An Old Summer Daydream (Old Summer Trilogy #1)

09

"May tips ba kayo para kay Yori?"

Hindi ako mapakali sa kama habang ka-video call sina Seven at Lyonelle. Kinakabahan ako para kay Yori! Kilala ko si Daddy, at ang daming nai-intimidate sa kanya! Paano pa kaya si Yori na Senior High School pa lang?! Tapos dine-date niya pa ang magandang prinsesang anak ni Daddy! Ako 'yon, duh. 

"Just talk about their common interests," matinong sagot ni Lyonelle. "It's not hard to please Tito Kalix." 

"Para sa inyo, hindi mahirap! Friends ang parents natin, tapos besties pa tayo, eh si Yori, hindi! Isa siyang outsider!" Napasabunot ako sa buhok ko, stressed na! 

"Don't judge your dad. I'm sure he won't scare and threaten a kid." Naka-off cam na naman ang bwisit na Seven. Ang camera shy, ha! Iyong anime niyang profile picture na naman ang nakikita ko sa screen. Hindi pa rin talaga nila pinapalitan ang profile pictures nila. Nagpapatagalan pa yata.

"Intentionally, yes! Pero kahit hindi niya intention, nakakatakot siya para sa iba! I mean, para sa akin hindi naman... Alam ko na! What if turuan ko siyang mag-smile more? O kaya talk more? O kaya turuan ko siyang mag-joke? Para rin naman sa kanya 'yon, eh! Para dumami ang friends niya," sabi ko.

Sabay na natawa si Lai at Seven sa sinabi ko na para bang nagpapatawa ako! Hindi naman ako nagjo-joke! Kino-consider ko talagang gawin 'yon!

"Relax, Nat. Yoritsune won't leave you just because of that," sabi ni Seven.

"Mag-on ka nga ng camera mo!" reklamo ko. "O kaya ay magpalit ka na ng profile picture. Ilang taon ko nang nakikita ang mukha ng character na 'yan. Nagsasawa na ako!" 

I heard his annoyed groan before opening his camera. Ayun! Nag-aaral pala siya. Nakalagay lang sa gilid ng desk ang phone at may sinusulat o sino-solve sa notebook. Si Lai naman ay nagla-laptop. Ano ba 'tong mga 'to! May kanya-kanyang ginagawa! Bakit ako, wala?! Masyado kong pinoproblema 'tong meet the parents scenario ni Yori! 

"Hindi ba marunong kang mag-Nihongo, Lai? Turuan mo naman ako!" pangungulit ko pa. 

"No," sagot niya.

"Hindi ka marunong or ayaw mo akong turuan?"

"The latter." Ngumisi siya at natawa rin si Seven. Sumimangot ako at pinagsusuntok ang tapat ng camera, ini-imagine na kaharap ko si Lai! Mga bwisit talaga sa buhay!

"Sana iyong magiging jowa mo, sungitan ka nang sungitan! Karma mo 'yon, hayop ka!" Umirap ako. 

"I don't think I would even have a girlfriend in the future. I've never seen anyone reach my standards," mayabang na sabi niya sa akin.

"Sobrang kapal naman ng mukha mo. Baka ikaw ang hindi maka-reach ng standards. Actually, now that I think about it, hindi mo kayang abutin ang standards ko," mayabang na sabi ko rin sa kanya. 

"Funny. You're not even my type."

"Funny. You're just my pet." 

"Enough," singit na ni Seven, mukhang naiinis na. "You guys are just the same." 

"As if!" Binelatan ko si Lyonelle. Ngumisi naman siya sa akin at napailing na lang. 

Nag-usap pa kami hanggang madaling-araw dahil sa kadaldalan ko. Siyempre, natitiis nila ako. Ako na nga lang ang nagbubuhat sa friendship namin, oh! Ang dami kong mga kinekwento. Noong binaba ko na ang tawag ay nakita kong sinubukang tumawag ni Yori pero hindi nag-ring dahil nasa another call ako. 

"Oops." Nag-message ako sa kanya para tanungin kung gising pa siya pero hindi na siya nag-reply kaya natulog na lang ako.

Kinabukasan, ang aga kong gumising para mag-prepare sa date namin ni Yori mamaya! Pagkatapos kong maligo ay inayos ko pa ang buhok ko para magkaroon ng loose curls. Nagmake-up ako nang kaunti at nagpabango rin, siyempre!