Unni
''ရှန်ငါ့ကို တရုတ်စကားသင်ပေး''
ရုတ်တရက်ကြီး အနားသို့ရောက်လာကာ
တရုတ်စာသင်ပေးဟု ဆိုလာသောဂယူ့ကို
ရှန်ဘာတွေအရူးထပြန်ပြီလဲ
ဆိုတဲ့အကြည့်မျိုးဖြင့်သာ
ပြန်ကြည့်လိုက်မိသည်။''လုပ်ပါ တစ်လုံးလောက်ပါပဲ''
''မသင်ပေးဘူး သွားကွာလာမရှုပ်နဲ့''
ရှန့်စကားကြောင့် ဂယူဟာ
အနည်းငယ်စူပုတ်သွားကာ။''အောင်မာ ခုတော့အရှုပ်ထုပ်ဖြစ်သွားပြီပေါ့
မင်းပြောတော့အသက်ပါပေးမှာဆို''လာပြန်ပြီ အဲ့စကား
အဲ့နေ့ကရှန်ထိုသို့ပြောလိုက်ထဲက
ဂယူဟာသူလိုချင်တာရှိတိုင်း
အဲ့စကားကိုပဲသုံးကာ ရှန့်အား
အကျပ်ကိုင်တော့သည်။''တစ်လုံးပဲ သေချာလား''
''အေးသေချာတယ်လုပ် တစ်လုံးပဲ''
''အေး''
ရှန်ပြောလာမည့်စကားကို
ဂယူကစိတ်ဝင်တစားစောင့်နေခြင်းကြောင့်
ဂယူ့မျက်လုံးလေးတွေက ဝိုင်းစက်နေကာ
ချစ်စဖွယ်ကောင်းနေသေး၏။''ဝေါ်အိုက်နီ''
''ဟင်...ဘာကြီး''
''ဝေါ်အိုက်နီ လို့''
''အဲ့တာဘာကြီးလဲ ဘာအဓိပ္ပါယ်လဲ''
ဂယူ့အမေးကြောင့် ရှန်ဟာ
ဂယူ့နဖူးလေးကိုခပ်ဖွဖွတောက်ကာ။''မင်းကအရူးလေးတဲ့''
''အမယ် မိုက်သားကွ''
ဂယူဟာသူ့အတွေးနဲ့သူတော့
မိုက်တယ်ဟုတွေးနေသည်လေ။
တကယ်တမ်းအဓိပ္ပါယ်အစစ်ကိုသိလျှင်တော့
ရှန်ထိုနေရာမှာပင် အမှုန့်ကြိတ်ခံရလောက်ပါ၏။''သိန်းတန်..''
''ဘာလဲ''
''ဝေါ်အိုက်နီ''
ခေါ်လိုက်တဲ့ အခေါ်အဝေါ်ကြောင့်
ဒေါသထွက်သွားပေမဲ့ နောက်ဆက်တွဲ
ပါလာသည့်စကားစုလေးတွင်တော့
ရှန့်ဒေါသတွေဟာရင်ခုန်သံတွေအဖြစ်
ပြောင်းလဲသွားခဲ့သည်။''ဟားဟား မင်းလည်းအရူးလေးပဲ''
''ဘယ်လိုလဲ ငါစကားတတ်မြန်တယ်မလား''