🇱🇾
السلام عليكم.. 
كيف حالكم ان شاءلله بخيـر..
معاكم MAYOO..
~~
بديت نقرا ف روايات الادبيه من لما كنت صف سادس وتعلقت واجد بروايات نكمل وحده نخش ع تانيه .. بعدها خشيت ع روايات اليبيه من بعد مً كنت نقرا ف روايات ادبيه وعلميه ، وروايات خياليه ، يعني الهُمت بيهن كملت 3 سنين ونا نقرا ولحد الان نقرا ف روايات ..
اول روايه قريتها ( أرض زيكولا ) من الخيال ...
وكملت بنظام هذا بعدها خشيت ع روايات بنات بلادي وفعلا كل وحده ابدع من الثانيه وكل وحده سردها اجمل من الثانيه ...
فـ صف 2 اعدادي فتحت وااتباد وكنت نكتب ف روايه ومستحيل ننساها كتبتها بكل حب بس مكنتش نفهم فالوتباد واجد فلاحظت حاليا اني مكنتش ننشر فيها كنت نحط فيها ف الحافظه🥲.
وقفت كتابه بعدها وكتبت وحده تانيه ووقفت لحد الان رجعلي شغف الكتابه ...
كنت من صغري نحب نقرا ونكتب ونرسم ونحب العزله واجد ف
اول هوايه كانت الكتابه ليا نكتب ف اشعارات واقتباسات ،،
شاركتني مدرستي من ايام صف سابع ف قارئ الصغير ..
هذين هوايتي حتئ فالمدرسه كنت نكتب ل صحباتي ونرسملهن بحكم خطي حلو منشكرش فروحي بس هذين شي فيا وحبيت نشاركم..
مريت بواجد ف حياتي بجد نشوف ف حجات ف واقعي ف نص روايتي
( حين سقطت الأقنعةُ) 
من واقعي حرفيا ولا شيء من خيالي ،، ولا نحب نقرا روايه خياليه زياده ع اللزوم ك واقعنا اليبي في حاجات ف روايات صارن بس ف حياتنا ولا مره صارت...
ف بجد نا ميهمنش كم قارئ يدعمني ولا يحب كتابتي نا راضيه اشد الرضاء عن نفسي وكتابتي ...
ك لغتي مجبتش نغير شيء نا شرقاويه ...
وان شاءلله تفهموها يمكن ف حاجات قليله متنفهمش..
ويريت اتفهمو ان ف فرق بين الكاتب بقلمه والكاتب بقلبه وروحه وتفكيره ل يكتب وهو يفكر ف احداث ويرسمهن ف عقله ل يبي من كل شيء عبره وموعضه لـ قدام ...
فـ حبيت كـ Mayoo نشارك حياتي ب روايه حلوه وراها تجارب من حياه ...
ومش هننسئ اول تعليق فرحني ولا اول نجمه فرحتني هذين هيبصمن ف قلبي لاخر نفس فيا ..
وتوا سلام🩶.