
قمر:متى تحجز لي ولك لاانك بتروح معي انت وخالتي وتقولون كل شي لااهلي
نايف:بقولك اذا خلصت وفضيت وقام بيطلع بس مسكته قمر بيده
لف لها وهو يحس بشعور بيقتله من داخل مايدري وش صاير معه بس يبيها تنسى موضوع الروحه لااهلها
قمر:كيف اذا فضيت غصب عنك تفضى وتوديني بكره تمام
نايف:وهو يناظر بعيونها ابشري لكن انا بروح للعزبه اليوم
قمر:خذني معك بروح اخذ اغراضي
نايف :لا بجيبها
قمر:لا ابغا اروح انا اخذها اغراضي ماابيك تقرب من اي شي يخصني
نايف :بجي بعد العشاء اخذك وتروحين تاخذينها وطلع وهو يبي يهرب منها بس حس انه طاح ومحد سمى عليه حس بأحساس غريب ولاعمره حسه حتى مع ريم الي كان يتوقع انه مهوس فيها وهو بس كان يتوهم حبها
وطلع وهو يفكر وطلع للجبل الي كل ماضيه فيه وطلع يفكر ومافي باله اي شي وكأن تفكيره موقف عجز يفكر بشي
نزل من الجبل مايدري وش بيسوي عشان يخليها تجلس اكثر معه
دخل البيت وشاف قمر تسولف مع البنات بالحوش وقف يناظر فيها ومايعرف وش السبب وقف وهو يحس انه من داخل مايحس بأي شعور غيرانه يبيها ومايبي يبعد عنها ابدا
قمر بضحكتها الي اخطفت قلب نايف بكل مره تضحك فيها
نايف وقف وهو صدره ينزل ويرتفع وهو يناظرها
قمر كانت لبسه فستانها الأسود الشتوي وانفتن فيها بهاذي الحظه وقرر انه فعلآ ياخذها ويروحون للعزبه هناك بيقدر يتحكم فيها
نادا عل قمر اجهزي وتعالي انا بسياره انتظرك
قمر:ميلت فمها وقامت من عند البنات ودعتهم وهي قايله لهم كل السالفه
ساره:قمر انتبيهي لنفسك تكفين
قمر:ياعيوني ابشري
لمى:استودعتك الله ياروحي انتي 😭
قمر:عاد انتي ياام دمعيه ليه الدموع بجيب اغراضي وبجي بس
لمى وساره الي يعرفون نايف مستحيل يجي اقل شي اسبوع راح تجلس بالعزبه الله يحفضك
ودعت عمتها وعمها الي صارو مثل امها وابوها بالنسبه لها
وراحت لبسة عبايته وطلعت لنايف بالسياره
نايف:ساعه انتظر حظرتك
قمر :ماردت عليه وفتحت جوالها تناظر فيه
نايف :عصب وسحب الجوال من يدها انا اكلمك ليش ماتردين علي هاذا الأسلوب انا اكرهه تدرين
قمر :وش تبيني ارد عليك وش اقول هاه
نايف :اذا سئلتك تجاوين ماتسفهيني
قمر:نايف انت ماسئلت عشان اجاوبك انت تهاوش بس
نايف: يوم سمع اسمه منها ذاببب صوتها لحاله يخربط اعداداته ونسى السالفه كامله مره ثاني ردي علي
قمر :ارتاح ماراح اغثك زياده بروح وانت استانس بحياتك
نايف :فيه عزة نفس موطبيعيه حتى لوبتروحين لاتسفهيني كذا وماتردين وبعدين مافيه روحه الحين بكره عندي دوام والأسبوع كامل بعد
قمر:مايهمني احجز لي وانا بروح موضروري تروح معي خلاص بروح وأقول لااهلي كل شي بتفصيل
نايف:مستحيل تروحين من دوني سمعتي
قمر:نايف انت ماوصلت للي تبيه وش باقي تبي فيني ليش متمسك فيني وانت ماتبيني وش علتك
نايف :اهتزكل شي بداخله بعد كلامها الي الجمه عجز يرد عليها وصل للعزبه وهويسوق بسرعه جنونيه لاانه فعلآ معاد يقدر يتحمل وصل ونزل بسرعه وطش المفتاح عل قمر ادخلي ولاتطلعين شي مافيه روحه اليوم كلامي واضح
قمر:دخلت وهي مقهوره الله ياخذك وتبكي وانهارة عجزت تسكت عجزت
ونايف الي طلع وهو مايدري عل وين يمشي شوي وجاه اتصال من رقم غريب قفل ورجع يكمل مشي دق مره ثانيه واعطى مشغول ودق مره ثالث رد هلا وهو تكه وينفجر بس سمع صوت ريم وهدا
ريم:نيوف ادق عليك ماترد ايش فيك
نايف:لبيه ياعيونه مافيني شي ياروحي بس متضايق اليوم شوي تعرفين مشاكل عائليه
ريم:نيوف انت خلاص ليش ماتخلي قمر تروح الأهلها خلاص صلحت كل شي وصلت للي تبيه
نايف :ماادري اناخابف من ردت فعل أهلها
ريم :وهي شوي وتموت من الغيره وش عليك من ردت فعل أهلها
مايخصك
نايف :كيف مايخصني انا الي بوديها وبقول لهم السالفه مجنونه انتي البنت الحين على ذمتي
ريم:ترى سهله يانايف كلها ورقة طلاق
نايف :تنرفز من كلمتها خلاص خلي هاذا الموضوع عل جنب كيفك انتي
ريم::الحمدالله اليوم اسعد يوم بحياتي اخيرا راح نكون مع بعض
نايف :الحمدالله وصلنا الي نبيه باقي انشالله الله يتمم علينا ونعرس واخذك معي ونهرب من هاذي الديره خلاص معاد اطيقها
ريم:ياروحي مرره متحمسه
نايف:شاف قمر طالعه من الخيمه بسرعه وتدور بعيونها عليه
ريوم انا مشغول الحين اذا فضيت بدق عليك انتبهي لنفسك
ريم:تمام حياتي احبك
نايف:وانا بعد يالله استودعتك الله
ودخل الجوال بجيبه وراح ركض لقمر ايش فيك قمر وعيونها بتطلع من مكانها ودموعها وجسمها الي يرجف كله فيه فيه حيه داخل الخيمه وكانت كانت جنبي وتبكي
نايف :اخذ عصا ودخل الخيمه
قمر:نايف انتبه تكفى انتبه
نايف :ناظرها لاتخافين علي ياقمر
ودخل نايف وذبحها وطلعها برى الحين تطمني معاد فيه شي
قمر وهي ترجف دخلت الخيمه عادي تشب النار
نايف :ابشري الحين وهو يبي يقرب منها يبي يحضنها يبي يسمي عليها بس هي ماعطته مجال ابدا تبعد عنه في كل مره يجي مع طريق ترجع هي مع الطريق الثاني
نايف :شب النار وجلس حولها وهو متلثم بشماغه وجالس يفكر ويهوجس وقال خلاص بكره اوديها لااهلها واقول كل شي
ولااعذبها واعذب نفسي زياده معهاوناداها قمر تعالي اعرف انك مو نايمه تعالي ابيك
قمر :وش تبي
نايف :تعالي اول هنا
قامت قمر وجلست بلجهه الثانيه هم وش بغيت
نايف :تنهد وهو يناظر بنار معاد يبي يناظر فيها وهو من داخله زي النار الي قاعد يشوفها اسمعي ياقمر بكره خليك جاهزه العصر بنسافر لأهلك وبنقولهم كل شي
قمر:فرحت من جد وابتسمت ودموعها عل خدها حتى وهي فرحانه
نايف :رفع عيونه وشافها وتمنى انه ماشافها كذا فرحانه انها بتروح من عنده وهو بيموت من الضيقه اي خليك جاهزه العصر ورانا خط ١٠٠٠كيلو
قمر:جاهزه أصلن ماابي اخذ اي شي ابي اروح زي ماجيت
نايف :لا بتاخذين كل أغراضك سمعتي
قمر:تمام باقي تبي شي
نايف:وهو خاطره يقول ايه ابيك انتي ولكن مايقدر سلامتك
وهو يحس بلخبطه يحس انه في حالة صدمه هو يحب ريم ويخاف يظلم قمر اكثر وشعور يقول لاتخلي قمر دخل بفراشه وهو يدعي انه يجيه نوم ويهرب من كل هاذا التفكير
وبعد معاناه ٤ساعات قدرينام
------
part6
