part6
------
في عزبة نايف الساعه ٣العصر
وصل نايف لبيت أهله هو وقمر بعد مااخذت اغراضها من العزبه
نزلت قمر تودع أهل نايف وهي تبكي ومايدرون ليش قمر تبكي مايعرفون ان نايف بيطلقها وبتنتهي الحكايه
دخلت قمر الغرفه ودخل نايف اخذ الشنط بيركبها ورجع باقي فيه شي
قمر:أي في هاذي بس هاذي لا تركبها هاذي لك انت هاذا الذهب الي اشتريته لي ماقصرت لكن الحين اعطه زوجتك ريم وهي تحارب دموعها ماتنزل
نايف:هاذا الذهب لك ماشريته عشان اخذه منك
قمر:وانا ماقبلت فيه عشان اخذه معي هاذا لك لزوجتك مو لي
نايف:عصب هاذا لك وانتي زوجتي محد غيرك الحين عشان تقولين اعطيه زوجتي ماعندي الاانتي فهمتي وبتاخذينه ويالله قدامي
قمر:بضحكه مستحيل اخذه لواموت مااخذته وهذا هو هنا ونزلت عل السرير
نايف :﮼اخذه وطلع يالله امشي
ركبت قمر لسياره وطلعو من الديره وداخلها نار وبكيه تبي تطلعها ماتدري وش بتكون ردت فعل أهلها ماتدري كيف بتدخل البيت وابوها موموجود ولاراح يكون موجود ودها تفضفض وتتكلم مع نايف بس ماتقدر مشونص المسافه وقمر تبكي وقف نايف جنب ونزل وراح لها من عند بابها
نايف:قمر وش فيتس ليه البكاء هذا كله من يوم طلعنا من الديره وانتي ماسكتي
قمر:مادري كيف بقابل أهلي مدري كيف بدخل البيت وابوي مو فيه
ماادري أهلي وشصار معهم من بعدي مليون سؤال براسي
نايف :باقي ٥ساعات ونوصل وتعرفين الأجوبه انا تعبت خلاص وقفي بكى
ورجع كمل طريقه ولاطلع منه ولاكلمه مكان يعرف حتى هو ليش وهو الي يبي كذا مايدري يبيها اومايبيها ترجع لأهلها مايردي وش مشاعره ماهو متأكد
وبعد٥ساعات وصلو لبيت أبوصقر
قمر:وهي تنهت نايف مقدر مقدر
نايف :بسم الله عليتس قمر أهلك هذولاء مستحيل يسوون فيك شي
قمر:ابوي مو فيه مااقدراتحمل هاذا الشي
نايف:قرب وحضنها وهو مايدري يهدي نفسه ولايهديها معادعرف خلاص اهدي وانزلي لااهلك وقولي لهم كل شي وانا موجود هنا
قمر:لاتنزل ابدا انا بقول لهم كل شي وانت خلاص روح
نايف:يوم سمع كلمة روح منها كأنها ذبحته تمام يالله بس رقمي عندك اذا بغيتي شي قولي لي
قمر:أبي منك شي واحدبس
نايف:امريني وش بغيتي
قمر:ورقة طلاق وبس
نايف:يصير خير يصيرخير
ونزلت قمر ودخلت عل أهلها وشافت امها بالحوش وراحت ركض أمي أمي وهي تنادي بس أمي أمي
ام صقر:شهقت شهقات ورى بعض وعجزت توقف قمرقمر قمر بنتي وطاحت قمر بحضنها وعجزت تفكها وجلست بحضن امها ٣ساعات وهي تبكي واخوانها واخواتها مجتمعين عليها ويبكون معها جلست تناظر بالبيت راح ابوي راح 😭😭😭
صقر مسكها وحضنها بقوه قمري لاتبكين تفكين خلاص كفايه الي مر عليك انتي بخير هاذا اهم شي
قمر:من قال اني بخير انا ماني بخير ابدا ولاراح اكون بخير
صقر:رجع حضنها حقك والله لااخذه من ظهورهم انتي وابوي والله مااخلي لكم حق سمعتيني
قمر:صقر بابا كيف مات اذبحوه وش سوو فيه اخذوني منه ولاعاد عرفت الاانه مات وروني صوره وصورلكم من المقربه
صقر :جلس وقال لها كيف ابوه مات وسئلها عن كل شي من يوم اختفت الين اليوم هاذا الي ارجعت فيه
وقمر:قالت كل شي بالحرف الواحد بس ماقالت ان نايف استغلها
ابدا كانت تمدح نايف وانه تزوجها عشان بس يقدر يوديها لأهله لان اهله ماراح يصدقون اذا جابها كذا وهي موزوجته وانها جلست مع اهله الين خلص شغله واخذها وجابها وامه وابوه مايقدرون يسافرون بحكم انهم كبار في السن ومن داخل قلبها ينعصر
صقر:وينهو نايف هاذا ليش نزلك وراح
قمر:يبيني اخذ راحتي واقول لكم كل شي بعدين يجي يتكلم معكم
صقر :تمام ياروحي انتي اهدي وارسلي لزوجك خليه يجي
قمر:تمام وارسلت لنايف وقالت له يقول نفس كلامها
نايف:انصدم انها قالت شي هو ماسواه وماكان كفو يسويه كان بس يستغلها وهي تزين سمعته عند اهلها انجن ورد عليها ابشري جايكم
وصل نايف وقابله صقر ونواف عند الباب ارحب ارحب اقلط الله يحيك
نايف:الله يبيقيك ويسلمكم دخل سلم عليهم وهو واثق من نفسه لاانه ماسوى في قمر شي ولااذاها ابدا تقهوو وتعشو وشكروه صقر ونواف عل الي سواه من جميل مع اختهم
نايف:قمر اختكم والله ماعديتها الااختي ماعديتها زوجه لي ولابعدها زوجه لي الين اخطبها وتوافق براضا أهلها وبرضاها
صقر:انعجب بشخصيت نايف ونعم والله ونعم وبيض الله وجهك واختي حلالك الين تموت ولاعندها اعتراض ابدا
نايف:كلمو اختكم وشوفو رايها اكان انها موافقه انا ماعندي مشكله لكن لااحد يقول لها شي الحين خلوها ترتاح والله انها تبكي من يوم طلعنا من الديره خلوها تنبسط برجعتها وبأهلها وبعدها قولولها واذا مافي خاطرها تكمل تبشر بالي تبي
صقر:على خشمي لكن انت نام عندنا الين الصباح
نايف:لا والله بسري عندي دوام بكره ولزم اروح معاد فيه وقت والله يحفضكم ويكثرخيركم ماقصرتو
نواف:ولله ان نبطي مانرد جميلك ياشيخ جعل ربي يحفضك دام عندك دوام
نايف:اي والله ان عندي دوام وفي امان الله
طلع نايف من حارة قمر وهو يحس بضيقه تخنقه الين نزلت دموعه وهو مايحس فيها يحس بنار تغلي داخله وعاجزيطفيها ولاشي قدر يطفيها وبعد ٧ساعات متواصل بطريقه لديره وصله اتصال من ريم
شاف رقمها وقفل جواله كامل ماله خلق احد مايبي اي احد وصل للبيت بعد اطول سفره بحياته نزل وهو بالقوه يمشي أصلن وصل ددخل غرفته هو وقمر وطاح عل السرير ومايسمعون الا صوت شهقاته بكى بكاء طلع كل الي بداخله اهههههه اههههه ياقمرحتى ريحتك باقي بالغرفه كيف تبني انسى كيف وحضن المخده وهو يبكي الين نام ماحس بنفسه ولاشاف كم الساعه يتذكر انه صلى لظهر والعصر الساعه١٢ومن بعدها نام وماصحى الا١٢اليل وصحى وهو يقول يارب ان كل شي صار حلم واصحى واشوف قمر والله مااطري ريم ومااخذها بس تكون موجوده ولف يمين يسار وتأكد انه مو بحلم وقام توضى وصلى للمغرب والعشاء وجلس يبكي ويدعي عل سجادته
-----
وقمر بالجههه الثانيه نفس وضع نايف دموعها ماوقفة من يوم راح ومن يوم نزلت عند أهلها وهم يهدونها اجتمعت عليها من كل مكان
وعجزت توقف دموعها انسدحة بحضن امها وبعد مانامت امها قامت تتسن وجلست على سجادتها تبكي وتدعي وكل تفكيرها بنايف هل هو وصل واخذت جوالها ودقت على ساره
ساره:ارحبي مليون
قمر:الله يسلمك كيفك ياروحي
ساره:تمام الحمدالله كيفك انتي وكيف أهلك كلهم
قمر:الحمدالله تمام سوسو نايف وصل لكم
ساره :لاماشفته ماجانا
قمر:شوفي يمكن بالغرفه
ساره:طلعت وراحت دخلت غرفتهم وشافته حاضن المخده ونايف
اي موجود بالغرفه وبسابع نومه
قمر:ارتاحت بس انقهرت انها تبكي وحزينه عليه وهو حتى مافكر فيها نايم ولاطمنها انه وصل بس قاطعة تفكيره اانا الي قلت له يرسل ورقة طلاقي والحين ابيه
وجلست عل سجادتها الين الساعه١٢بعدين راحت نامت
-----
صحى نايف اليوم الثاني وطلع الفطور مع امه واخواته وابوه
نايف:صباح الخير وباس راس امه وابوه وهو متلثم بشماغ وصوته كأنه تعبان مبحوح مره
ابوناصر:صباح نور ليكون مرضت
نايف:شكلي وهو يحس قلبه يتقطع بسكين وجلس وهو يحارب دموعه الي كانت مستحيل تنزل وصارت تنزل من دون يرف له جفن وهو يتصدد عنهم عشان مايشوفونه
ام ناصر:كيف قمر وأهلها
نايف :اخنقته العبره وقال طيبين كلهم الحمدالله من داخله يتمنى يعرف كيف قمر
ساره:وانت مشالله لااحساس ولاضمير قمرماتت من خوفها عليك وانت مقفل جوالك وبسابعه نومه ولاجا في بالك تطمنها انك وصلت
نايف:فز قلبه يوم سمع كلام ساره دقت عليك
ساره:اي دقت يعيني وش بتسوي تموت من القلق عليك
نايف :قام جوالي طافي
لمى:شف شحناه بصاله خذه
ودخل ركض واخذ الجوال وشغل بس ماشاف اي مكالمه منها ولاحتى رساله عرف انها تبي تتطمن بس من دون مايدري
انقهر ورجع قفل جواله واخذه وطلع
ابوناصر:وين رايح ينيوف عمك حدد الملكه
نايف:يبه كنسل كل شي انا الحين تعبان لااحد يكلمني في هاذا الشي
ابوناصر:على باله يكنسل السالفه اذا قدك بخير تعال كلمني
نايف:طلع ولارد عل ابوه وطلع وهو يحس انه يسحب النفس بالقوه
وجلس عند السياره اول ماحس بدوخه وطاح عند السياره مغمى عليه جلس مايقارب ساعه مااحد يدري عنه
طلع ابوناصر:بيروح يجيب اغراض للحلال وشاف نايف طايح من طول على الأرض صاح وهو ينادي عل نمر
فز نمر الي كان نايم بالمجلس وطلع بسرعه ايش فيه
ابوناصر:نايف نايف ماادري ايش فيه
وشالوه وعلى طول عل المستشفى وصلو ونزلو نايف ودخلوه عل الدكتور وشخص حالته وطلع لهم
نمر:هايدكتور طمنا عليه
الدكتور:جلطه ومرة الحمدالله ولكن الولدمنهار واعطينها موغذي بالوريد متى اخر وجبه اكلها
نمر:ماادري والله كان مسافر وصل البارح ونام
ابوناصر:ماافطر اليوم
الدكتور:الحمدالله على سلامته اجل جت سلامات هاذي المره ولكن لزم تنتبهون له لاان يمكن تنعاد عليه مره ثانيه لزم ينتبه لااكله ويبعد عن كل شي يزعجه
ابوناصر:بحزن على وضع نايف الي كل مازانت معه من جهه ضاقت عليه من جهه الله يفرجها والحين قد صحى ولاباقي
الدكتور :إي صاحي
دخل ابوناصر ونمر:الحمدالله عل السلامه
ونايف مغطي عيونه بيده الله يسلمكم
ابوناصر:انت ناوي تذبحنا ياولدي ليه ماتاكل ليه ماتنتبه لنفسك
وقرب وهو يمسح عل كتفه الله يفرج همك وانا ابوك وكأنه حاس وش صاير مع نايف
نايف :مارد على ابوه بولاكلمه لكن يتمنى ان ابوه يحضنه ويسمي عليه لكن مافيه فايده
ونمر:قرب منه سلامتك يالحصان شد حيلك ونزلوهو يحضنه بقوه
اول ماحضنه عل طول شهق نايف بصوت عالي ورى بعض
نمر انا ولد ابوي نايف وش العلم
ابوناصر وهو يبعد نمر نايف نايف ويحاول يبعد يده من عل عيونه ولكن عجز وهو يضمه ويسمي عليه ويقراء عليه الين هداء بس حس انه طلع الي بداخله ارتاح شوي ولوانه مو مره لكن خفف عن نفسه
وبعد ٨ساعات بالمستشفى وطلع وهو ياخذ اجازه مرضيه نايف الي رجعوه دوامه بعد ماطلع بريئ وعوضوه عن كل يوم انسجن فيه
-----
قمرصحت الساعه٤العصر
وطلعت وهي نوع ما اهدا من نايف لاانها تعودت عل نايف كذا
لكن هو ماتعود وماحس بشعور هاذا الي يوم راحت قمر من يدينه
وطلعت جلست بحضن امها وامها تمسح عل شعرها وتسولف معها
نواف :تصدقين اكثر شي اشتقت له ماحارشك
قمر:ابتسمت افاا يانواف بس كذا
نواف:والله ان البيت من بعدكم مايسوى اي والله
قمر:ياحبيبي يانواف
نواف:يالله عاد قومي سوي لنا حلى مشتاقين لطبخك
قمر :شاتته برجالها همك بطنك بس
نواف :وش اسوي فاقد طبخك والحين لزم تعوضينا صح يمه
ام صقر:اي والله اني مشتاقه لكل شي
قمر:باسة راسها من عيوني الحين اسوي لكم احلى حلى
وقامت ودخلت تسوي الحلى ترافل مانجو على طلب نواف وامها
وهي تتذكر اخر مره سوته مع نايف
وجلست تفكر ونواف يسولف معها وهي ابدا مو معه كل تفكيرها بنايف
خلصت واخذت جوالها وكلمت ام ناصر واخذت علومهم وقالت لها ام ناصر كل شي
قمر:مسكتها الغصه ياخاله كلمي امي تبيك
ام ناصر:عطيني إياها وكلمتها
قمر:ودموعها الي مو راضيه توقف كلهم يفكرون انها عشان ابوها تبكي وهي بالها مع نايف وش صار عليه
واخذت جوالها ولاشعوريآ ارسلت لنايف
كيفك والحمدالله عل سلامتك
مااستلم نايف الرساله وزاد قلقها وانجنت
-------
وطلعو نايف للببيت
نايف :انا بدخل انام وكل هاذا مو نوم يبي يهرب من انه كل شوي يتذكرها بزاويه
ابو ناصر:الحين تاكل وقدامي الين تشبع
نايف:يايبه ماابيه تكفى لاتضغط علي
ابوناصر:انت وش فيك
نايف :يايبه تعبان
ام ناصر :كل هاذا بعدين نام
وجلس واكل عشان امه وابوه
ام ناصر:كلمة قمر ياولدي
نايف :غص بالأكل لايايمه ماكلمتها
ام ناصر:كلمها ياولدي سئلتنا وعلمناها قبل العصر واكيد انها قلقانه عليك
نايف :ليه يمه تعلمونها خلاص لاعاد احد يعلمها بشي
واخذ جواله ودخل بالغرفه وفتحه وهو يشوف الرسايل
رد على رسالتها (لاتسأليني عن حالي فحالي من حال قلبي وحال قلبي من حالك فكيف حالك ياكل حالي )
وطلع وقفل الجوال ونزله بجنبه ومن داخله مايدري وش ردت فعلها
قمر:على طول فتحت الرساله نايف هاه كيفك
نايف:فز يوم سمع صوت الرساله وفرح من كل قلبه انها ردت بسرعه بخير ياقمروانتي ؟
قمر:نزلت دموعها عل طول اول مره يسئلها نايف كيفها وردت تماام الحمدالله
نايف:دايم انشالله
قمر:جلست عل رقمه كذا ماطلعت تنظار الرساله وتبكي بحرقه ماتدري ايش هي بالنسبه لنايف
ونايف نفس الوضع
-----
مر اسبوعين ونايف وقمر ماتواصلو ابدا مع بعض
وانقطعت اخبارهم
طلع نايف البر مع عبدالله
عبدالله:يانايف مانتت الي على خبري وش فيك منت بخير ريم وهاذا انت خطبتها وش باقي تبي
نايف :بصوت مبحوحه وفيه غصه والله ماني بخير ولاانا قادر اعبر لااحد عن الفوضى الي داخلي ولاقادر اوصف شعوري الي اعيشه بس انام واقوم وابكي وامشي كأني جسد فارغ لاروح ولاقلب ولاعقل اجلس مع الناس ولاكأني مع الناس ولااحد يدري بحالي اضحك كأن سعادة الدنيا كلها فيني واناوالله تعبان من داخلي
عبدالله:صاير بينك انت وريم شي
نايف:ريمم الي حبيتها من كل قلبي طلعت اوصخ بنت ممكن اتخيلها كل يوم تكلم واحد وتراسل واحد والحمدالله الي انكشفت قبل اخذها واتورط فيها ونسيتها ماتهمني يهمني قمراي الغيابه عن سماي
عبدالله:قمر مو تقول انك بتطلقها
نايف :كنت اقول لكن الحين انا عشقتها ومستحيل افرط فيها
عبدالله :طيب هي ماقالت شي
نايف :لاانا ولاهي قدرنا نقول شي اخاف اسئلها ويصدمني الجواب لذالك انا ساكت اهم شي انها بذمتي
عبدالله :الله يكون بعونك
وصل احمد ونمر ونزلو واجتمعو الشباب وسوالف وضحك
واتعشو في البر وكان نايف سيد الطلعات دايم بس الحين مايدرون وش علته ساكته ابدا ويهوجس
احمد:من خذا عقلك يتهنى به وش فيك صاير راعي هواجيس
نايف:استوى والله ماني بخير يااحمد
احمد:افاا يانيوف وش فيك
نايف :قلبي يضيمني وكل مره يسئلوني كيفك اقول بخيروانا والله ماني بخير
احمد:الله يجبر قلبك ويحقق لك مبتغاك
نايف :تنهد بضيقه امين عاد استأذنكم
وطلع وهو يمشي وفتح جواله
ودخل على رقم قمر وجلس يكتب وهو مايدري وش يكتب
بس كتب" لست بخيرفقلبي يؤلمني كثيرآ ولااستطيع التنفس جيدآ تحتويني كتمه وضيقه ولايفارقان صدري وروحي وقلبي يتألمان ويحترقان ولااحد يفهم مابي صدري من ألم "انتبهي لنفسك واستودعتك الله كان فيه ضيقه مايدري وش سببها
------
part7
