[မနေ့ကထက်ပိုချစ်တယ်]
အချိန်တွေတရွေ့ရွေ့ကုန်ဆုံးသွားခဲ့တဲ့နှစ်တွေအတွင်းမှာကိုကိုခတစ်ယောက်ဘွဲ့ရသွားပြီးနောက် ဦးမိုးမာန်သော်ကုမ္ပဏီမှာအလုပ်သင်ဘဝနဲ့အောက်ခြေဝန်ထမ်းကစပြီးသင်ယူနေရတဲ့အချိန် ရောင်လေးကတော့ဒုတိယနှစ်တက်နေရတုန်းပဲဖြစ်သည်။
ဒီနေ့ကကိုကိုခရဲ့အသက်နှစ်ဆယ်နှစ်နှစ်ပြည့်တဲ့နေ့လေးဖြစ်သည်။ ခါတိုင်းကလေးဘဝတုန်းကလိုခြံထဲမှာမွေးနေ့ပွဲတွေမလုပ်တော့ပေမဲ့ နှစ်တိုင်း ရောင်လေးကိုအပြင်မှာမုန့်လိုက်ဝယ်ကျွေးတတ်သည်။
🎶 ကိုယ်ရင်ခုန်သံရပ်မသွားဖို့အတွက် မင်းလေးရှိမှဖြစ်တော့မှာမို့ ယုံကြည်ပါဒီစကားလေးကအရေးသိပ်ကြီးလို့ 🎶
🎶 ဒီရင်ခွင်လက်ဝဲဘက်ကနှလုံးသားလေးအဖျားတတ်နေပြီမို့ ဘယ်လိုပြန်ကယ်သင်ပေးရမလဲ မင်းလေးသိဖို့ 🎶
🎶" Love you အချစ်တွေမင်းယူ "🎶
ကျော့ပိုးအိတ်ထဲကဖုန်းလေးဆီမှာရောင်လေးအကြိုက်ဆုံးသီချင်းလေးကသာယာစွာထွက်ပေါ်လာသည်။
" ဟယ်လို ကိုကိုခ "
ရောင်လေးအသံချိုချိုလေးကြောင့် ခခကားမောင်းနေရင်းပြုံးလိုက်မိသည်။
ထို့နောက် ကားကိုလမ်းဘေးထိုးရပ်လိုက်၍။
" ကိုယ်ရောက်နေပြီ ရောင်လေးဘယ်မှာလဲ "
" ကိုကိုခ သားဒီမှာ "
ရောင်လေးကျောင်းအပေါက်ဝရောက်တော့လှမ်းမြင်နေရတဲ့ ကိုကိုခတစ်ယောက်ရပ်ထားတဲ့ကားကိုကျောမှီထားပြီးလက်တစ်ဖက်ကဖုန်းကိုကိုင်ပြောနေ၏ ကိုကိုခပြောနေတဲ့တစ်ဖက်ဖုန်းထဲကလူမှာရောင်လေးကိုယ်တိုင်ပဲဖြစ်သည်။
ရောင်လေးဖုန်းကိုပိတ်လိုက်၍ ကိုကိုခဆီအပြေးသွားလိုက်တော့ ထုံးစံအတိုင်းကိုကိုခဆီက အော်ငေါက်သံထွက်လာသည်။
ရောင်လေးအတွက်တော့ ကိုကိုခဆီကမူပိုင်ကြားနေကြစကားလေးဖြစ်သည်။
" လမ်းလျှောက်ရင် မလိုအပ်ပဲမပြေးနဲ့လို့ ကိုကိုခပြောထားတယ်လေချော်လဲပြီး ခိုက်မိရင်ဘယ်လိုလုပ်မလဲ !"
![](https://img.wattpad.com/cover/335532374-288-k388960.jpg)