ပတ်ဝန်းကျင်က လေထုဟာ အေးစက်နေသလို ပူလောင်နေသည် ။
တ်ိတ်ဆိတ်နေတဲ့ ပတ်ဝန်းကျင်
ငြိမ်သက်နေသော အနေအထား
ဒေါသတွေလွှမ်းမိုးနေတဲ့ သူမ...
" မ ပြောတော့ မောင့်ကို ချစ်တယ်ဆို .. ထပ်တူကျစွာ မောင့်ကို ချစ်ပါတယ်ဆို ..
ဒါနဲ့များ ဘာလို့မောင့်ကို ရှင်းပြခွင့်တောင် မပေးနိုင်ရတာလဲ "
ဒေါသတွေ ကြီးစိုးနေတဲ့ မရဲ့ မျက်နှာထက်မှာ ခဏတာပြောင်းလဲခြင်း အရိပ်အယောင်ကို တွေ့လိုက်ရပေမဲ့ မဟာ မုန်းတီးစွာကြည့်နေဆဲပင် ။
" မောင့်ထက် တခြားလူစကားကို ယုံကြည်နေခဲ့တာလား ..
မောင့်ကို အပြည့်အဝပေးပါတယ်ဆိုတဲ့ မရဲ့ယုံကြည်မှုတွေဟာ အခုတော့ ဘယ်ရောက်ကုန်တာလဲ ..
မောင့်ကိုချစ်တယ်ဆို ... ဘာလို့လဲ!! ..
ဘာလို့ မောင့်ကို ရှင်းပြခွင့်တောင် မပေးရတာလဲ!! .. "
အသံကုန်အော်ဟစ်ပြီးသည်နှင့် မရဲ့ မုန်းတီးစွာကြည့်နေတဲ့ မျက်ဝန်းတွေထဲမှာ မျက်ရည်တွေစီးကျလာခဲ့သည် ။
မရဲ့ မျက်ရည်တွေကို မြင်လိုက်ရတော့ ဓါးသွားဖြင့် ထိုးဆွနေသယောင် ရင်ဘတ်တစ်ခုလုံး နာကျင်ရသည် ။
" ငါနင့်ကို အရမ်းမုန်းတယ် သုတမောင် .. "
မျက်ရည်တွေ ခပ်ကြမ်းကြမ်း ဆွဲသုတ်ကာ ပြောပြီးသည်နှင့် မရဲ့ခြေလှမ်းတွေဟာ တံခါးမကြီးဘက်သို့ ထွက်သွားဟန်ပြင်နေခဲ့သည် ။
မ ထွက်သွားတော့မည် စိုးတဲ့စိတ်နှင့် မရဲ့လက်ကို အမိအရ လှမ်းဆွဲထားလိုက်သည် ။
မကတော့ အတင်းရုန်းကန်နေခဲ့ပြီး ဆွဲထားတဲ့လက်ကို ဆွဲဖယ်နေခဲ့သည် ။
" မောင်တောင်းပန်ပါတယ် ... ထွက်မသွားပါနဲ့ .. မောင်တောင်းပန်ပါတယ် ... မောင်မှားသွားပါတယ် "
ဒူးထောက်ထိုင်ချလိုက်ပြီး မရဲ့ ခြေထောက်ကို ကိုင်ကာ အရူးတစ်ယောက်လို အသိစိတ်လွတ်သွားတဲ့ လူတစ်ယောက်လို ထွက်မသွားဖို့သာ တတွတ်တွတ်ပြောပြီး တောင်းပန်နေမိသည် ။
မသာ အခုလိုစိတ်နဲ့ ထွက်သွားခဲ့ရင် မောင့်နဲ့အဝေးဆုံးကို ထွက်သွားမှာ မောင်သိသည် ။
မောင်ဆီပြန်မလာနိုင်တော့တဲ့အထိ သံသယတွေနဲ့ မဟာ မောင်နဲ့အဝေးဆုံးကိုထွက်သွားမှာ ...
မဟာ မောင့်ဘဝအတွက် မရှိလို့မဖြစ်တဲ့ လူတစ်ယောက်မို့လို့ မကို မရှ်ိမဖြစ်လိုအပ်သည် ။
YOU ARE READING
ကျနော်ချစ်သော ထိုအမျိုးသမီး
Short Storyနာကျင်မှုတွေကိုသာ အဖော်ပြုပြီး ရှင်သန်ခဲ့ရတဲ့ ကျနော့်ကို ထိုအမျိူးသမီးက မုန်းသည်တဲ့ .....
