بسم الله الرحمن الرحيم
..
part1
الكاتبه :مــي
----
بسم الله وتوكلنا عل الله ونبداء في روايتنا
راح يكون فيه اختصارات كثير في الروايه
-----
نبداء من عايلة بطل الروايه نايف
ابوناصروام ناصر عليهم٣اولاد٢بنات
ولده الكبيرناصر متزوج وعليه٢بنات
ولده الثانيه نايف متوضف ضابط في القوات الأمنيه
ولده الثالثه نمر مهندس طيران في الرياض
بناته ساره ولمىيكملون دراستهم ساره الجامعه وريم اخر سنه بالثانوي
ساكنين بقريه بدوعايشين في البداوه ابوهم متشدد وصارم
وشخصيته قويه مايضحك الانادر اهم ماعليه عياله وبيته وحلاله
------
عائلة البطله قمر
ابوصقر وام صقر عليهم ٢اولاد٣بنات
الولد الكبيرصقرمتزوج وعليه٣بنتين ولد
والثانيه نوف متزوجه وعليها بنت ولد
الثالث نواف متوضف دكتور في مسشتفى في جنوب المملكه
الرابعه قمر تدرس خلصت الثانوي وبدأدت دراسه اول ترم بالجامعه تخصص طب
نجمه اصغر العنقود تدرس ثاني متوسط
ساكنين في حي من أحياء جده ولكن اغلب وقتهم كانو عند اجدادهم بالديره ولهجتهم مو جداويه الأبو والام حنوني جدآ وطيبين وانعكس هاذا الشي عل عيالهم الي اخذو من صفاتهم الكثير ابو صقر
كان تعبان من فشل كلوي وكان كل اسبوع موعد بالرياض
------
كان يوم عادي جدآ بنفس الروتين في حياة نايف
صحى الصباح وكالعاده لبس بدلته وبيطلع لداومه
قابله ابوناصر :اسمع يانايف انتبه لنفسك ولاعاد اسمع عليك شي كلوني الناس بكلامهم خلك رجال وامنعني من الكلام
نايف :ابشر يبه وطلع وهو يشوف نظرات اهل الحاره له زي كل مره ينظارون له فيها كان ينقهر من كل قلبه كيف هم كذا كيف يقدرون يتهمون اي شخص ومرتاحين ليه مايحسون بالذنب
ولو بيده أحرق الديره بالي فيها من كثر ماكانو يقهرونه ويسمعونه كلام وهو عزة نفسه ماتسمح له انه يبرر لهم
نايف عنده حسسيه بعيونه من الأبل وهو من عشاق الأبل وكان له عزبه محد يعرف مكانها غيره كان يهرب لها دايمم يروح عند ابله وخيوله وكان يغير جو ويستمتع ويفتك من اهل الديره وكلامهم بعد مايخلص من دوامه
وكل مره يرجع فيها يقابلهم في المسجد ويبدون يسبون فيه السكران
جا السكران راح يوم يشوفون عيونه حمراء بس محد قد تجراء منهم وقالها في وجهه يخافون منه وهاذا يكفيه بس يسمع همسهم لبعض
ويطنشهم ويمشي راجع للبيت بينام بعد يوم متعب صاحي من الفجر
عبدالله ولد جيران ابو ناصر كان يحب نايف مره ويسمع الكلام وكان يسكت اي احد يتكلم عل نايف
نايف شخصيته جدآ كتومه مستحيل يبرر لأحد الااانه يحب عبدالله واقف معه دايم بالي يبيه بس ماكان يفضفض له ابدا
عبدالله:ارحب ارحب ياعضيدي
ضحك نايف وتقدم وحط يده عل كتف عبدالله :الله يبقيك ياحبيب اخوك
عبدالله:ياخي معاد صرت اشوفك تتغلى علي انت
نايف:لاوالله تعرف شغلي وماااطلع الامتأخر واجي اتقهوى مع الوالده واصلي للعشاء وانام
عبدالله :بضيق وهو يشوف أهل الديره يتكلمون عليهم ليكون يضايقونك بكلامهم
نايف:لو واحد فيهم رجال جا تكلم في وجهي والله لاادفنه في الأرض
يكفيني اذا شافوني سكتو واختفو من وجهي هاذا يكفيني
عبدالله:ياخي مدري كيف ضميرهم مرتاح الى هاذي الدرج حسبي الله عليهم
ابو عبدالله:ياعبدالله تعال بسرعه
عبدالله :ابشر يبه عاد اشوفك عل خيرانشالله
نايف:ضحك بغصه وانسحب من عند عبدالله ودخل وانرما في فراشه
جات ساره:وهي تدق الباب بقوه وتصايح نايف بأعلى صوتها
طلع نايف:ومسكها بقوه مع وجهه وهو كان مره معصب ودقها عل الجدار سلامات وين حن عايشين ايش فيه يوم تصايحين مريضه
ساره وهي تحاول تفك نفسها منه:الله ياخذك فكني ياحيوان فكني ماكذبو اهل الدبره
مامداها تكمل الى ونايف معطيها كف من قوته طاحت بالأرض ورجع قومها مره ثانيه ماابغا اطلع حرتي فيك اقلبي وجهك وخليني اسمع هاذا الكلام يخرج من لسانك مره ثانيه اقسم بالله لقطع لك لسانك
طلعت وهي تبكي ومنهاره وخايفه منه اول مره نايف يمد يده عليها
وقالت بصوت عالي من قهره انزل يالسكران للعشاء
نايف ضرب الباب بقوه ورجع انسدح وقال الي في امه خير يجي يقولها مره ثانيه
جت ام ناصر:فتحت الباب ودخلت وشافت منكب عل سريره
رفع المخده انا قلت لعاد احد يفتح الباب علي من دون مايدق
وشاف امه وانصدم انا اسف يمه احسبك واحد من اخواني وقام وهو يبوس راسها ويدينها سامحيني ياعيوني وعيونه كانت مره حمراء
ام ناصر:مسموح ياولدي بس يالله تعال تعشا معي وش جاك عل اختك يانايف ماهي من عادتك تضرب خواتك
انسدح في حضن امه يمه والله ماكان ودي لكن هي لسانها طويل
ومامسكت نفسي ولاعاد اشوفها تغلط كذا مره ثانيه اقطع لسانه كفايه اهل الديره
ام ناصر:بضيق عل حالت ولدها نزلت راسها تحت ماعليك منهم ياولدي
نايف :علي الحرام يايمه معاد اتحمل خلاص كفايه ماني فاضي لكلامه ولو يتكلم احد قدامي مره ثاني لايلوم الانفسه
ام ناصر:وليش ماتتكلم وتعلمهم انك مو في هاذا الاشياء
نايف :يا يمه انا ماراح اقول كلمه ولوهم رجال واجهوني البهايم مايتكلمون من وراي لكن انا اربيهم
ام ناصر:استهدي بالله يانيوف وتعال معي للعشاء والله مقدر اتعشاء وانت ماتعشيت
قام نايف عشان خاطر امه :ابشري ياعيوني وهو يحاول انه مايخليها تتضايق اكثر من كذا مشى ونزل معها واتعشو
ودخل الغرفه عل ساره الي حاضنه مخدتها وتبكي
جلس بجنبها وسحبها لحضن بقوه وضمها
نايف:انا اسف ياسوير والله ياساره ماهو قصدي تكفين لاعاد تعيدين هاذا الكلام وتضايقيني فيه كفايه اهل الديره وكلامهم الي يسم البدن
ساره:حضنته وبكت بقوه عل صدره انا الي غلطان واستاهل وانت ماغلطت والله يانيوف معاد اسكت لااي وحده تقول فيك شي
نايف :حضنها وضحك ايه هاذي ااخت نايف الي اعرفها
ساره:بعدة وضحكت ابشر بي
ضحك نايف :وقام بيطلع الله قومي تعشي وتصبحين عل خير ياأحلى سوير بالحياه
ساره:وانت بخير ياعيوني وقامت وهي أصلن تموت عل نايف اكثر واحد في اخوانها مايرفض لهم طلب بس ماتدري كيف قالت هاذا الكلام وجلست تعاتب نفسها بعد مااعتذر منها نايف احست انها غلطت وغلط كبير مع الانسان الغلط المفروض توقف ضد الي يتكلمون عنه ويطلعون اشاعات
دخل نايف غرفته وانرمى في سريره وهو مرتاح انه راضا ساره
واعتذر منها وخفت ضيقته شوي وجلس يقراء في الكتب والساعه
٩نام كالعاده
------
عل طريق الرياض
قمر وابوها رايحين لموعد ابوها في الرياض
قمر مستحيل تخلي ابوها ابدا في اي موعد تروح معه بحكم انشغال اخوانها اهي الي دايم تروح معه واذا عندها اختبارات تروح امها او واحد من اخوانها ابوها كان كبير بسن بس مايحب يركب الطياره ويخاف منها مره فادايم يمشي خط ويمشي بدري وكانت قمر اكثر الاحيان تسوق عن ابوها عشان يرتاح
وهو مبسوط انها تعلمت السواقه وصارت تمسك خطوط
وقفو عند التفتيش والي كان يسوق قمر
نزلت القزاز من جهة ابوها احترام له
جاء العسكري عند ابوها :الرخصه ياعم عطنا رخصة بنتك
ابو صقر :والله ياولدي ماعندها رخص لكن اني مجبور اخليها تسوق
وقالهم عل وضعه وفكوهم
العسكري لقمر :انتبهي وانا اخوك لاتوقفين لاااحد الطريق من هنا ماهو امن مره ولف لاابو صقر عطني جوالك ياعم
ابوصقر:طلع جواله ابشر هاذا هو ومده للعسكري الي سجل رقمه وقالهم اذا تبون شي عل طول دقو علي انا هنا الين الساعه١٢
بما ان الطريق ماهو امن وانا اعرف حالتكم دقو علي اذا بغيتو شي او تعرض لكم احد
ابوصقر:الله يوفقك ويسر امرك وانا ابوك ابشر ومشو وكملو طريقه بسوالف وضحك ومزوح قمر دايم مع ابوها وهي تعشق الوقت الي تكون فيه مع ابوها متنوع بين قصص ودروس في هاذي الحياه تكبرها اكثرمن سنه في كل مره تجلس معه عل رغم انها ماقد دخلت العشرين كان عمرها ١٨والي يسمع كلامها وسواليفها وعقليتها يقول مستحيل هاذي بهاذاالعمر لكن ملامحها الطفوليه تعطيها عمر اصغر من عمرها
قمر وهو قربو يدخلون الرياض:يبه انا اليوم بعشيك وعشاك عل حسابي
ابوصقر:ضحك وش الي المطعم الي تبين
قمر:مطعم ايطالي وبنزل نتعشى منه قريب من شقتنا
ابوصقر:ابشري عل هل الخشم
قمر وهي تبوس خشمه :عليه الطيب ياعيون بنتك
وبحثت عن الموقع ومشو عليه ونزلو اتعشو فيه بعد صلاة المغرب واخذت قهوه ايطاليه واحد لها واحد لاابوها
قمر:قالت بمزح وابوها متعود عل مزحها دايم خذ القهوه واجحدها قل قمر ماعشتني وماقهوتني
ابوصقر:ضحك وحضنها متى عشيتيني
قمر:والي توك قايم منه وشو
ابوصقر:اذا طبختي لي بيديك هاذاك الوقت بقول انك عشيتيني
قمر:والله يايبه لو معي عزبه لطبخ لكن من عيني هاذي قبل هاذي
ابوصقر:وهو يبوس اعيونها جعلني فدا عيونك وحضنها امزح معك وانا ابوك الله يكثر خيرك
قمر:كله من خيرك ياابوي لاتقولي كثر خيرك
ابوصقر:ياحبيبت ابوك انتي وطلعو وركبو السياره ومتوجهين لشقه
ونزل زي كل مره ابوصقر يقش كل البقاله عشان قمر ورجع ويدينه ملاينه بالأغراض
قمر:يبه وش ذا كله والله لوان حنا بنجلس شهر ترى كلها يوم
ابوصقر:مابه خلاف وانا ابوك الي بقى نعطيه هالعمال المساكين
وكملو طريقهم ونزول لشقه الساعه٩ودخل ابوصقر بينام بعد تعب السفر
ابوصقر:تصبحين عل خير ياحبيبتي
قمر:وهي تبوسه وتحضنه وانت من اهله يااحلى ابو بالعالم
ابوصقر:حضنها وضحك الله يخليك لي
قمر:اجل نام انت وارتاح انا باخذ شور اجي انام بجمبك
ابوصقر:الله يحيك
قامت قمر:ودخلت اخذت شاور وطلعت وهي تشوف ابوها نايم اخذت الأيباد وجلست تحل اوراق عمل واجبات عليها وخلصت وفتحت لها فلم واخذت من الأغراض الي جاب ابوها وجلست تتابع والساعه١١غلبها النوم
قامت ودخلت بحضن ابوها ونامت معه
صحى ابو صقر للفجر وهو يشوفها بحضن ضمها وسمى عليه ولحفها وقام بيصلي
خلص من الصلاه واخذ قران وجلس يقرا الجزء اليومي له وقام يصحي قمر لصلاه
فزت قمر:لبيه يبه فيك شي
ابوصقر:لاياحبيبتي قومي لصلاه مافيني شي
قمر:تنهدة براحه وقامت صلت للفجر ورجعت نامت
والساعه٨صحت وشافت ابوها صاحي وطالب فطور
قمر:بقهر يبه من متى صاحي وليش ماصحيتني معك
ابوصقر: توني صحيت وطلبت فطور تعالي نفطر ونعين من الله خير ونروح للموعد
قمر:قامت وراحت غسلت ورجعت لاابوها وافطرو واقامو يتجهزون وطلعو للموعد زي كل مره مافيه اي تحسن بحالة ابوها
وطلع بياخذ العلاج
قمر:دخلت وكلمت الدكتور انا ابغا اتبرع لاأبوي
الدكتور :كم عمرك انتي
قمر:١٨واقدر اتبرع بوحده للاابوي
الدكتور :مافيه مشكله بس اول شي لزم ناخذ تحاليل ونشوف اذا كل شي بيتطابق مع ابوك بنخليك تتبرعين له
قمر:طيب سو لي التحاليل اليوم احنا جاين من جده وبنرجع اليوم
الدكتور :تمام روحي للغرفه هاذي وانا بكلم الدكتوره
راحت قمر:ودخلت واخذو منها جرعات لتحالي من كل شي
ورجعت لدكتور
الدكتور:خلاص خلال اسبوع راح نرد عليكم اذا تطابقة ولالاا
قمر:ليش اسبوع يادكتور
الدكتور:اغلب التحاليل ماتطلع الا بعد اسبوع هاذا اقرب شي
قمر:تمام الله يعطيك العافيه وارسلو عل رقمي ماابغا احد يعرف
الدكتور:ابشري اذا طلعت النتايج برسلها لك
وطلعت قمر وراحت لاابوها الي توه يطلع من الزحمه بعد مااخذ علاجه
وطلعو واتغدو وصلو للظهر ومشو للجده
-------
بيت ابو ناصر
الساعه٧:٣٠الفجر صحى نايف ودخل اخذ شور ونزل بسرعه
وافطر وطلع وهو متأخر يبي يوصل عل الوقت
ركب سيارته ومشى وراح لدوامه وبعد ماخلص ماراح للعزبه حقته رجع للبيت ونزل الظهر وهو جايب فواكه وخضار ونزلها معاه
وهو يناظر شيبان الديره وينتظر واحد منهم يقول كلمه وحده
وهو يشوف راكان الي يكره الأرض الي يمشي عليها نايف
راكان:جاي بدري اليوم شكل مافيه بيعات
نايف:لف له بجنون العضمى ونزل ومسكه مع ثوبه ايش تقول
راكان:عل هونك ولا خرب المود اليوم مافيه مشروب
نايف :اعطاه كف طاح من طوله عل الأرض ونزل عليه وهو يخنقه
قامو الشيبان وهم يحاولون يبعدون نايف من راكان الي سود وجهه وبداء يفقد الوعي
اسحبوه بقوه وفكو راكان منه ويحاولون يصحون راكان ماصحى
جن جنون الشيبان وعل بالهم انهم مات ولفو جهة نايف ياسكران يالقاتل قتلت الولد حسبي الله عليك
واخذو مو يه ويرشون عل وجهه راكان شوي وصحى
وفزو كلهم صحى صحى الحمدالله
نايف:هاذا درس لكم كلكم هاذي المره عدت عل خير لكن والذي نفسه بيده لوباقي اسمع اي كلمه من اي واحد اني معاد اسكت لكم
الااحذبحكم واحد وراى الثاني ماعندي شي اخسره سمعت انت وياه
واشربيده عل راكان هاذي المره احمد ربك انك باقي حي وخل عيني تشوفك ثاني مره
كل اهل الديره انجنو واخذو السالفه وفي دقايق نشروها والاتصالات عل ابو ناصروام ناصر ولدكم السكران بغا يذبح راكان اليوم
راكان قام وهو يتحلف انه ينتقم اشد انتقام من نايف وهو الي مطلع انه يسكر ويبيع ممنوعات
قام وهو يروح لشباب يعرفهم مروجين واخذ منهم كم علبه
وحطها بسيارت نايف في كرتون
ودق عل الشرطه وبلغ عل نايف وكل أهل الديره ضد نايف
وصلت الشرطه عند الباب والسياره الي مبلغ عليها
ودقو الباب
طلع:نمر عسى خير انشالله تفضل يااخوي
الشرطي :وين نايف بن مشعل عليه بلاغ خله يجي
نمر:وهو مستغرب بلاغ ليش وطلع ينادي نايف
نزل نايف مسرع :تفضل انا نايف
الشرطي :فيه بلاغ عليك ولزم نفتش سيارتك
وكل هاذا تحت انظار اهل الديره الي يبون يكشفونه بأي طريقه
نايف:تفتيش عشان ايش
الشرطي :فيه بلاغ بأنك تبيع مخدارت وتتعاطى منها وهاذا اذن التفتيش
نايف :بغضب وبثقه فتح السياره وخلاهم يفتشون
وهو ولف يناظر بشيبان الديره وعيونها شرار وقف يناظرهم ويترقب انهم يخلصون
طلع واحد كرتون من السياره وفتحه وشاف فيه مخدرات
نايف :جن جنونه واحمر وجهه كيف كذا ومن حطه بسيارتي
الشرطي عل طول القا القبض عل نايف
وراكان من بعيد يناظر وهو مبسوط انهم مسكوه ومستحيل يفك نفسه منها
اخذو نايف لتحقيق عل طول وجلس قرابة اسبوع وهم يحاولون فيه يلقون المروجين الباقين الي معه
نايف:ياخي هاذي مو من عندي وفيه احد حاطها بسيارتي ومبلغ علي وياليت تجيبون الي مبلغ علي وتاخذون اقوله لاانكم عند الشخص الغلط انا ماني مروج افهم وكان نايف جدا صريح ومهما حاولو فيه كان يقول نفس الكلام وشخصيته القويه الثابته
الشرطي :طلع وهو فيه شك بسيط في مصداقية كلامه
وطلع ودخل بعده عبدالله الي هو صديقه وبنفس الوقت محاميه
عبدالله:ها وش قال
نايف :بكره من الشي الي قاعد يصير ماقال شي وطلع
عبدالله:ابغاك تعرف اني مستحيل اقبل بهاذا الشي
نليف:ضرب عل كتفه وهو يعرف انها سوى كل شي عليه وزياده
ارتاح ولاعاد تسوي شي كل اهل الديره شاهدين ضدي حتى أهلي شكو فيني بس ثقتي بريي اكبر منهم ومن شهادتهم الزور
عبدالله:يا نايف انت لوانسجنت بيفصلونك من عملك وانت تعرف هاذا الشي
نايف:بقهر خلها عل ربك وارتاح لاعاد تشيل هم الي كاتبه ربي بيصير
عبدالله:جن جنونه وطلع وهو مقهور واتجهه للديره ولعن والديهم كلهم حسبي الله عليككم وجعلكم تشوفونه بأولادكم وطلع من عندهم
وبعد ٤ايام جلسة المحكمه
دخل نايف :وهم مكلبشينه وهو يشوف ابوه الي مو مصدقه هو واخوانه صدقو كلام اهل الديره شافه ابوه وناظر تحت ياحسافه يانايف
نايف:بقهر الدنيا كلها مايبي يسمع او يشوف ابوه واخوانه مصدقين
لف وقف في مكانه ولاقال ولا كلمه اكتفى بصمت عكس مشاعره العواصف الي بالداخل
انتهت الجلس وانحكم عل نايف بسجن ٦شهور وفصل من الوضيفه
نايف :سكت وراح معاهم لسجن العام
رجع ابو ناصر وهو يسمع كلام اهل الديره الي يسم البدن
مفروض يسجنونه طول عمره مو بس ٦شهور
ودخل وهي ضاييقه فيه الأرض وماعليها
ومرت الأيام وهاذي سالفة اهل الديره ماعندهم غيرها
ومرة ٦شهور وطلع نايف وهو يتواعد انه يطرح راكان
طلع ومافي احد ينتظر طلوعه الا عبدالله بعد ان هدد ابوناصر عياله انه محد يزوره عشان يتعلم درس ركب مع عبدالله واتجه لبيتهم سلم عل ابوه واخوانه ودخل يسلم عل امه ويحضنها وهو يضعف قدامها
نايف:تكفين يمه لاتقولين بعد انك مصدقه هاذا الشي
ام ناصر:نزلت راسهها بضيق لاوالله مااصدق فيك ياولدي
نايف:شاف امه وهي منزله راسها تكفين لاتنزلين راسك تكفين علي الحرام لندم أهل الديره كلهم وانهم مايسلمون مني الي حطو شي فيني وماهو فيني
ام ناصر:بخوف عل نايف انا كان لي خاطر عندك فلاعاد تقرب من احد تركهم يتكلمون الين يملون
نايف:حضنها تكفين يمه ليه يسون فيني كذا وش سويت لهم عشان الى هاذي الدرجه يكرهوني
ام ناصر:حسبي الله عليهم وجلست تسمي عليه وتقراء عليه
ومشت الايام ونايف كل مره يشوف امه فيها كانت تدنق براسها وهاذا الشي يقتل نايف
اخذ اغراض وهجر الديره وأهله كلهم وراح للعزبه المكان البعيد عن العالم كلهم وجلس يجي ويشوف امه من بعيد بس ويكلمهم
ولاعلمهم وينه وطول هاذي الفتره اهل الديره كملو الناقص وقامو يئلفون الااان نايف يتواعدهم كلهم وماراح يسكت لهم
ابوناصر:يانايف وينك ليش ماتتجي
نايف:يايبه مالي في الديره ذيك مقعاد هاذي الديره ضرتني واجد
ابوناصر:بغضب تجي بكره وش انت من خش له لاتخليني اصدق فيك
نايف:ضحك يايبه انت صدقة في ولدك ولاالي رجعه
ابوناصر:قفل بغضب في وجه نايف
وبعد مرور ٦شهور ومحد شاف نايف ابدا ولاله اي حس
اختفى تمام عن أهله كلهم الاعبدللله الي يتواصل معه ويقابله مره بالاسيوع
كان طول هاذي المده عن أبله ويبيع ويشري فيها وهي من الأبل المزاين باع وحده من النياق بقيمت ٣مليون واغتنى بفضل الله حتى عن الوضيفه
----
عل طريق الرياض
ابوصقر وقمر كالعاده راجعين بعد موعد ابوها
قمر تبرعةلاابوها بوحده من الكلى حقتها والحين هم بخير لكن لزم يجلس ابوها عل المواعيد
وبرجعتهم وهو يشوف السياره الي تكبس له عشان يوقف كمل طريقه وهو مطنش ويحاول مايوضح لقمر وهو يسرع والعداد عل اخر شي
قمر :يبه هد السرعه تكفى انت تمشي ٢٤٠
ابوصقر:شاف المرايا وماشاف احد هد السرعه
قمر:ايش فيك
ابوصقر:ابغا نوصل بسرعه وانا ابوك تعبت من ذا الخطوط
وفي الحقيقه السياره باقي تلحقهم لكن انهم طفو النور
واعترضو قدام سيارة ابوصقر ونزلو بسرعه وفتحو البيبان ونزلوهم وركب واحد في السياره وهو ينزلها من عل الخط
وحاطين المسدس براس ابوصقر
ابوصقر:وهو يشوف قمر الي تصارخ وتحاول تفك نفسها منهم
بنتي لاتلمسونها وش تبون بعطيكم كل شي بس هي لاتلمسونها
ضحك واحدمن رجال العصابه:شكلك تغليها مره
ابوصقر:بنتي لااحد يمس شعره منها وهو يحاول يفك نفسه منهم لكن ضربوه من ورى وفقد وعيه وطاح على الأرض
قمر:وهي تصيح وتبكي وتنادي عل ابوها وهي تشوفه طايح عل الأرض سحبوها بقوه ودخلوها بيت شبه مهجور ودخلوها بغرفه وسكرو عليها
قمر تصيح تنادي محد يسمعه ولااحد يشوفها وراحو وخلوها الحالها وهي تنادي تكفون ابوي لاتذبحونه
راحو رجال العصابه واخذو ابوها ورشو عليه مويه الين صحى
رجل العصابه:اسمع بنتك موجوده عندنا واي وقت اطلب منك فلوس تحولها واعطيك بنتك لكن الحين تقلع من وجهيي
وسجل رقمك هنا وبنتك ماراح يضرها شي وهي مو في المنطقه هاذي للمعلوميه
ابوصقر:وهو يحاول ينفذ منهم وطلع وركب السياره وهو مسرع ويبكي ويصيح من قهره عل قمر ومعاد يفرق معه اي شي يبي قمربخير وبس
وصل اقرب مركز شرطه وهو يبلغ وطاح ومن طوله عندهم
سكته قلبيه ومات في الحال
مره شهر ونص وهم فاقدين قمر مايدرون عن اي شي وين قمر وش صار علهيا نشرو بكل مكان وصل الخبر للكل
كانت قمر بهاذا البيت ماتطلع منه محد اتعرض لها منهم بس يجون يعطونها اكلها ويطلعون وقمر تترجاهم
وعلموها انو ابوها مات وكانو يجبرونها عل الاكل عشان مايصير لها شي وكل يوم الساعه٧المغرب تشوف نور سياره يعدي من عند هاذا البيت وكانت تصيح تبيه يسمعها لكن محد يلتفت لها
part2
