Three is better than Two (Boyxboy)

Chapter 21: Trap

Tiffer POV

Para na akong zombie kinaumagahan dahil hindi ako nakatulog kagabi. Hindi kasi umuwi kagabi si Alex sa apartment dahil kasama niya daw si Brixton. Hindi tuloy kami sabay na kumain. Hindi ako nakapag-review sa engineering mechanics para sa quiz namin ngayong umaga at hindi rin ako makatulog. Naka 200 push-ups pa nga ako para pampaantok pero wala akong nagawa. Kahit alas singko pa lang ng umaga ay naligo na ako. Naisipan kong tawagan si Alex. Gusto kong itanong sa kanya kung may nangyari ba sa kanilang dalawa ni Brixton. Kaso ng madinig ko na boses niya. Umurong na lang bigla ang dila ko. Wala na, natanong ko na lang kung makakauwi pa siya dito sa apartment bago pumasok ng school kaso hindi pa din daw. Sa school ko na lamang siya makikita.

Dahil nga hindi ako nakapag-review. Sa school na lan ako magbabasa. Maaga pa nga ng pagdating ko sa school wala pa masyado estudyante. Umupo ako sa pwesto ko sa room namin at binuklat ang book ko sa EM. Ilang minuto pa at may biglang tumatawag sa akin. Tinawag niyang bigla ang pangalan ko at nakilala ko ang boses nito.

"Maxine? Anong ginagawa mo dito?" gulat kong tanong dito.

"Tiffer, I came here to say sorry. Nagkamali ako, dapat hindi kita iniwan teka, hindi ka ba nakatulog kagabi? paliwanag nito ng makalapit sa akin.

"Wala ka ng pake kung napuyat man ako saka bakit ka nagsosorry ngayon?"

"I realize na ikaw pa pala ang gusto ko" pagmamakaawa niya.

"At sa paaanong dahilan mo na-realize na ako pa pala ang gusto mo. Dahil nagbalik na ang dati kong katawan, iyon ba?"

"Consider that pero iba ka kay Jomark, I missed you" narinig ko na naman ang pangalan ng lalaking pinalit niya sa akin. Ka-buddy ko dati si Jomark sa gym, hindi na kami masyadong nagkasama simula ng maging busy ako sa pag-aaral at paggawa ng project namin sa school. Dahilan iyon ng pagtaba ko, napabayaan ko ang katawan ko which turned out na ipagpapalit ako ni Maxine dahil sa pagtaba ko. Masakit pa, ka-buddy ko pang si Jomark nga.

"I'm sorry, I can't just accept you easily. Let me think about it" ang nasabi ko lang sa kanya at pinaalis ko na siya. Nawalan lang ako tuloy lalo ng gana sa pagre-review. Nagtxt sa akin si Alex at gusto niya akong makita dahil nasa school na daw sila ni Brixton. Nag-reply ako na mamaya ko na lamang siya kikitain dahil nagre-review ako. Totoo man ang sinabi ko, hindi na din ako nakapag-review hangang mag-start na ang klase namin. Ipinamigay na ang mga test booklet at may 8 problems ang dapat sagutin. Naramdaman kong bigla ang antok at hindi ko pa alam sagutin ang mga problems. Pagkatapos ng isang oras. Pinapass na ang mga test booklet namin. Anim lang ang nasagot ko. Di pa ako sure. Naalala ko na hindi ko pala pwedeng i meet si Alex ngayon dahil may isa pa akong subject na papasukan sa vacant time nila. Kung marunong lang siguro ako gumuhit, magsi-shift talaga ako ng architecture.

Siguro, wala ng puwang sa akin si Maxine, si Alex na lang palagi ang iniisip ko. Ng oras na ng vacant ko, sinilip ko si Alex sa kwarto nila. Maiigi silang nakikinig sa guro nila pero siya, nakakunot ang mga kilay niya. Math kasi subject nila ngayon. Natawa lang ako habang nakatanaw lang sa kanya. Napatingin siya sa kinatatayuan ko at nag-hi siya sa akin. Nag-gesture naman ako na tatawag ako mamaya sa kanya. Tumango lang ito at nagpaalam na ako sa kanya.

Mabilis lang natapos ang mga sumunod kong subjects at tumawag na ako kay Alex, sumagot ito at pinapapunta pa ako sa lumang gusali kung saan siya tumakbo dati. Ano kayang ginagawa niya doon?

Brixton POV

After ng klase namin. Pinuntahan namin ang mga dabarkads namin ni Alex. Itatanong namin kung pinapagawan din sila ng new building design ng titser namin sa edraw 315. Agad na nagsabi si Alex na iriri-design niya ang lumang building malapit sa school namin. Nakikita ko naman iyon palagi bago ako pumasok ng school.