يومين وبتنزل قصتي الجديدة
بتمنى تقرؤوها لان قصة قصيرة
انطلبت مني من بنوتة كتير حبوبة بس للأسف تأخرت عليها كتير
من الأبطال: كوروكو تيتسو من انمي kuroko no basket
منقول
انشروا صور الزنود السمر اللي عم ترفع بنايات عن ظهر طفلة ..
انشروا حكايات الصدور الحنونة اللي عم تضم أطفال فقدوا عائلاتهم ..
انشروا طوابير الناس اللي عم تتبرع بالدم بلا بطاقة ذكية ..
انشروا الجروح اللي ع كتاف الشباب اللي عم تحمل كراتين الدوا والأكل والشرب للناس ..
انشروا صور إيدين السيدات اللي عم تغطي النايمين بالجوامع والكنايس والمدارس والشوارع .. وعم تطبطب على وجعهم ..
نشروا صور الناس اللي عم تشلح جواكيتها لتغطي اللي عم يطلعوا من تحت الردم بردانين ..
انشروا صورة السورية المسيحية اللي شلحت شالها لتغطي شعرات سورية مسلمة طالعة من تحت الردم بلا حجاب ..
انشروا صورة السوريين المسلمين اللي عم يشعلوا شموع ويركعوا بالكنايس ..
انشروا صور السهرانين هلق عم يضبوا شو الله قدرهم عليه ليبعتوه للمنكوبين ..
انشروا صورة الختيار اللي تبرع بالخمسين ليتر مازوت اللي طلعولو بعد نطرة سنتين ..
انشروا دموع أهل سوريا الجنوب على أهل سوريا الساحل .. وأهل سوريا الشام وحمص على أهل سوريا حلب وأدلب ..
انشروا محادثات المغتربين واللاجئين اللي عم يدوروا ع طريقة ليقولوا نحنا معكم بكلشي منملكو..
انشروا غسيلنا النضيف .. وفرجوا البشر شقد نحنا بشر وشقد بتلبقلنا الحياة ..
#وضبو_الوسخ_عالسكت ..
Ignore User
Both you and this user will be prevented from:
Messaging each other
Commenting on each other's stories
Dedicating stories to each other
Following and tagging each other
Note: You will still be able to view each other's stories.