ආඩම්බරකාරි

පස්වෙනි කොටස.

❌❌ සත්‍ය කතා කිහිපයක් සම්බන්ධ කර ලියන ලද මා විසින්  මනක්කල්පිත කොටස් එකතු කර නිර්මාණය කරන ලද්දකි. කෘත්‍ය අවසරයකින් තොරව උපුටා ගැනීම තහනම්❌❌❌

*                 *                 *                 *                      *

Ol සතියත් දෙවියනේ කියලා ඉවර වෙද්දි මම ඇද ට වැටිලා මුණ කෝට්ටේ අස්සේ ගහගත්තා.

හෙට ඉඳන් ලබන සතියේ පල්ලියේ මංගල්‍ය එන නිසා ඒ වැඩ වලට මට දුහන්න තියෙද්දී මම සිවිලිම දිහා බැලුවා. ඒ ඇස් මට ආයේ දකින්න පුළුවන් ! කියලා මගේ හිත කියද්දී අමුතු සතුටකින් මම හිටියේ.

ෆාදර් එක්ක පල්ලියේ වැඩ කටයුතු ටික කතා කරගෙන මම කලිසන් සාක්කුව ට අතත් ඔබාගෙන හිමිහිට එන්න පටන් ගත්තේ අලුතේන් හදපු ලූර්දු පල්ලිය පහු කරගෙන. ලූර්දු පල්ලිය පහු වෙද්දී මම ඒ දිහා බලාගෙන එද්දී ඊට පහළ තිබුණු කැළෑව ට වගේ හරියේ කවුරු හරි ඉන්නවා මට පෙනුනා.

මග ඇරලා යන්න හිතුනත් මම ආයෙම ම ඒ දිහාවට අඩි තිබ්බා මොකද්දෝ අමුතු හැඟීමක් එක්ක.

ටික ටික ඉස්සරහට අඩි තියද්දී මගේ පපුව කවදාවත් නැතුව කකියන්න ගන්නකොට මම පපුවට ගහලා සන්සුන් වෙන්න බලන ගමන් ඉස්සරහට ගියා.