"အစမ်းလက်ထပ်မယ်..ဟုတ်လား"
"ဟာ..အစမ်းလက်ထပ်တာမဟုတ်ပါဘူး..အစမ်းကာလလက်ထပ်ခြင်းပါ"
မင်္ဂလာပွဲနီးမှဘာအဆန်းတွေထွင်နေမှန်းမသိတဲ့ဆော့ဂျင်ကိုသူနားမလည်နိုင်တဲ့အကြည့်တွေနဲ့သာကြည့်နေမိတော့သည်။
"နားလည်အောင်သေချာရှင်းပြစမ်းပါဦး"
"အဟမ်း"
ဆော့ဂျင်ကလည်ချောင်းရှင်းတဲ့အနေနဲ့ချောင်းတစ်ချက်ဟန့်လိုက်ပြီးစားပွဲပေါ်ကိုလက်နှစ်ဖက်ကိုယှက်တင် ၍ခါးကိုမတ်လိုက်တော့အစည်းအဝေးတစ်ခုမှာအရေးတကြီးဆုံးဖြတ်ချက်ချတော့မယ့်နာယကတစ်ဦးနှင့်တူနေလေ၏။
"ဒီလိုလေ..ကုမ္ပဏီတွေမှာဝန်ထမ်းအသစ်ခန့်တော့မယ်ဆိုရင်အစမ်းခန့်ကာလဆိုတာရှိတယ်မှတ်လား"
"အင်း"
"အဲ့ဒီ့ကာလမှာကုမ္ပဏီကဝန်ထမ်းရဲ့အရည်အချင်းကိုအကဲဖြတ်သလိုဝန်ထမ်းကလည်းဒီကုမ္ပဏီကသူ့ကိုရပိုင်ခွင့်တွေဘယ်လောက်ပေးနိုင်လဲဆိုတာကိုလေ့လာပြီးနှစ်ဦးနှစ်ဖက်အဆင်ပြေအောင်နားလည်မှုယူကြတယ်လေ။လက်ထပ်တာကလည်းအဲ့လိုပဲပေါ့"
"မတူညီတဲ့သူနှစ်ယောက်အတူတူနေကြမှာဆိုတော့တစ်ယောက်နဲ့တစ်ယောက်နားလည်မှုရှိဖို့လိုတယ်လေ..အဲ့ဒါကြောင့်တစ်ယောက်နဲ့တစ်ယောက်လိုချင်တဲ့အချက်တွေနဲ့မလိုချင်တဲ့အချက်တွေကိုညှိနှိုင်းပြီးနားလည်မှုယူတဲ့ကာလကိုအစမ်းကာလလက်ထပ်ခြင်းလို့ခေါ်တယ်။ကျွန်တော်ပြောတာသဘောပေါက်ရဲ့လား"
"အင်း"
"အဲ့တော့ဘယ်လိုသဘောရလဲ"
"မဆိုးပါဘူး..စိတ်ဝင်စားဖို့ကောင်းပါတယ်"
"အဲ့ဒါဆိုရင်အစမ်းကာလလက်ထပ်ခြင်းနဲ့ပတ်သက်ပြီးအသေးစိတ်ကိုဆက်ပြောမယ်"
"အင်း"
"ပထမဆုံးအနေနဲ့အစမ်းကာလကိုတစ်နှစ်လို့သတ်မှတ်ပြီးနှစ်ဦးသဘောတူစာချုပ်ချုပ်ရမယ်။ စာချုပ်ထဲမှာတစ်နှစ်အတွင်းနှစ်ယောက်လုံးလိုက်နာရမယ့်စည်းကမ်းတွေကိုကျွန်တော်တို့နှစ်ယောက်တိုင်ပင်ပြီးချရေးမယ်။အားလုံးအဆင်သင့်ဖြစ်ပြီဆိုရင်အသိသက်သေရှေ့မှာလက်မှတ်ထိုးရမယ်။ ပြီးတော့တစ်နှစ်ပြည့်ရင်စာချုပ်အသစ်ထပ်ချုပ်မယ်။အဲ့ဒီစာချုပ်အသစ်မှာတစ်နှစ်အတွင်းတခြားလိုအပ်တဲ့အချက်တွေကိုထပ်ဖြည့်ခွင့်ရှိတယ်.. ဘယ်လိုလဲ? သဘောတူလား?"
YOU ARE READING
Sincerely, Yours (✔)
Fanfiction(Unicode) ဒီကမ္ဘာကြီးပေါ်မှာ မင်းဟာသာမန်လူသားတစ်ယောက်ဆိုပေမယ့် ကိုယ့်ရဲ့ကမ္ဘာမှာတော့ တန်ဖိုးမဖြတ်နိုင်တဲ့အဖိုးတန်လူသားလေးပါ။ ဒီအတိုင်း..မင်းရဲ့ဖြစ်တည်မှုလေးကိုချစ်တယ် Jeon Jung Kook 💜 Kim Seok Jin (Zawgyi) ဒီကမၻာႀကီးေပၚမွာ မင္းဟာသာမန္လူသာ...