peacheu_girl
سلام لكل حدا متابعني ، صراحة اول مرة أكتب شي من غير الرد على تعليقاتكم أو نشر جزء جديد من رواياتي . ما بعرف شو أحكي ، كيف بعرف عبر على مشاعر الشخصيات اللي بكتبها بس ما بعرف عبر عن مشاعري ؟ صراحة أنا كمان بستغرب من حالي . صرلي مدة ما نزلت و هاد لأنو حياتي كثير مكركبة . ما بين يوم و ليلة تغير كلشي و ما كنت مستعدة أبدا ، اكتشفت إنو كنت عم ضيع حياتي ف اشية ما بدي ياها و اكتشفت إني ما بعرف شي عن حالي ، إهمالي لصحتي النفسية و لحياتي خلاني آخد قرارات كثير سيئة و هلأ عم ادفع ثمنها غالي . بس الحمد لله ما في شي إسمه " فات الأوان " ، أنا عم حاول أوقف على رجلي مرة ثانية و عم حاول صلح أخطائي و كمان عم حاول اعرف مين أنا . بالأشهر اللي فاتت كل مرة بجلس مشان أكتب شي بحس مخي فاضي ، بضلني جنب الورقة لساعات و ما شي بيطلع ، هاد سببلي احباط أكثر من اللي كنت حاسة بيه فحياتي لأنو عن جد بحب أكتب ، الكتابة و القراءة هما الشغلتين اللي بقدر فيهم عبر عن حالي و حس بالإنتماء ، بس للأسف ما قدرت أكتب شي و أفكاري كانت كثير مشوشة ، بس الصورة رح توضح شوية شوية ، و متأكدة أنو رح ارجع كمل ، مشان هيك استنوني شوية بعد ♥️♥️
