" انت حبك كنه الحكم السعودي ثبته عبدالعزيز ولا تغير ".

الجزء الثاني عشر :

 
اعتذر على التأخير عن موعد نزول البارت🙏🏻

_________________________________________

لا فااائده من حُب بين الاضلع حبيس ..
..يُعني المحب ويشقي المحبووب ..
___________________________________________

في سيارة فيصل
رفع صوت يصحيهم : بنااات قومي انتي وياها بسرعه وصلنا
البنات ماكان لهم حيل يرفعون حتى روسهم
رفع صوته مره ثانيه : ماتسمعون!!
فجاءه الا كلهم تعدلوا الي تعدل نقابها المنخرع والي تهبط شوشتها الطايره والي ماتدري وين الله حاطها او هم وين
ريم الفاهيه قالت : حنا وين رايحين
فيصل انصدم من سؤالها : وين رايحين؟! هههه لا كدينا خير فيتس انفصام بعد
رنا : لو سمحت
مارد عليها
رفعت صوتها : انا أكلمك تسمعني؟
لف لها باستغراب : انا!
رنا : ايوه انت
فيصل : وش تبين؟
رنا : مر فندق ولا شقه مفروشه نتكشخ فيها
وقف السياره : أقول انزلي بس وصلنا
انصعقت وهي تشوف بيت جدها وسياراتهم الي جو فيها موقفه والناس مجتمعه وهي حالتها حاله ومكياجها محيوس وكحلها سايل وشعرها لاصق برقبتها يعني باختصار تخررع قالت لفيصل : خييير ليه ما صحيتنا من بدري
فتح الباب وقال قبل يسكره : العذر والسموحه مره ثانيه بصحيتس بدري
تاففت وهي تحس انها بتبكي من القهر
نزلوا البنات الي اشكالهم ما تختلف عن رنا ربطوا نقاباتهم تغطي وجيهم لين يفرجها الله ويعدلون أنفسهم

___________________________________________

عند بشرى
راحت تفتح بعد ما لبست العباية والنقاب بسرعه عشان مايشوف وجهها تنحنحت تعدل صوتها : هلا عمي مهره تحت
سعود ضيق عيونه يناظرها : وش تسوين هنا
نزلت راسها لكم العبايه تسفطه وتعدل أساورها ماتبي تحط عينها بعينه : جيت اخذ عبايتي
سعود : عبايتس وش جابها هنا
توترت من السؤال و حاولت ان إجابتها تكون معقوله  : نسيتها هنا لما جيت لمهره وبعدين ليه كل هالتحقيق ترى غرفه مهره عمتي مو احد غريب وش فيها اذا دخلتها
سعود تكى على الباب وميل راسه يناظرها بتدقيق : وتقفلين الباب !
سمعت صوت هرن السيارات تحت مرت من عنده بسرعه : شكلهم وصلوا 
قال سعود بصوت طويل شوي عشان تسمعه : والله لبحث خفاك يابشرى اصبري علي بس
ماردت عليه وكملت ركض بس ماراحت لجهة عمانها لا راحت ورى البيت بتشوف عبدالله وينه ، كل شي تتوقعه منه ، بس لما وصلت ما حصلت له اي اثر لا على الشباك او الأرض او اي مكان شافت عقال طايح رفعته بسرعه : عقال عبدالله 
قربته من خشمها : الا والله ريحته ،  يارب انه يكون بخير
تحس انها تطمنت شوي بس باقي فيها قلق عليه
خذت العقال وعلقته على غصن الشجره ورجعت تركض جهة الناس المجتمعه وصلت لهم وهي تلهث

___________________________________________

بعد ماسلموا بفرح و شوق كبير لبعض لا يخلو من الدموع اكيد
، دخلوا داخل ، الرجال لمجلس الرجال مع أم مطلق ونوره وشريفه ومهره ، والحريم في مجلس الحريم
بدريه : تو ما نور البيت والله اني صادقه
صيته : منور باهله ياقلبي
بدريه : اشتقنا لكم مابغيتوا تجون يختي
فاطمه : والله انّ بعد مشتاقين لكم ولديره ولجمعتنا هذي لكن لظروف احكام
صيته : صدقتي
بدريه : الله يعين
لفت للبنات الي كانوا مجتمعين في جهه وحده وباقي نقاباتهم وعباياتهم عليهم ماينشاف منهم الا يدينهم : والله وكبرتوا وصرتوا عاقلات
فاطمه : ايه اصبري عليهم شوي عشان تشوفين وش كثر اعقلوا
صيته : ههههههههههههههههههههه
بدريه : هههههههه عندنا وعندكم خير
وجهت كلامها للبنات : خذو راحتك حبايبي مافيه احد
انصدمت لما شافت بشرى جنبهم عليها عبايه ومتنقبه بعد : بشرى! هههههههههههههه الحمدلله والشكر وش له العبايه
تفشلت بشرى لما سمعت الكل ضحك : هههه لبستها لما طلعت ونسيتها
وقفت : الحين بروح انزلها
وقفوا البنات كلهم ولحقوها وهم منزلين روسهم دخلوا معها غرفتها
قالت وهي تمثل الانزعاج : اف ياليل لاتمونون زياده حبايبي
رنا : أقول انجَعمي بس الحلال واحد
العنود : بشرى ياغبيه حنا معنا عذر لابسين عبايه انتي وش عذرتس ههههههههه
بشرى : نسيت إنتوا وش عذركم للحين مانزلتوها ؟
نزلت رنا نقابها : هذا عذرنا
انصدمت بشرى ورجعت ورى : بسم الله ههههههه وش فيتس
قالت مشاعل وهي تنزل نقابها بعد : هههههه كأنها باندا هي وكحلها السايل ذا
وضحى : هههههههههه يوووكك ماشفتي كحلتس انتي هههههههههههههه
ريم وهي تشوف صورتها وتمسح طرف عينها بإصبعها: ياربي مدري وش خلاه يسيل كذا
بشرى : انتو اغبياء احد يحط ميكب وهو مسافر
رنا : على أساس بنكشخ ونصور ونستانس بس تجحفلنا
سحبت الهنوف نقاب بشرى : نزلي انتي عاد
شهقت لما شافت وجهها : باكيه؟
قالت بشرى تصرفهم وهي تمشي جهة التسريحه : مادري يمكن لما سلمت عليكم بكيت 
راحت لها ساره وضمتها : ياحياتي لهدرجه مشتاقه لنا
فجاءه بكت بشرى لما تذكرت الي صار مع عبدالله انصدموا البنات منها بس فسروه انه منجد مشتاقه لهم راحوا لها كلهم وضموها يهدونها: خلاص حبيبتي ، وشدعوه هذا حنا جينا
ريم وهي تداري دمعتها لاتنزل : اسكتي ولا بكيت معتس
العنود تحرك يديها قريب من وجهها : قسم بالله دمعتي على طريف ببكي
بعدتهم عنها ومسحت دموعها : أسفه نكدت عليكم 
ضربتها الهنوف على كتفها : ماعرفتس وأنتي ذربه
ضحكت بشرى
وضحى : اي اضحكي واَزيِن الضحكه ياناس
نزلت راسها وهي تقول في نفسها : لو تدرون بس وش مسويه باخوكم
مشاعل : استحت استحت
ضحكت بشرى بمجامله وهي منزله راسها
العنود : أشكالنا تفشل
بشرى : فيه مزيل مكياج فالدرج الثاني امسحوا وجيهكم منه وحطوا من مكياجي الحلال واحد على قولة رنا
قالت رنا وهي قد طلعت المزيل والمكياج ومندمجه تمسح وتحط : على أساس انتظرتس تسمحين لي
بشرى : فداتس
دخلت رند بنت نوره : ويعع وش فيها اشكالكم تخرع
بشرى : رند وش ذا الكلام عيب ذولا ضيوف
رند : افف الحين بيزاحمونا فالغرف وكل مكان
رنا : البيت بيت ابونا والقوم حاربونا
رند عبست بوجهها : حتى كلامهم ماينفهم
قالت رنا وهي تحط روج ولا ناظرتها : هذا بيت جدي يعني بيت ابوي مو عاجبتس روحي لبيت عمانتس
قالت وهي طالعه : أتمنى امي تسمح والله ماتشوفون وجهي هنا
الهنوف : مهي هينه ذا البزر
العنود : رنا مره ثانيه طنشيها
بشرى : صادقه العنود طنشيها ولا بتتعبين معها
رنا : تعقب حطيتها في راسي خلاص والله لا امشيها على السراط المستقيم
بشرى : امها ما قدرت عليها تبين انتي تقدرين
رنا : بتشوفون
جت رفيف وشايله اختها طيف معها : بنات تقول عمتي انزلوا تحت تقهوو
وضحى : قولي لها أبشري شوي وننزل
جت ريم : عطيني ذا النتفه اسم الله عليها قلبوس
نزلت رفيفه شوي ولحقوها البنات